冰島英國自由行之旅2013-06-17第十天Part 2(天陰)

頂~~amazing summer一完就即刻食哂屎….地獄mode即時啟動!!!!!下午多野做到呀!!!!!久久無痛既膊頭經過一日地獄mode之後即時劇痛!!!!!!!!今朝為左結束amazing summer….開會我特登食早餐食飽d………食左個燒賣腸加個菜肉包~~又幾抵喎~咁先17蚊~~~雖然只係OK買的~都幾好味~~



2013-06-17
Day 10—-Part 2(英國,倫敦 United Kingdom,London)
好啦~順便俾埋倫敦眼London Eye最高點既其他風景相大家睇睇啦~不同方向~

呢個摩天輪坐一圈大約30分鐘既…..查實你唔好以為：下?!咁少時間……..實際上大家坐到打哂喊露~~~影住同一個景…..10分鐘咩都夠哂~~~~~

好喇~~終於差唔多到喇~~最搞笑係當我影番我後面哥卡人既時候俾佢地見到…佢地仲擺哂post俾我影~~~~好搞笑~~~

係London Eye既紀念品店都薄有斬獲~~佢對面都有一間紀念品店賣d野都唔錯的~可以一看~賣一盒3罐哥隻茶葉都幾平~不過d磁石就唔夠大笨鐘附近一間當仔咁平!!!London Eye對面間紀念品店找錢俾我時同我講話好少有呢張錢的…..仲話我好好彩…..但我真係未見過呢張英磅喎~~~我開頭諗緊係咪佢地呃我時….但張錢又真係寫住pounds喎….到底我有無俾人呃?!?!?係咪流通既英磅黎架?!?!?有無高人指點下??

買完野一直沿住泰晤士河行~

經過Westminster Bridge~~~我覺得係呢個位影過去國會大樓(House of Paliament)同大笨鐘(Big Ben)都幾靚架喎!!!

毛寶你可唔可以唔好影得咁有味道呀~~~張相好似好有故事咁!!!!!!

不過係呢條橋上面影相真係要小心財物呀!!!!!我見到好幾個人士南亞裔人士望住我地四個異常的虎視”擔擔”(唔記得哥兩隻字點寫~)…….d錢呀手袋呀最好攬緊d呀!!

望向另一邊~你又可以影番London Eye喎~~~唔錯架~~~而且係London Eye行過黎呢條Westminster Bridge都係10分鐘度~唔遠~

瘋狂的和London Eye合照~~

認真救命…..毛寶用相機幫阿寶影相時…..一路邊過相機望住阿寶時佢發出一聲：hehe……阿寶真係毛寶個仔咁~~~~~~~好似望住佢個好可愛既小朋友咁~~~不過阿寶又真係幾可愛既~~~~隻眼仔又圓又精靈~

依家過左amazing summer…
每日既唯一寄望…
就只淨低10點半的走過浮華大地…
嗚嗚嗚…快d到星期五啦~~~



報時：距離南非觀獸美食之旅2013仲有—-51日~