喜柏大堂酒廊Palms(聖誕節下午茶)

難得我今日的起心肝去做個xx掃瞄….諗住買個安心…..點知我打去……巴之閉…..又話無預約唔使旨意照…..算q數……我等下下個禮拜公司個體檢時先要求佢幫我做啦….哼~星期五了~~開心心~~今個週末有d特別節目呀~~~~期待期待~~~星期日可否賜我好天氣呢???



hehe~~哥時係聖誕節期間約左三五知己去金沙城中心大堂酒廊既喜柏Palms high一個tea~~~~佢個環境都唔錯架~~~好似去左熱帶雨林咁~~~~屋企係透明玻璃~~有光線射入~~感覺係戶外咁~~~~電話：8113 1200

不過行過佢甜品櫃望望….d蛋糕就唔算吸引~(個外表~)

佢個tea set野食會成日轉架~由於哥時臨近聖誕~所以個tea set內容就有一d比較聖誕既甜點~~~如朱古力木頭栗子蛋糕同薑餅鬆糕等等~

tea set for 2…..$268(再加15%)…..包兩杯飲品~由於哥日有4個人去….我地淨係叫左一個tea set 4個人share黎食~得兩杯野飲毛寶就另外叫左杯Mocha Chocolate Chips Coffee Frappee$48…..聽講話不錯喝~

我好鐘意呢種杯既設計~~~~好似中空咁~~~好靚~~~~



我的是tea set內包既茶飲~叫聖誕之光(Christmas Lights)…..諗住應下節嘛~~~點知….超級勁爆難飲囉……唔識既茶都係唔好亂叫~~

黎啦~wow…..第一次見個tea set個架….咁醜樣~~~~點影都唔靚~~~~~又大舊~~阻頭阻勢款~~~

無論點影都係影唔哂d野食~

雖然佢外型醜醜的….不過野食都幾好味架喎講真~~~呢個係中東包配蜜糖火腿金巴利醬~好味~~

刁三文魚卷(個名好奇特呀下~我無打錯字架~)…好好味~~~~

上：火雞磨菇批~好味~~….下：干貝起司酥盒…呢個簡直係正~呀~~~~~~

而他們的甜點部份其實全部都很不錯吃~不過如果可以少一點甜~那就更美滿~

我地另外仲叫左個日式軟芝士蛋糕，草莓果茸，巧克力杏仁窩夫$58….都幾唔錯喎~

呢度d人服務好好~環境都唔錯~~食物都幾好味~係個tea set架樣衰少少je~想影靚相既少女會失望~但就聚會黎講係一個唔錯既選擇~~~~~最大既缺點可能就係….無得訂位…全部要walk in……




原來今日係板樟堂間starbucks做後一日營業..
連呢d咁大型既連鎖店都頂唔順咁貴既租…
有咩鋪頭可以接手添?



報時：距離冰島英國自由行之旅2013仲有—-14日~~~
倒數兩星期~~
yoho~
求求賜我一個好的身體去玩啦~~pls~~