鴻彬記小食店

華~噚晚狂風大雨到呀…….臨訓前仲有打超大聲雷~~仲要媽媽唔係屋企先黎嚇我~~好驚~~訓哥時仲話：bb驚驚~~~……..之後其實訓到死左~~咩都聽唔到~~~一覺訓到大天光~~d同事話原來半夜打哥下最大聲~~~我都聽唔到~~~最唔開心係….本身今朝小i會幫我買肥仔記的….就係因為落雨!!!!無得食….衰架d雨!!!



今日講既呢間野….堅係由細食到大~~~以前爸爸同我遊電單車河都有黎食過~~~~氹仔以牛雜出名的鴻彬記小食店….地址：澳門氹仔告利雅施利華街58號地下…..其實係官也街口哥度~唔難搵~

老店格局~店員愛理不理~臭串~

懷舊餐牌~價錢一點也不懷舊~我懷疑左好多年…會唔會有人叫水餃飯咁怪異??

牛雜米(大)$28…….貴到無朋友~…….牛雜都唔錯既~我好鐘意佢係米粉度落咸梅菜~~但係食牛雜要有一個好重要既配角…就係佢d辣同豉油!!!!!!以前食佢d牛雜襯佢既辣加豉油是天下無敵的…..但係今次一食…好明顯就係唔同左…..d辣辣得好假….得個辣字…問店員係咪換左辣….佢超惡：我做左咁耐都無換過!!!!………..但係…..3個食左你間野超過10年以上既人都食得出隻辣唔同左味喎…你係度做左幾多年呀?

雖然d牛雜仲係唔錯~但今次食完~有d失望~下次行番去後面街食興記算啦~



同場加映~哥日食完野去威尼斯人等人…..見有時間又唔想行就行左入呢間”老香港茶餐廳”飲杯野

做出黎既懷舊裝修~

老香港冰鎮奶茶…..真係好茶味….好濃~冰鎮既效果應該係唔想d冰溶整淡杯奶茶….不過佢杯內d奶茶唔係好夠冰凍………又好濃……其實我地唔飲得咁濃~~~~~飲完有d難受~~好想叫佢俾d冰我地溝番淡d~~~~我地真係好無用~~

菠蘿冰…..er….好淡……唔知點形容……我整得一定好味過佢~~~

唔平架….我地飲左兩杯野都成50幾蚊~~~無食野…..呢間野應該只係食懷舊裝修~~所以我唔會再去下一次~~

我真係依家先知….
香港黑色暴雨…係唔使番工…
點解澳門浸得咁犀利….
反而要番工~~~~~~~~



報時：距離冰島英國自由行之旅2013仲有—-16日~
唔知點解….由20幾日開始既倒數…
就過得飛快~我希望快d到…又唔希望太快~
哈哈~~~~已經準備得七七八八喇~~~
真心期待這次的旅程…首先…
我會希望用一個勝博殿既餐炸豬扒黎做一個序幕~~~~~~