冰島英國自由行之旅2013-06-17第十天Part 5(天陰)

好野~開學了~終於無咁多小朋友黎~~~不過仍然多野做……星期六：第二次去食蟶子花蛤米~正~…->同埋貞貞一齊去neway唱k…唱到喉都沙->再臭埋朗一行四個女仔去食小東京~同我上次第一次食哥時一樣咁唔好食…我以後都唔去->夜晚去左睇愛登士家庭….夠哂平飛~個位仲唔錯!!好好笑~好好睇~澳門睇歌劇..一個字~抵!………..星期日：去左銀河潮州百樂飲茶~都ok~不過都係日麗同永利軒正d~….->去左探柏佬同小公子~~~~好開心~~好耐無見佢地~~..->去左朗家探佢既孖八~大隻左好多呀~~同痴埋人地餐~~唔知醜~~星期日做哂親善大使~~哈哈~~



2013-06-17
Day 10—-Part 5(英國,倫敦 United Kingdom,London)
好~呢站景點完結~我地去番Tower Hill站搭Circle Line或者District Line去到Monument轉車…..轉Northem Line向Edgware方向…..去到Camden Town站~

一出Camden Town站就黎到呢個肯頓市集(Camden Market)喇~~~地址：Camden High St. & Chalk Farm Rd., Camden Town……網址：www.camden-market.org

第一站估唔到就入左去vans睇…..有收穫哥個竟然係寶寶!!!!!睇睇佢腳上既波鞋仔!!!幾神氣~~~

呢個市集都幾大下~~分左好多個區~~~大街就有好多好多既手信鋪同波鞋鋪….毛寶仲買到減價鞋~仲有好多的亞洲人面孔~~~包括自己~~(笑)

不過實地考察過之後…..呢度既野….唔係好岩我地買…………………(仲有少少內地feel)….有d建築物都幾靚既….不過賣d野真係唔多岩我地胃口…..

有一個area專係賣野食既~不過又係哥句….望落唔吸引~唔吸睛~無試過~

搵到唯一一間令我地買到興高采烈的~~~睇左好耐~係賣d飾物呀~手飾呀~做得唔錯~值得一看~~~~叫做wemadelondon……網址：www.wemadelondon.co.uk

買完上面圖哥間wemadelondon我地就走lu~雖然真係好大…不過無野岩買~又唔係平~搭地鐵時發現呢個用lego砌成既地鐵圖!!!得意~

還是傳統的紅色電話亭最美~~

由Camden Town站搭Northem Line向Morden方向….去到Leicester Square~咦~soho區喎~係咪要un住出去呀~(光想畫面都想嘔>~<)

我地呢晚有活動呀係呢區~不過唔係飲野~



活動之前先食食晚餐….因為時間不多~~得番一個鐘度….就求求其的搵左一間食三文治叫PRET的~(好似係咪香港都有的??成日好似係中環地鐵站見到哥間係咪呢個?)

今晚淨係食左三文治同飲湯….d三文治唔錯~不過呢類型既西湯我就真係麻麻~唔好食咁多呀~如果唔係就進行唔到我地以下既活動架喇~XD

大比少女叫：華~好得意呀~….而買下的~唔知佢依家去左邊~~~~~

我地今晚不宜吃太飽既活動就係：文藝青年”學人”睇歌劇!!!不宜吃太飽既原因…係因為我地驚訓著…..Zzzzzzzz………….劇院既名叫Her Majesty’s Theatre……係Charles II Street….我地係透過網上購票的~網址：www.reallyusefultheatres.co.uk/theatres/her-majestys-theatre……..我地哥時上網買又貪平無買保險(因為佢係寄d飛過黎既無得上網print..我地淨係俾郵費…慳錢而無買保險…如果寄失左無得賠)…….點知佢成個月都寄唔到黎…嚇到我地死死下!!!!好彩最後大約一個半月終於都黎到…..所以….如果係咁既話勸大家早d買飛啦~~唔係既話嚇到鼻哥窿都無肉~

我地揀左睇The Phantom of the Opera~~~揀呢套既原因……我英文就唔多好啦~都唔慌聽得明~~~咁呢個故事睇戲都睇過啦~唔會唔明既~~而且覺得佢d歌好聽~而且第3個原因就係……個Phantom又撐船又落地牢又有水又跌燈咁樣….個舞台佈置一定好好睇~~~~~所以對呢套劇充滿信心~~~其實呢條街仲有好多唔同類型既舞台劇!!!如果大家想睇其他可以上呢個網站睇睇其他的：www.theatrepeople.com/

