田淵日式爐端燒

好~~~~~~~~~~~~攰~~~~~~~~~~~~~呀~~~~~~~~~~~~~~~………………係咪癲的…..點解5點半之後可以咁忙架今日~~~~~~做緊一個之後仲有3個客等緊我……數又未埋好~~~咩都未搞~~~~~~~由5點半一直忙到6點半….又係做到差d人體爆炸…..最後….梗係準時啦~~我地係好勁既團隊黎架嘛~~~~~~真係好開心呀~~~番埋聽日咋~~~我要鼓掌~~~



舊年11月~終於去試左呢間唔知係咪轉左手既餐廳…….叫田淵……以前最出名係食咖哩飯既…依家變左做爐端燒為主打~地點係西環一列餐廳其中一間….就係咖哩屋隔離~電話：2896 7751

間餐廳唔算好大….大約得10張檯咋~最好訂位先好食啦~

有田淵特製雞尾酒~~叫左黎試試~~~個名稱…有點叫不出口……右邊哥杯係我既：沖繩美女$32(日本酒..菠蘿..梳打水)…好好味呢~~~~~左邊哥杯係毛寶既：青森純愛$32(日本酒..富士蘋果..梳打水)…都好飲~~不過我鐘意我哥杯多d~~

前菜~~~我初頭以為係燒烤醬點野用架~~~

先食d前菜~~~芥末八爪魚粒$32…..味道唔錯~~幾醒胃~~不過嫌wasabi太攻鼻~~

芝士年糕$27…..外皮熱熱脆脆的年糕…..裏面又煙煙韌韌~~包住軟軟的芝士~~~好好味呀~~~~推介~~~~

wow~我地點既一堆爐端燒來了~左起：墨魚$25(好好味呀~燒得剛好~)…雞軟骨串燒$22(還可以~)…wagyu西冷牛$40(唔錯~不過可以生少少就好喇~)…燒薩摩揚(日本魚餅)$22(呢個都幾好味~~裏面有芝士~(不過就芝士年糕好味d~)

呢碟就由上至下講起：芥末蘿蔔雞胸肉串燒$22(呢個唔錯~不錯吃~)…香脆雞皮串燒$19(最鐘意食呢d完全無益無營養既野~~~不過呢個燒得唔算太好味….因為我嫌佢燒得唔夠乾身~)…薄切牛舌串燒$22(都唔錯呀~好平呀我覺得~)…鹽烤雞翅$18(唔吸引…燒得唔好味..唔會再叫…呢個係唯一一樣我覺得唔好食~~)……

關東煮$38…都ok…襯芥末食都幾得意~不過其實我係鐘意食佢既蘿蔔架咋~

燒飯團鮭魚(1件)$36…..我覺得味藏燒得好味d~佢燒得個外皮唔夠脆~

廣島蠣蕎泡飯$53….毛寶最欣賞的…去三次…食足三次~

佢出面對住既景就係咁架喇~~~都唔錯架~~~係西環~~~一到國慶呀…倒數呢d日子佢就實爆既….因為….可以一路食一路睇煙花囉~~~~

到第二次幫襯…..都叫左其他野試試….北海道忌廉薯餅$27…好味~不過要四人share先好~因為會有d漏~

另外叫左d蔬菜燒物~~~右上角既牛上面有介紹就唔講啦~~~….先講左上的：鮮香菇串燒$18(可以啦~都係黑沙肥佬最好味~~)…上面中間的：鹿兒島黑豚肉蝦卷$29(呢個麻麻可以唔叫~)…左下：紫甜薯串燒$18(ok~不過有d乾~)…右下：築地玉子燒串$23(燒得好好味呀~~~我會再食~~)

扇貝北海道燒$68~~好好味~~~~~因為我好鐘意用沙律醬黎燒野~~正~~

好喇~~第三次黎食~~~就係媽媽4月尾生日時~~~重覆食過既野食就唔講喇~~~講d未食過既~~~雜錦刺身$160…..講真….正常野…唔算太勁正~不過都唔算太貴叫做有得食多幾樣野咁解~~~~

酥炸生蠔+沙拉$52….呢個唔錯~雖然蠔唔算好大~但炸得唔錯~(不過同勝博殿比咁梗係勝博殿嬴9條街啦~~)…..沙律都唔錯~~

牛舌之前講左唔講喇~~~銀杏串燒$18(估唔到銀杏燒左口感幾佳喎~~)….洋蔥串燒$18(不嬲都鐘意食燒洋蔥~~~好甜呢~~~)

明太子冷烏冬$55…..口感與口味俱佳~~~~~下次再叫~

我地哥次仲叫左個芝士年糕當係生日蛋糕俾媽媽吹蠟燭~~~搞野~~睇佢幾開心~~

總括黎講呢間野真係幾唔錯喎~~~~~因為佢d爐端燒都整得幾唔錯~~~仲唔算太貴~~~大多10幾20蚊有兩串~~~~~澳門得好少日式爐端燒~~~但係呢間真係幾好味~坐得又算舒服~價錢又咁大眾化~算係咁~~已經食左3次~會繼續幫襯~




今日同d同事講起近期最愛的Robert Downey Jr.~~
原來我同事都有down佢d相落黎偷偷望~~
兩個越講越high~~
有一張相佢ja住個風筒扮ja槍咁….超有型~~
我仲推介其他同事睇~~佢地都話好有型~~
點知某個已婚男同事：有幾型呀…咪ja住個風筒
我：你睇下…佢差唔多50歲喇~真係越大越型~
某男同事：到我50歲哥時我又攞個風筒番黎扮俾你地睇下呀~
大眾：多謝喇~唔使喇~無人想見到50歲時既你呀~
(其實我地真係好衰~)



報時：距離冰島英國之旅2013仲有—-23日~
好似仲有好多野未準備添~
加油~