2013年1月1日 星期二

♥我和布志綸頭貼頭的實現♥ 2012除夕倒數活動

各位~~~~今日係2013年既1月1日呀~~~~~~首先同大家講聲:happy new year~~~~~~我想講:我成功了~~~~~~~~~噚日見到我的四眼男神了~~~~~~係知道佢地黎澳門倒數之後…..我就不停問追星經驗非常豐富的凱公子….有咩要準備….仲問佢接船送咩俾佢好~到我準備好送咩俾佢之後我內心又搞下搞下….搞左好耐……原因因為唔知佢地搭幾點船黎………………….但係噚日2012年既12月31日……發生左有好多個巧合……本身噚日要番工…點知無啦啦放全日假….毛寶噚日要番工…..本身平時懶到點幾先搞掂出門口….呢日就一點出到門口係公司接佢….又因為有個同事想去高士德毛寶車埋佢……就係車佢去高士德途中…收到凱公子個電話…本身係miss call…我平時會就咁由佢…..唔知點解呢日八卦打番俾佢….佢同我講:我上網睇到佢地係50幾分鐘之前係香港落船黎緊喇!!!…….即時痴左線!!!!!!係高士德即仆去碼頭等佢…..



一路等..我一路手震……….望望左…望望右….好似係粉絲等緊喎~覺得有d驚…唔知佢地出左黎未….打個電話同凱公子傾下計定定驚~同佢講笑講講下……天呀~~我的四眼男神布志綸出來了~~~~~即係收線跑過去~~~~~~~~~~~原來有另外一男一女粉絲等緊佢地…..個女粉絲送左一條六盒的陽光柑香茶俾布志綸同佢講:請你飲架!!係澳門先有架……….於是我都唔執輸~~趕緊跑埋佢身邊….



我:er…..hi…..你好呀………………
布志綸:hello~
我:可唔可以同你影張相呀???
布志綸:可以呀~不過可能要快d喎因為佢地好似話好趕
我:好野~~~我地自拍嗎??(攞住手提)
布志綸:係啦~自拍啦~
當我攞住手提較個前鏡頭向住我地既時候….
我:唔係喎….個樣好衰喎….不如搵人幫我地影啦….(跟住佢有個工作人員好好咁幫我影~)

就係咁……我地影左張合照~~~~~~~~~~~~~~~~~~~~~~~~~~~~~~~


華………就是帥………(兩個都係~)



我:我可唔可以幫你影張單人架???
布志綸:好呀~
(你有必要咁可愛嘛???很喜歡你的露齒笑呀:目)


我:er….其實我有份禮物想送俾你架…..
布志綸:係~~
我:但係我唔送俾你住喇…我費事你依家拎住呀
布志綸:下……
我:你係咪今晚就走架喇??
布志綸:係呀
我:咁你搭幾點呀??
布志綸:兩三點咁啦(一貫低沉既聲線…好正~)
我:咁我今晚送你船哥時先俾你啦~
布志綸:你確定唔依家送?我驚你今晚會等到好夜喎
我:哈哈…我唔怕~~~~~(唔知醜~)
就係咁同佢講左拜拜之後~就走~lu~



我同毛寶講番我地既對話…佢話我:你做咩唔送俾佢呀???咁今晚送唔到佢咁點算呀???……………….我:係喎….我無諗過喎….好驚呀…….毛寶:有無握佢手???…………..我:佢好趕住走呀…….係喎….我地自拍先可以頭貼頭喎….點解我咁蠢既??????……..之後食完野就番左毛寶屋企…..開隻everyone concert 02-people sing for people出黎睇睇~期間知道佢地去食野~不過無去打擾佢lu~跟住呢….六點幾我地就已經出去搵車位…同埋食野~食飽就去排隊等倒數~其實我地唔算好早排….所以個位唔係好靚~不過算啦~


個倒數活動係觀光塔…..十點開始….我開始頭痛發作~原來今次係我有史有黎…第一次去呢d倒數活動…..其實都幾攰……下次無Mr.我應該唔會再去~




等左成個鐘十一點就到佢地出場啦~~~開心到我呀~~~~~~大叫~~大跳~~為睇佢地既演唱會熱一熱身先~wakakak~不過身體欠佳….叫得唔夠大聲………叫左成七首歌架都~~好正~~~~又唱what are we fighting for?…方向感…黑色狂迷…小傳奇…感動…尋找一千遍…如果我是陳奕迅~~~~~~~~