華下….個台都幾細下喎~~~

我地買既區係Belcony….簡稱貧民區….我地已經係最上哥區…..都嫌自己唔夠平….仲要買最側既(其實就算佢同一區都要睇咩位…又上又側的最平)……價值£23.1=272.6hkd…夠哂抵睇啦~其實有得現場買的…即場買有時會有折(就黎開場哥隻)…不過睇你好無彩哥日有無爆滿~如果學生好似現場買會有半價(聽人講的唔知堅定流~)

佢都好貼心~知你班貧民坐咁遠實睇唔到(事實上真係睇唔到主角個樣..實在太遠~)….佢有得租望遠鏡的~~~~~~£1=11.8hkd~~~~~

不過貧民總有貧民慳錢既辦法~~~我地有係澳門帶望遠鏡過黎喎~~~(個望遠鏡仲要係上次睇eason個回歸show送的~~~)…仲倒轉個望遠鏡影相~~好樣衰呀我倆~~

做緊既時候不得攝影~呢張係中場休息時影的~岩岩吊燈跌左落去…又升上去既情景~最搞笑呀……睇哥時真係超眼訓囉~~~~~~~最離譜係大比呀~~~一開場就訓著左呀~~~~~~失禮呀~~~~

我下半場都訓著左~~~隻眼真係好難控制~~~套劇d場景又黑喎~~~~終於謝幕~~~~由7點半做到10點幾~~幾抵睇~~~~~但不得不讚係佢舞台裝置真係做得唔錯!!!

我諗歌劇都係唔係咁適合我呢種文化水平低既人架喇~~~~~~~~~但係明明我係澳門睇過既哥三套歌劇(仙樂飄飄…Cats…愛登士)都睇到我如痴如醉架喎~

大家都知啦~
星期五就知道左yahoo blog會執喇
於是好多blog友就搵屋企搬~(或者有d明言會唔再寫…)
但寫blog係我放工後既娛樂~無可能唔寫~
同kapo baby商量左一整個下午~
同埋睇過大部份blog友都係搬去google既blogspot
我諗我都會暫時係咁決定~
呢個周末我用左好多時間去理解佢點運作…
當中都有好多困難…多得kapo baby不厭其煩教我~
令我呢個白痴仔都有少少上手~~~~~
唔開心左一日~然後係星期六決定係blog界重新出發~
呢個世界無話邊個無左邊個唔得既~
我諗我會好快適應既~~我要加油~~~~
你地會支持我架可~
岩岩先搵到屋搬(新blog位置…)
噚日岩岩裝完修(裝靚個blog~懶靚咁放下相)
但仲未搬傢俬喎(因為仲未”輕鬆搬家”…但今日發現佢既輕鬆搬家原來只限搬去xuite!!!今日望過應該係台灣msn地頭….我又唔想去哥度!!!!!!諗諗下有d火….依家我搬唔到家!!!!不過就算要我逐篇逐篇整番上去我都唔會搬去xuite!!!搞到我依家好想連個遊記都未完成就去新blog哥度寫!!!!!!!!)
而且我仲未係哥寫新blog呀~因為我仲搞緊呢邊的遊記~
所以依家係得間吉屋係度~哈哈~
如果大家想繼續睇我寫d無聊野~
可以黎睇睇我版面大家睇得舒唔舒服~可以話我知
(我仲未搞好d字既顏色…依家有少少作嘔~)
以下係我新blog網址：http://tiffanylei.blogspot.hk/
以fb既講法：黎like我啦~
以微博既講法：黎關注我啦~
以yahoo既講法：黎訂閱我啦~
以我依家最新既blogspot既講法：黎”追蹤”我啦~~~~~就按我相下面個追蹤就得啦~~註冊都好簡單呀~~~可以用yahoo個e-mail address註冊的~~~多d黎留言俾我啦!!!!!
跟Mr.唱句：好好….記住我~~~~~~~
(9月立法會宣傳都唔夠我黎~~~XD)報時：距離南非觀獸美食之旅2013仲有—-46日~