冰島英國自由行之旅2013-06-14第七天Part 3(大天晴)

仲以為今日開始作打風會少d人…都唔覺呀…..我同噚日一樣咁多野做~~放左工自己走左去7-11入貨…..準備如果聽日全日唔使番工既話都要入定d糧食係屋企先得架~~(不過我入親貨哥次就打唔成架喇…)….聽日睇下點先



2013-06-14
Day 7—-Part 3(冰島,米湖 Iceland,Lake Myvatn->胡斯維克 Husavik)
去過最美麗的火山口湖~下一站~來到Hverfell火山~~華~~~係下面影~~~好高好大座呀~~導遊~~我地唔係要行上去架可?!?!

哈哈~~~我地頭先買哥隻小海綿會跟埋我地既導遊上山~睇下毛寶幾得戚~~

呢個火山行上去有兩條路的….1.easy path….2.difficult path…….有邊個會揀2架!?!?!?!?!?!睇下…..我地行條易既….又搞到我扯哂蝦~~晨早流流….扯左兩次蝦~~又係碎石!!!!!!!!又斜!!!!!!又大塵!!!!好彩唔鐘意對鞋咋!!!!!

我行呢條路我諗我停低左一百萬次休息!!!!!!!!!!

我地真係好似d探險隊員~~~~~

wow~終於上到黎呢個Hverfell火山口呢~~~~~之前睇旅遊書圖片會有人行落去攞石仔砌字影相……成個火山口都係~不過上到黎又咩都無喎~但係目測咁斜….點落去呀??或者落左去又點樣上番黎????

個火山口咁大~~~唔用全景唔得~~~

唔知點解….望住個火山口會有一點點淒清的感覺~

原來呢個火山都有4xxm架~~~望番出去米湖區既景色又係幾優美喎~~~~

好~跟火山口留一留影先~

呢班人又做低能野~~~~~~我地影全景模式~~~然後鏡頭一離開我地就嘗試不停走位~~~咁就影到好多個我地喇~~~~~~哈哈哈哈~~但係影到我地哈碌走緊位既相~~~~

呢張我影架~~~影得唔錯呀可~~~

呢張阿sam幫我地影的~~~~最靚呢張呀~~~我地三個扮野幫另外既我地三個影相~~~好得意~~

呢d係火山熔岩石~叫lava

我就頭先去7-11買零食…
買左童童闊麵…條裝熊仔芝士脆餅….
仲有我見到jagabee出左新既口味呀!!!!!!
就係咖哩味~~~~~~好開心~~~
希望聽日有機會食到~~~~~~
我阿媽都有入貨~~佢就係入午餐肉~~同埋一d麵咁囉~~
入貨種類阿媽阿女大不同~~
不過唔該一打打全日…唔好打半日….
如果打半日…不如唔好打~
不過如果遇岩去旅行打風又真係好慘架…
咁呀…都係唔好打啦…..
有d地方又會水浸….有d人又要冒風雨番工….



半夜我feel到我阿媽幫我吸被…
我隱約聽到我媽hehe左兩聲…
拉番低我件衫….再拉上張被…
咩料呀佢…..hehe d咩呀;D



今日萬年曆話：與其抹眼淚….不如抹掉那個讓你流淚的人
有意思~有意思~


報時：距離南非觀獸美食之旅2013仲有—-66日~