冰島英國自由行之旅2013-06-14第七天Part 6(大天晴)

星期五喇~~星期五喇~~~下午超多野做~~~~不過憑我地一team同心協力~無野難到我地的~~~~因為我地個個食左叻仔餐架嘛~~~~雖然今晚要去食一餐我唔想食既飯……不過算啦~~~~~星期六日都有我想做既野~~~就已經好開心喇喇喇喇~~~~今晚餐飯當係靈魂出竅咁坐係度就算~~~或者咩都唔望狂食野~~~~



2013-06-14
Day 7—-Part 6(冰島,米湖 Iceland,Lake Myvatn->胡斯維克 Husavik)
好~~食飽對面當仔既熱狗我地既主菜就黎喇~~呢個係阿sam既~~Selected Rib eye steak served with mushroom spinach and pepper sauce….ISK4,990=324.4hkd…因為阿sam同大比喜歡食熟一d既牛扒~~我就比較愛吃生一點的~味道ok~不過對我黎講就過熟~

呢個我既!!!!!黎到冰島…點可以唔食周山都係既羊!!!!冰島食羊都好出名的…..Baked organic lamb loin au jus with fried vegetables….ISK4,590=298.4hkd…..超級勁爆好味!!!!!!!!!!!!肉質好正!!!!!!味道也佳!!!!平時唔食羊既毛寶都試一口…佢話：好正喎~騷味都接受到………最後佢仲唔只食左一口~~~佢有連埋羊皮煎的….我好似係第一次食到羊皮~~幾正喎~~~~~~真係好好味!!

毛寶的Fresh fish, catch of the day from the bay….ISK2,980=193.8hkd….抵食呀~~而且魚也好吃~不過唔好問我係咩魚~~我係唔記得的~~

大比的Spaghetti with chicken strips, pestosause and salad……ISK2,100=136.5hkd…又係抵食~不過我覺得淡口味左d~

我講真…我真係食得哂成個主菜再加一條熱狗….肥…唔係無理由的….

食到超滿足…..四人價…..ISK18,760=1219.8hkd…..唔貴~又靚景~又好味食物~

但食飽野既時候…記得順便食埋暈浪丸喇…要出海喇~~~~~~~~~(好似我地4個得阿sam一個無食~我本身諗住唔食…但我後尾淆底~~)

我地上船既碼頭~~~

我地坐既船呀~~~咦~乜原來咁細架咋….個海咁大…咪好易拋囉~~~

重點係……我地上船要著一件連身衫保暖的~~~(包埋)…..件衫超大件….已經係XS碼!!!!!!著到個人身型超樣衰!!!!!成班人好似米芝蓮咁!!!!好醜樣~~~~~~

好~~離開海港了~~~出發~~~~~~~~~~

有導遊姐姐講解呢個海域有咩鯨魚睇~原來都幾多下架喎~

雖然件野真係著到好樣衰……成個好矮既筋肉人咁樣….不過又真係幾保暖的~~

阿sam已經搶上船上層睇住有無鯨魚~

成班人真係好緊張咁樣睇住有無鯨魚架…..睇下佢地個個係哂船頭好緊張咁!!

第一次出現既時候我地已經等左半個鐘~~不過第一次睇到..又遠….黎唔切影相~~第二次既時候出現就醒少少喇~~~~不過佢彈起太快同出水面露出既身體超小~~~大家睇唔睇到呢???

應該係小鯨魚~~



第二間公司都有出船~~~成個畫面睇落就好似幅畫咁樣~~~~唔知點解d鯨魚成日走佢地架船度架!!!

第二take影….都係麻麻架喎!!!!

跟住我地都忍唔住走上上層望清楚d先睹為快!!!!

hello~~見唔見到我地係上層呀~~(其實上層好細架咋~~~最多企5個人)

我都知我噚晚咁樣講話今晚有餐唔想食既飯…
會有人估係我阿媽迫我去相睇架喇~~
我情況未去到咁慘~~~~~~wakakakak~
大家唔使亂估囉~~~~報時：距離南非觀獸美食之旅2013仲有—-63日~