冰島英國自由行之旅2013-06-15第八天Part 1(大天晴)

今日又去覆診~覆第二樣野~所以今日下午都幾疏肝~~~~~不過聽日又變番正常上班時間~~可以經過呢兩日我會唔慣呀~~~~wakakakaka~~~~~噚晚食左d醫生開俾我話預防偏頭痛食既藥…佢話食完會好眼訓…..點知到左今朝訓醒….我仲係好眼訓….眼訓到朗公子見到我都話我個樣好衰!!!



2013-06-14
Day 8—-Part 1(冰島,胡斯維克 Iceland,Husavik->阿庫雷里 Akureyri->Blonduos)
我地之前一晚係住guesthouse既~但佢行遠一條街有一間同佢相信係同公司既酒店~而guesthouse竟然包埋有得係酒店食早餐喎~~~抵~~~~雖然野食唔多~~~但係我都好開心~~~~因為我呢日食左好耐無食既牛奶+粟米片…..仲要係牛奶加白砂糖~~~好好味呀~~~~~唔使問…又係我食得最多啦~

第一站黎到胡斯維克鯨魚博物館(Husavik Whale Museum)~

佢既外牆好靚呀~~~~~

不過入到去…發現原來持噚晚出海睇鯨魚既票尾八折左之後都要成100hkd一個人….團友望入去…又唔算多野睇je~~~唔睇啦~~~所以我就係門口偷偷影左張相~~有無人去睇過??值唔值得睇??

離開胡斯維克(Husavik)….1.5小時車程…黎到冰島的第二大城市阿庫雷里(Akureyri)…番到黎睇番資料先知…原來呢個城市距離北極圈只有100公里~~我們跟北極圈是這麼近~那麼遠~

不過呢個城市俾山環抱~所以唔算太凍~冬天海港都唔結冰~



經過7天行車….我地租既車….已經由一架靚仔車….變做車頭佈滿蚊屍既恐怖地帶~~我都唔敢行近~~~相信絕多既蚊屍係黎自米湖區的…..我地既車速真係好快~~

阿庫雷里的地標….阿庫雷里教堂(Akureyrakirkja)…..原來行上去可以睇哂全個城市架…我地又因為懶…所以無上~~~~~失敗~~~~

原來佢同首都外型似火箭的哈爾格林姆教堂(Hallgrimskirkja)係出自同一個設計師既手筆~

教堂對面街就係d步行購物街~不過唔算好多野買~不過影下d屋仔就幾靚~

之後就開始搵野咬~~不過好慘……我地係information centre度攞左d資料見有間餐廳係食青口的諗住仆倒去食…..佢個地圖寫話同個informarion距離係700m….點知行左足足成個松山先見!!!!!都算…..仲要無開!!!火唔火!!!!

最後行番轉頭揀番教堂行落少少既一間外觀唔錯既餐廳食飯~地址：Hafnarstraeti 92-600 Akureyri

地方唔錯~鐘意佢有好多日光~

我地叫左3個主菜~其日有兩個主菜係有任食沙律bar~~~正呀~~~~好似好吸引喎~~~

咁就可以成檯人都可以任食了~~~~



d沙律既料都唔馬虎呀~~~我地仲添食左超多次~~~~~

兩個主菜有包任飲湯~~~麵包也任切~~~湯麻麻啦~~佢話呢個係法式洋蔥湯喎….咁既色既咩~~~~麵包脆脆~~加埋我地好鐘意食哥隻冰島牛油~~~超正~~

其一的主菜…..Panfried plaice with shrimps, mushrooms, vegetables and baked potato……包湯和任食沙律…..只需ISK3,750=243.8hkd~~~~好味~魚來的~

其二主菜…….Seafood pan “au gratin”…..又係包湯和任食沙律…..ISK4,250=276.3hkd……呢個堅係好味呀!!!!!!!!個d海鮮連埋d汁超級的好吃~~~~蒜蓉包也焗得香脆~~~點個汁食簡直一流~~~~~想念呢個主菜~~

Juventus Pizza….ISK2,190=142.4hkd….估唔到佢d pizza咁好味喎~~~~pizza hut價錢~~好味過pizza hut一百倍~~~~抵~~

我想講~~呢餐食得超滿足呢~~~~仲想表達呢餐杯可樂係特別特別的好飲!!!!!!!!!!係我飲過既最好飲!!!!無講大話!!

4人價ISK11,090=721.1hkd…..每人才180.3hkd…..又正又抵~~~讚!!

今日同人講起….
真係個個都想睇激戰架喎~
仲有人話呢套戲零負評喎….
咁犀利……我都好想見識下喎~~~~~~~~



今日食左超多零食入口….
又話減肥…
減個屁……報時：距離南非觀獸美食之旅2013仲有—-59日~wow~5字頭~~~~