冰島英國自由行之旅2013-06-17第十天Part 1(天陰)

今日係amazing summer既最後一日喇~~~~不捨~~~~~又要等一年喇~~~唔知點解呢個月可以過得咁快架~~~~~為左悼念amazing summer…..今日同同事去左飲茶…..痴線架!!!!6個人叫左18個點心(又牛肉球又牛柏葉又春卷又流沙包又蝦腸又墨魚餅等等等等)同埋一碟炒飯!!!!!!!!!但係我地無浪費喎~真係食得哂~~咁多點心先每人106蚊…又幾抵喎~~~~飽到我依家放左工仲係咁飽~~~~~哈哈~~



2013-06-17
Day 10—-Part 1(英國,倫敦 United Kingdom,London)
wow~wow~倫敦市觀光的第一天~我呢個now仔~~第一次黎倫敦架咋~~緊張緊張~….呢個係我地民宿既門口~~

旁邊仲有一間小教堂~

好喇~出發觀光~我地住既South Kensington站搭Piccadilly Line….向Cockfosters方向搭3個站去到Green Park站……再轉向Stratford方向的Jubilee Line搭一個站就到了Waterloo站~應該已過繁忙時段~未見實在太多人~不過我發現佢地d地鐵扶手電梯都好長下的~

好~第一站就係~~~我地訂左要坐倫敦眼(London Eye)呀~~建議大家上網book左先~因為唔使排隊買飛之餘….上網買會有9折的~佢有好多隻飛買架…有團體飛呀…家庭飛呀….Fast Track呀….Day & Night Experience之類之類的~有約定某一時間搭..亦有彈性票等你想幾時上就幾時上….我地d窮人就揀左最基本的Standard Ticket…一人£19.2=226.6hkd…..網上9折價係£17.28=203.9hkd….慳成20幾蚊架~4個人就慳成舊水架喇~~~~網址：www.londoneye.com……..上網買完佢會寄e-mail俾你直接print飛出黎就ok了~都幾方便~

我地book左朝早10點呢~~雖然天有點陰~但無落雨喎~咁既天氣係倫敦應該好正常je~我就唔會買Fast Track喇~因為其實Fast Track都好多人排~其實呢度有咁多人但我地係等左10分鐘多少少咋~唔算太耐~(閒日既話咋~)

頂~好衰架~排排下隊佢又擺部買佢London Eye既硬幣既機係度…….我最抵受唔到呢d景點硬幣既誘惑架喇!!!(舊年係法國買左一大堆!!)….好啦~咁靚~買啦~£2=23.6hkd一個~

等左唔算太耐就到我地啦~~~

出發~

一個倉(好似講緊監倉或時昌迷你倉咁:D)可以入到大約15人左右~不過大家通都走去某一方向影相~所以長期向Big Ben方向都係超逼的~

最慘就係…..呢個空間有個鬼妹有極臭既臭狐!!!!!!咁凍都有臭狐你到底有幾日無沖涼?!?!嘔嘔~(我幾想念我呢個髮型~)

還有Samsung Galaxy Tab為你作景點導賞~

上到最高點就跑去霸個靚位影相先~~(其他大部份既人都一開始轉時影~我地就把握機會升到最高先影~)

London Eye最高點影落黎確係唔同d既~~~

國會大樓(House of Paliament)和傳說中既大笨鐘(Big Ben)也盡收眼底~美~

哈哈~~依家影先影得靚架嘛~~~

噚晚做既走過浮華大地亞洲篇….
笑到我呀!!!!!!!
翠如bb同洪永城佢地既K-Pop造型想點呀!!!!
笑屎我呀!!!!!洪永城個造型堅想打獲佢!!!哈哈哈~~~
仲有最後既韓文微電影醜到不得了~~好似講緊泰文咁~~~
好好笑呀呢個組合~~~
我今晚會再追~~~~
實在太好睇~~~~~
今晚sam哥同法拉咀咀喇~~
肉緊~~報時：距離南非觀獸美食之旅2013仲有—-52日~