冰島英國自由行之旅2013-06-13第六天Part 2(天晴)

今日工作還好~有野做…但唔算太過吃力~~算係咁~~~~不過我滿腦子就係野食….我真係好想食野呀….屋企又唔係無飯我食…但我就係想食野…..點解我對野食既渴求咁高?!?!?!



2013-06-13
Day 6—-Part 2(冰島,荷芬 Iceland,Hofn->米湖 Lake Myvatn)
繼續險要的939公路…..其實呢條公路係沿山而上……上上下…..好似穿過隨意門去左第二個地方既?!?!?!雪喎?!?!?!

訓著都醒番呀~~~乜我地有爬到咁高山既地區架喇?!?!?!?!?!?

好~又停低一陣玩下先~~~團友們見到雪又再興奮起來~~~阿sam..你真係好出位….

咦~呢度既雪都幾乾淨喎~~~~訓下先~~(其實好q凍~~~)

我地幾個仲係呢度做左d唔得光既事~~~自己想像啦~~我唔會開估架喇~~

好~駛離雪山區~拿~~我都話d羊好癲架啦~~係條路度餵奶架~~見我地行近一路餵一路走~

呢日既午餐……..聰明既人都望到….呢個上山又下山既公路…..又係四野無人…..一間餐廳都無…..但係唔知點解…..我地又咁醒目呢?!?!?!?我地朝早咪食漢堡包時買多左兩個熱狗走囉~~~~~~加上我地咪帶左好多零食黎冰島既~~~成個袋都係野食~~最緊要係團友們醒目到買埋energy bar!!!天呀~~~太醒目了~~~~

跟住脫離可怕的939公路…..當要轉第二條公路時……下……block左?!?!?!?!行左一段路先顯示既?!?!?!?!咁我地要轉第二條路去景點喎…..但係….望望油標…..我地d油由朝早10幾格(我地無入滿就行)….經過4小時行駛…..依家得番4格咋喎!!!!!!!!!!!!(因為離開荷芬之後我地係一個N1油站都無見過…係山上淨係見到一個另一間油公司既齋入油機係度…我地又無油卡喎~~)……於是當下決定…唔去景點住….改為去近d既今晚民宿先!!!!希望附近有油入~~~~~~我地哥時真係好驚~~~因為呢d咁荒蕪既地方…無油….等於咩都無~~車都唔多架經過~~~

一路驚住無油一路行~~~~~個GPS係狂老點我地行錯路架囉~~~~d野越行越遠~~經過一個唔知咩名既小湖~~~都可以咁藍既???仲要好好天呢~~

再駛下駛下就黎到米湖溫泉(Myvatn Nature Baths)了~~根據旅遊書所講…設施無藍湖咁好….但入場費平藍湖一半….只需ISK2,500=162.5hkd……地址：Jarobooin vio Myvatn, Jarobaosholar, 660 Myvatn(地址裏面d O呀Y呀可能係冰島文字…上網查證為準呀~~因為我打唔到出黎~~)……..電話：+354 464 4411….網址：http://www.jarbdodin.is…..值得一提係..記得米湖係唔可以影相架~~~~不過我地唔係黎浸架~~我地只係經過~~~一來我地唔夠時間~~~二來我地無油喇~~~要趕快去入油嘛~~~~

但黎到又想睇下喎~~咪偷偷走上佢既外圍區度影影囉~~~華~~~~天氣又好~~~溫泉水的顏色好靚呢~~~~~~好想浸下呀~~~~~~下次要黎浸浸~~比較下同藍湖既分別~~

哈哈~~無幫襯我仲去借埋人地個廁所~~~



揸車大約多半個鐘度~~我地終於黎到我地呢晚住民宿既米湖區…..睇人地d blog話呢個區係好多蚊架…..點知一落車……..傳說中d蚊多到無人信……而我地用左5個幾鐘終於由荷芬黎到…..下回再講~

事情總係峰迴路轉的…
噚日話說有個旅行可能泡湯….
但今日又變番充滿希望喇~~好野~~~~~報時：距離南非觀獸美食之旅2013仲有—-73日有同事話我個團好吸引~話佢都好想去~
搞到我都好期待自己個旅行呢~~~~