冰島英國自由行之旅2013-06-14第七天Part 5(大天晴)

噚日打左成日風…預左今日要還~諗死今日實開ot…點知唔使喎~好野~amazing summer係唔同d~希望好運勢持續去到聽日啦~~~唔知係咪真係因為有風雨…我本身噚日食左藥好d….但今日個頭又再痛過!!!乖d啦…聽日星期五架喇~



2013-06-14
Day 7—-Part 5(冰島,米湖 Iceland,Lake Myvatn->胡斯維克 Husavik)
係guesthouse擺但左行李之後~~~就再度出發~~~依家係六點度~~胡斯維克(Husavik)係一個賞鯨勝地~~咁我地梗係要睇下啦~~應該有兩間比較出名既觀鯨公司係海邊的~~我地就揀左呢間~~~Gentle GIANTS~~~價錢好似係平隔離既少少咁多~網址：www.gentlegaints.is

其實我地係睇佢既小冊子俾佢呢個tour吸引的~坐橡皮艇出海!!!你睇下同鯨魚幾close~~~仲可以去埋puffin島睇puffin(海鸚)!!!!…冰島係世界最大既海鸚居住地~~佢地有個好大好鮮艷顏既咀~~好可愛~~我好想睇~~~~呢個tour係2.5hours….成人€99=990hkd…..5月至8月先有的…..好可惜….我地6點去報…..佢…..full左………………………………………好傷心…因為呢團係呢日既最後一團…….而聽日我地又一早走………..所..以….玩唔到………

算啦~~~~人生都係要留少少遺憾既~~~唔係邊有藉口下次再黎呀~~~~~~我地就揀左呢個最普通既~~~~入門團~~~寫明之前睇到既機會率係97%-99%~~~咦~~咁可以睇睇喎~~~而且航班時間多~~~成人€56=560hkd….3小時~~抵玩~~~6..7…8月就最多航班出架喇~~而且由於日照時間長~~最尾哥班可以去到20:15~~

睇張相又好近下喎~~~~~~~~~~~~



好~~就呢團啦~~~第一次要玩入門野既~~~~

呢個城市就係對住呢個咁靚既海港喇~~

未夠時間我地就去搵地方食飯先~~~~仲以為有好多餐廳添靠海~~又唔係喎~~好啦~~揀左呢間~~~都幾靚~~~我地….仲好有型咁揀左室外坐…見天氣好嘛~

今晚就係望住呢個靚景食飯喇~~~~~好悠閒呢~~~可樂真係最好既選擇~~~

但係….雖然已經係六點幾七點…..但其實坐坐下都覺得好曬呀~~~~~~我諗我話去旅行曬黑都應該係關呢日事~

懶有型丫拿~



叫左Today’s soup with homemade bread…….ISK1,190=77.4hkd…..今日係飲蘑菇湯呀~~~~~~~~叫左兩個四份飲~~~~好多菇好正呀~~~其實係自己入去倒架~~好DIY~~~

飲飲下湯….咦..對面有熱狗檔仔喎~~~~~阿sam話食完飯先過去買….但我話：我驚佢收工….之後兩位熱狗同好就一齊跑過對面街買喇~~~

一個熱狗…ISK400=26hkd~唔貴~(我好似要食哂全冰島既熱狗先心息咁~)

攞開熱狗腸你看看~佢d洋蔥同炸蒜加埋入去我覺得好醒神~~~好正~~~我係主菜出黎之前已經將佢消滅!!!!!!!!!!!!

我今個禮拜放早…
本身大好星期五可以安排大好既節目…
點知聽日又要去食一d我唔想去食既飯!!!
見d我唔想見既人!!
希望快快趣趣食完就算喇!!!!!
報時：距離南非觀獸美食之旅2013仲有—-64日~