冰島英國自由行之旅2013-06-13第六天Part 1(天晴)

amazing summer的星期一真係過得唔錯~~星期六：哈哈~~襯依家個頭可以露眼眉就跑去影證件相~~..->典雅咖啡午餐->夜晚去左觀光塔60樓食自助餐慶祝婆婆生日~同表弟妹們聚首一堂~開心~…….星期日：飯都未食去同屋企人行800伴既日本食品節…..硬係覺得樣樣都好貴…無收獲….->哈哈~終於去左食路環哥間常喜~都幾好味~不過我覺得唔平~..->去左食毛寶推介既檸檬批~又真係幾好味->夜晚簡單一碗生牛肉貴刁~星期日除了吃~還是吃~



2013-06-13
Day 6—-Part 1(冰島,荷芬 Iceland,Hofn->米湖 Lake Myvatn)
晨早起床~~今日車程超長~~明明就話買好早餐上車食…..買下買下就變左坐低食~~~我地真係~~~早餐係油站休息站度食~買餐有汽水跟…..我想表達…..冰島既可樂可是十級的正呢!!!!!!!!!!真係好正~~夠哂汽又唔怕太甜~~~口味係我飲過咁多個國家既最正的!!!真係個個國家d味都唔同架無吹水….唔通同冰島d水靚事???但舊年係瑞士飲既我覺得好難飲喎~~~冰島既可樂有埋人名架~~可惜係冰島名~無英文名~如果唔係我實買番支tiffany番屋企~

我同大比同阿sam都係每人叫左呢個芝士漢堡包餐(跟一支可樂)….ISK1,259=84.2hkd…..這個價錢在冰島一d都唔貴呀~而且咪睇我地成日食漢堡…其實我幾享受的…我係澳門係唔鐘意去食專係食漢堡既餐廳…點食我都覺得唔好食….但冰島的漢堡…一級棒呢!!!!呢度個漢堡真係好好味呀!!咪睇佢係油站休息站就馬馬虎虎…..即整的!!熱辣辣…塊扒有肉汁…..重點係佢d薯條…..超級好味!!!!!!!!!脆口…..仲好似加左d椒鹽粉落去..超惹味!!!我番黎澳門有常常想起呢個咁好味既漢堡餐~~~~~~~~(見我用咁多字打就知幾正~~)

毛寶就唔可以好似我地咁早餐咁heavy食漢堡~~~~~~~人家是少女~~~~~~~~佢就揀左雞肉沙律………ISK1,550=100.8hkd…………又真係幾好味喎~蔬菜新鮮~雞肉雖不嫩~但味道醃得出色~~正野~~

天呀~~俾我發現佢呢度有熱狗買~~係同是熱狗控既阿sam鼓勵下~~我地隨即買多兩條熱狗~~(唔使驚~~做後備食糧je~~今日車程長呀~~)…ISK325=21.1hkd…佢地d熱狗真係抵食喎~

好鐘意佢地熱狗袋d公仔~~好正~~~



好~帶著差不多全滿油既車出發~~~(我地無入滿囉…諗住中間有油站)…..今日行既路好崎嶇…….動不動隔離就係山崖….海….碎石路………仲要無圍欄…..

今日上午大多係車程中渡過~我有時訓著~有時清醒~醒左都係見到恐怖路段….所以咁多位車神們sky哥…辛苦大家了~~~~sky哥時時騎中線的~~~~仲有呀….黎到冰島呢度…真係個個化身sky哥…….揸車資歷最淺哥位…..試過揸過130km/h…..痴線的~~~~車神呀~~~(其實係冰島好大風…揸車有風阻….如果揸90km/h既話…相信會似蝸牛…)……同埋記得大風時揸緊堂軚呀~~~真係會左搖右擺的~~~~(聽團友講~~)

不過呢日天氣又幾好喎~~~~



wow~真係會碌落海時終於有圍欄喇~~唔該哂~~

我影相既呢段路係毛寶車神揸車架~~鼓掌~~

揸揸下要俾各位車神落車舒展一下筋骨~~我都要~~我都訓到腰酸背痛~~XDXD~~唔準鬧人呀~~~

沿岸景色很美~



跟住就去到著名難揸!!多碎石路既939公路….呢條都叫公路??仲要雙程??多得車神阿sam揸車咋~~~~因期間真係有好多既對頭車….根本係唔夠過…

仲有一件有關揸車既事提提大家~~就係….d公路係超多動物會無啦啦衝出黎過馬路架!!!最多係羊….無啦啦會一堆爛地拖(因為佢地換緊毛~)既物體趁你係公路高速飛緊既時侯衝出黎!!!………由於佢地太搞野…我地忍唔住停低望下佢地…當我好大聲咁：喂!….一聲之後…..佢地超多羊一齊望住我地囉…超八卦呀!!!!!!!!!!!!!!!!!!!你睇呢三隻~~好彩我捕捉到~~唔係無人信~

又生粒姣婆瘡係咀上面….
但係我又好想食熱氣野喇~~~~~
點解我要咁為食????



我都幾鐘意睇番自己d舊blog架…
除左想睇下自己當年今日做過d咩之外
仲可以睇番我同我老豆d好抵死既對答~~
我依家睇番都覺得好白痴~~~
遲下整出黎俾大家睇睇呀下~~



出年既旅行有一個有點點泡左湯既意味~~
唔知出年去邊好呢?????報時：距離南非觀獸美食之旅2013仲有—-74日