冰島英國自由行之旅2013-06-16第九天Part 1(天陰)

唔唔……噚晚發左個夢…….原來我發發下夢仲有叫出聲……根據我阿媽形容係：唔好呀!!!!唔好呀!!!!!跟住我阿媽就拍醒我……我醒左…..我同我阿媽講：多謝你拍醒我~….我頭先發緊惡夢~………..我係夢入面夜麻麻同媽媽起身飲水…..無開燈….點知無啦啦見到有個人影閃過…..我緊張到走哂音咁同媽媽講：有….賊….入….屋….呀媽媽…………好彩醒左~~唔係實驚成晚~~



2013-06-16
Day 9—-Part 1(冰島 Iceland,Blonduos->雷克雅維克 Reykjavik->英國,倫敦 UK,London)
呢日要離開冰島喇~~~~好唔捨得~~~拿拿拿~~今日係我整早餐架~~用番食淨既熱狗麵包…得個包咋~~~搽埋d超正冰島牛油~加火腿….呀~我覺得好好味喎~~可惜d蛋我地烚得唔夠~食唔到~~~連個蛋白都未熟~

之後就要由Blonduos揸車番首都雷克雅維克(Reykjavik)喇~有一條隧道要收錢的….無記錯係ISK1,000=65hkd…….

我地呢7日既行程(齋玩既日子唔計搭飛機)大約就係圍住冰島行左個大圈~都行得幾遠路喎~多得識揸車既團友~~

經過3個幾鐘…就由Blonduos去到首都既克夫拉維國際機場(Kefkavik Airport)….冰島航空個check-in counter得閒到癲…………全部都係佢d同事….一個乘客都無…..

冰島d熱水都有硫磺的……呢7日係冰島又浸溫泉又沖熱水涼之下~~~我隻戒指由銀色變左做玫瑰金~~~~~~~哈哈~~下次買隻cartier銀色戒指黎呢度浸佢幾浸…就會變玫瑰金~~~咁樣平好多~~~~~

好喇好喇~~入到禁區喇~~佢個禁區同入境大堂係相通……簡直無黃管(其實第一晚黎哥時我地就行錯左去出境大堂哥度~~)

禁區裏面都有藍湖溫泉Blue Lagoon既護膚品賣~仲成間專門店咁~未入夠貨不妨黎呢度買~已免稅的~由於價唔算太平~(咁又唔算太貴…400hkd左右….)….我又唔知好無用~所以我無買~

其實佢禁區好細~無咩野買~無咩野做就梗係食野啦~我地都未食中午飯~千揀萬揀揀左呢間……因為見佢擺出黎既野食幾吸引~叫Nord helth seafood bar

好吸引~~~流口水中~~上圖每款包都係ISK1,490=96.9hkd…牛角包係ISK450=29.3hkd…..牛角包佢無整熱….如果整熱埋食會更正~~~~因為佢裏面仲有芝士同火腿的~~~

呢個我叫的……超級超級的好吃~~~~~係咪自家海域出架??定又係挪威運過去?!?!?d三文魚咁q好味既~~~呢個包好好味~~配哥個醬簡直係極品~~~~

毛寶的蝦蝦包也很吸引~~~~

以上包加多兩杯橙汁….機場價ISK6,100=396.6hkd…..4個人算係咁~又好味又飽~

我地呢日搭冰島航空Icelandaira既FI454班機…..16:10由冰島飛去英國倫敦(UK,London)

你睇下…又陰天喇!!!!之前哥日好天到震架!!!!梗係冰島唔捨得我地啦!!!!我都好唔捨得呢個咁靚既國家呀!!!!仲有好多靚景未睇!!我一定會再番黎架!!!!!你等我呀

呢張相係毛寶迫我影架~佢話要話俾blog友們知坐3個鐘頭機都有咁大個mon睇戲真係好喎~~~~(now仔寶~)…..最衰無飛機餐食啦~~~(要另外自費~~)

我地就快到英國喇~~~~待續……………………….

噚日有件事都幾無辜….
有個人衝入黎問我：你頭先係咪叫緊xxxx-xx呢個籌?
我：我真係唔係好記得(基本上問我上一個籌係咩我都唔記得的)….其實遲左唔緊要架你去服務台叫同事幫你安排番就得架喇
跟住佢就發哂癲起勢係咁話我….
又話我唔禮貌…..
以上句對話我點樣唔禮貌呢????
佢仲話：我好有禮貌咁問你架…唔係你叫你咪話唔係咪得囉!!
咁我衰咩?????
咁我真係唔記得係咪我叫呀嘛…咁我唔通話唔係我咩…
咁又真係可能係我呀嘛…..
問題係：當我地岩時間叫你個籌號叫左超耐你無入黎….
我地就要叫下一個架啦….咁我點知你係咪有黎到先??
依家你聽唔到又賴地係硬唔係軟架??
佢衝入黎問野哥時我係有客係我counter架囉..
我都有禮貌答你啦又無趕你出去…
如果我叫一次就飛你個籌…我唔岩…但我唔係囉
最後我做緊哥個客見到佢鬧完之後出番去都話：依家真係咩人都有~
(唯有用呢句說話安慰我自己~)
其實做counter真係真係好慘~不過算啦~
呢件事我都問心無愧~你鐘意點就點啦~



星期六同屋企人一齊過香港逛逛…
希望唔好落咁大雨啦~
有一樣野我過黎買的~我好想試~
就係3倍冰感退熱貼~澳門仲未有囉~~
等我過香港買先~~(死啦我係now仔呀..過香港要行藥房@@)報時：距離南非觀獸美食之旅2013仲有—-57日~