呢張黑白調好襯佢地呀~~~~




開始倒數喇~~~





疑似有望鏡頭~正~




3~2~1~~~~happy new year~~~~~




我地仲自帶飲品賀一賀佢~~~~~~~





呢個倒數活動除左佢地之外仲有rubber band的~倒數後佢地仲crossover~~~唱左首想太多~同埋發現號~正~~~~~~~~




完左之後去碼頭再等佢…….期間有好多等其他偶像既粉絲係度~毛寶話:我俾你都搞到好緊張……我一定會同哂佢地5個握手…..影唔影到相都無所謂……哥時都成點幾…..等左大約大半個鐘度…….出現了~~~~



當時有好多疑似佢地粉絲圍住佢…..佢望到我之後…
布志綸:我地又見面喇~
我::]:]:]:]係呀:]:]:]:]
佢同其他粉絲影左幾張相後我篤下佢隻左手臀問佢…
我:我可唔可以同你影多張相呀???
布志綸:可以呀
我:今次我要自拍架~~因為我想同你頭貼頭~

wakakaka~~~~~你個頭做咩呀~~~~~但很零距離~~(很變態~~)




我:黎多張啦~~~~~~
好開心呀~~~~有張很正常的頭貼頭合照了~~~~~~~





完成任務後我就係毛寶提醒下要送禮物俾佢…(我真係唔記得..)
我:我有份禮物俾你架~
布志綸:多謝你呀~
我:er….我有一樣想拜託你……裏面有一份其實係送俾你個妹架…你幫我送俾佢啦~
布志綸:下?!我個妹都有禮物收?
我:你記得幫我俾佢呀!!



哈哈~~~~毛寶之前送左呢隻市面上絕對無得再買既Mr.第一隻碟俾我….今日正好派上用場!!!!!!!!!!!!!!!!!!!!!!!!!!!!!!!!!!!!!!!!!!





我鼓起勇氣…….搵哂佢地5個簽名!!!佢地簽既時候都好驚…因為呢隻碟都幾耐~同埋應該唔係好多隻………Dash簽哥時仲話:呢隻經典黎架喎!!!唔簽唔得!!!!!





呢隻碟依家俾我稱為價值連城!!!!!!!!!!!!!!!!!!!!!!!!!!!!!!!!!!



跟住本黎佢地就要入閘…點知又行番轉頭….
布志綸:原來我地買唔到即班船喎…依家未有得走住
(見佢原來收左我份禮物後裏面有盒喉糖佢已經開黎食緊~~~~~)
我:華…..你真係開黎食架????
布志綸:係呀~



之後我好努力搵MJ….Tom…同埋Ronny影相~~~~~可惜仲差dash影唔到佢走得太快~~~




佢地幾個都好好人呀~~~~我仲同佢地講:我地買左你1月5號飛睇演唱會架~~~~~~


原來我同凱公子都影唔到dash…只有你一個影到….佢仲要五個集齊哂囉….又話….影唔影都得….明明鬼咁積極搵佢地影相~~~好鐘意dash好交戲呀~~~~~~




hehe~想整呢張相既原因係:布志綸拎住我送俾佢袋野~~同埋食緊我送俾佢既喉糖~~hehehehehehehehehe~~~~好怕醜呀~~~~

因為佢地未有得上船又開車走左唔知去邊…我好頭痛毛寶又好攰所以番左屋企~大約半個鐘後佢地再出現….凱公子報料我知:佢已經入左閘~而且仲係手持你送俾佢哥袋禮物~~~好開心呀~~~因為中午接船時另一粉絲送俾佢哥樣野係工作人員幫佢拎架…hehehe~



我2012年最後一個願望真係實現左喇~和布志綸影了一張很靚的頭貼頭合照~~:]~~好開心呀~~~~~個生日蛋糕許既願好靈喎~~~2012年12月31日我同佢影左張相….2013年1月1日我又再同佢影張相~~~有一個很好的結尾和一個很好的開始~~~布志綸好nice呀~~~我會繼續超級的喜歡Mr.和布志綸~希望往後仲有好多機會和你頭貼頭合照啦~*3*





除左好多巧合之外~
仲要多謝毛寶和凱公子的幫忙~
多謝~(毛寶還說佢都許左個願希望我影到~)
也多謝大家的祝福~
我都知我呢個年紀先第一次追星係有d瘋狂…
但係….我就係好鐘意佢嘛~
毛寶咪話:你同佢影完合照唔好再發夢見到佢喇下…
事實上…
我噚晚發左兩個夢….兩個夢都係夢見佢架~~~~太神奇喇~~~~
見到佢…實在令我太震撼!!!!依家都未平伏~
我呢幾日要養好身子~~因為睇佢地個演唱會都係好大既運動量~
我好想睇演唱會時再送野俾佢~唔知大家有無好既idea呢?
唔使一定好貴~但想有心思~野食都得~
1月5日紅館演唱會見~*3*

沒有留言:

張貼留言