水晶鋼琴The Crystal Piano

呵呵~唔知點解呢個禮拜心情都唔錯呀~~今日下午就黎收工時叫左個媽媽同佢小朋友…..做做下手續….個小朋友很困惑的問媽媽：媽媽…你覺得姐姐係男仔定女仔呀??…..小朋友媽媽：唔係下你叫得人姐姐你仲問係男仔定女仔?傻架你?………………..個重點係…我依家唔係俾人懷疑係男孩還是女孩…..重點係….我係姐姐….但到底我係真的姐姐…定係男仔扮緊姐姐~(即係人妖?!?!?!?!?!?)



有一次係銀河食飽飽…就去左銀河入面既大倉酒店唔記得左幾樓既水晶鋼琴The Crystal Piano度飲野~一入去~wow~幾靚喎d裝飾~仲會變色的~

而入面又真係有一個Crystal Piano喎~~~仲有個帥哥彈緊~我地被安排坐係靠窗位~感覺唔錯~

小食都不錯吃~~不過就姑寒d囉~加小食速度唔夠快~無星際咁大方~服務態度亦麻麻….因為佢事前推介我地開支Moet飲….或者試d熱既cocktail……我緊唔會咁傻仔係呢d地方開支會貴一倍既Moet啦….正常少少都唔會試熱既cocktail卦…..諗都諗到佢會有玉桂味~係兩樣建議都拒絕後…..feel到佢唔爽~叫親佢時都黑面~我梗唔會理你~荷包要緊~

我地都係叫d普通cocktail飲~一人叫一杯……..我睇餐牌睇佢溝埋哥幾隻酒都唔會難飲得去邊…..點知一飲….真係唔知佢點溝….難飲得咁緊要…..仲要我哥杯先係最難飲~(我無記錯好似係60幾蚊一杯)

hehe~去飲野哥日係大名鼎鼎的2013.01.04呢~

呢間野環境攞滿分~可惜飲品同服務都麻麻~




哈哈~~我前幾日睇康熙來了呀~~
睇到一段我自己覺得好好睇的~
我想同毛寶分享…我：我睇到段康熙好好睇架..你想唔想聽?
毛寶：唔想~
我：…………………………..
如果大家有睇開康熙都應該知有個女仔叫夏語心成日都上的~(識跳舞哥個)
哥集係講…請左4個嘉賓上去
題目係：神呀﹗請讓我和他見一面
就係問佢地最想見邊個…..
咁4個都唔同啦….到左夏語心…佢話佢好想見佢偶像
但有可能請到有可能請唔到的~
康永問佢如果佢個人黎唔到…佢寫封信俾佢可唔可以接受..
佢話ok~…..一路都無講哥個係邊個
呢段片佢完全將少女情懷表現哂出黎~~~
如果係我我諗我都會咁high~~~~~~~~
佢哥種大high既心情我完全體會到~~
大家有興趣睇睇片啦~~

原來佢既偶像係Bii~~我都係第一次知道呢個人咋~~
佢行出黎哥時….真係好帥~~~係中韓混血兒呢~~
而且現場唱超好聽的!!!!!有時間聽下啦~~~



跟住我仲上網搵左佢係康熙唱哥首come back to me!!
超級好聽~~~~~雖然個MV拍得太樣衰…..d衫又醜….
但佢真係好靚仔呀~~~首歌又好聽~~~~
最攞命係佢會自彈自唱嘛~~又靚仔又識作歌
靚仔得黎真係唱得好聽喎~~~~~~~~仲加左d韓文入去~
又唔作狀喎….聽完完全進入花痴mode~~聽啦~~~
聽啦~~我近日好聽意聽呢首歌呀~~~仲發現佢左右手都彈到結他!!!

好鐘意佢唱哥d普通話口音~~~(原來佢培訓左4年~之前一句中文都唔識~)
"請給我  更勇敢的雙手"
還有他的那個眼神~~~迷屎人~~~



報時：距離冰島英國自由行之旅2013仲有—-10日~
好近了~~
之前咪話因為去旅行去唔到狂迷會既歌迷聚會既~~
點知噚日宣佈……延遲去到七月中!!
七月~我得閒喎~~~~~
我和布志綸還是有緣的~*3*