冰島英國自由行之旅2013-06-17第十天Part 4(天陰)

今日唔搞咩….好似諸事不順……..中午又無飯開…去左麥叔叔度買左9蚊既麥香雞包….加5蚊細薯條…….買左14蚊覺得自己好醒……食飽飽…平時梗係午睡啦…..今日無得訓….開個電腦諗住打打blog……就發現左個令我唔開心左成個下午既消息…………..放工又放遲一個令人沮喪…..夜晚去左食乳豬海鮮煲….發覺佢個煲少左好多料…不過肥牛依然好味................跟阿sam同大比佢地食…..我地個連續劇都未寫完…………



2013-06-17
Day 10—-Part 4(英國,倫敦 United Kingdom,London)
到左食飯時間~我地之前睇定左一間餐廳食飯的~就係塔橋沿岸其中一間~其實沿岸有好多其他餐廳既….例如食生蠔哥d咁樣~不過價錢幾貴~我地就無揀~就食番之前係旅遊書睇既哥間啦~~其中有一間都幾靚的~~如果唔怕凍又唔怕曬既話可以坐室外~因為望住泰晤士河加倫敦塔橋食飯應該幾唔錯~

我地食哥間就係呢間Cantina del Ponte……地址：The Butlers Wharf Building, 36e Shad Thames, London SE1 2YE….電話：020 7403 5403…..網址：www.cantinadelponte.co.uk……每天3pm-6pm休息

我地食哥時應該係12點幾度~~我地呢日早餐都無食~~超肚餓~~裝修環境都唔錯的~~侍應亦有禮貌~~~

我地黎之前有上網睇過餐牌的~~見佢有set食都唔錯咁喎~~~~於是我地就叫左兩個set黎share喇~2 courses就£12.5=147.5hkd(頭盤+主菜 or 主菜+甜品)…..3 courses就£15.5=182.9hkd(頭盤+主菜+甜品)….兩個set我地都係叫左2 courses

叫左杯白酒飲~~~SOAVE, ALPHA ZETA, VENETO, 2011……£5.5=64.9hkd/glass….我其實鬼識佢邊隻打邊隻酒~~~我求其叫杯最平既飲下~~~

好喇~上菜~兩個set既其中一個頭盤我地揀左Baby squid sauteed with tomato, chili and garlic croutons…..都幾好味~不過淡左少少~~

另外一個頭盤就係Bresaola rolled with ricotta cheese, rocket and parmesan cheese…..係風乾肉入面夾住軟軟的芝士!!!!!堅正!!!呢個超好味~~整得好好味~~

主菜我地揀左Sea bream, tomato, white wine and herbs, crushed tomatoes and potatoes…..魚~不過我覺得有少少腥~

另外一個點左Pork chop butter and sega with roasted potatoes….豬扒~味道唔錯的~不過有點鞋~

再散叫左Spaghetti Allo Scoglio…..£18=212.4hkd……wow~呢個海鮮意粉堅係正!!!!!後尾再幫我地加上芝士碎~~~海鮮好味~~~而佢d意粉味道同軟硬度都岩岩好!!!推介!!我地4個都食指大動~

仲有呢個Risotto Ai Funghi~雜菇Risotto~£12=141.6hkd…..好好味~~~4個人食剛好~唔怕漏~~~

一次過出哂黎好有氣勢~~~擺都擺唔哂~~

餐廳侍應哥哥人就幾好既…但係影相角度都係一般般…….又係淨影人….又唔影野食…好差勁~~~~~

求人不如求己~~辛苦毛寶~

呢餐飯食左£77.63=916hkd….每人229hkd~算係咁~

食飽飽就沿路行番去搭Underground~~係喎~~頭先未食甜品喎~不如食下英國雪糕咩味先~~~~

佢仲有個全世界最大雪糕筒(自稱~~)….就係左右哥兩個~~我地未敢挑戰~~~

我地每人叫左單球吃吃~每個£2.5=29.5hkd~不錯吃喎~毛寶哥個依家睇番隻色好恐怖呀~~好似d黑心雪糕咁~~~~但呢幾隻味都好好味~

我完全無諗過…..
yahoo blog都會執笠……
呢個到今年12月20日就會寫滿6年既blog….
跟我說在我的生日月就要告別了……
我………………..無言…..
成個下午都無哂心機……….
寫左6年…..6年唔係一段短既時間….
你可能會話：佢都俾你過番d野去新blog啦..
無野既…….
但係呢度有好多blog友好似一齊成長咁樣…
日日睇住大家發生咩事…..
自此之後…….
大家可能各散東西…..可能有人唔再寫野
有一句真係講得岩：合久必分……
不過天下無不散之筵席…..
如果我搵到個好寫既新blog….
我會再寫落去……
我會係呢度話俾大家知我搬去邊…..大家有興趣可以黎睇
不過我會係yahoo blog寫埋我呢個遊記先走….
想完完全全寫完先走!!!
唉~萬般不捨…………………………………報時：距離南非觀獸美食之旅2013仲有—-49日~