東歐六國文化之旅2012-10-24第九天Part 3(陰天毛毛雨)

er…………今朝起身…又多一粒大豆企出黎嚇我………想點????好想踩番佢入去囉!!!!!好衰架!!!!!!!!!!!!!!!!!!超唔開心!!!!!!!!!!!放工後…今日既療程係：飯前兩碗龜苓膏……華…食完之後飽到………………………之後媽媽無係屋企煮飯…咁我自己煮左個麵食…..點知食哂之後先諗起…我唔食得蝦喎…..我仲食蝦籽麵??????????????我係痴左線呀???我好驚….聽日起身又多一粒…….點算?已經有四大粒係我塊面度啦..夠啦!!!!!!!!



2012-10-24
Day 9—-Part 3(捷克布拉格Prague)
好喇~又沿路向下行~黎到查理斯橋(Charles Bridge)~

有無少少水鄉威尼斯既影子~~(咁講好似好老土咁~~)

話說2002年既8月14日……呢度水浸…..水浸浸到去呢間鋪頭既…見唔見佢招牌左下角有d細字又有條線??就係浸到哥度!!!!高過人囉!!!!!

其實條橋唔錯喎~我覺得幾靚架喎~(雖然佢都係一條普通既橋~)…但呢條特別靚呀我覺得~得唔得丫~

一上到黎呢度呀…我認得架!!!成日睇人地個blog叫人小心呀!!!!呢度係高危地區呀!!!!高危d咩???小偷呀!!!!!!真係要小心d袋呀!!!黎到布拉格我都超小心的~

但條橋上面有好多畫呀~藝術野賣….我真係覺得幾有文化氣息喎~



呢個…….唔……我唔記得佢叫咩名….淨係記得佢為皇后保存個秘密….皇帝問極佢都唔講…..最後…..俾皇帝係呢氣橋度….倒吊入河…..死左……所以呢條橋有佢個像係度…佢腳下有個碑……之後d人就話呢….捷克人係離開家鄉之前都會黎呢度摸下既…係希望能夠返回家鄉!!依家遊客黎到摸摸呢塊碑….喻意能重遊布拉格~毛寶都有唔執輸摸摸~睇下淨係哥度比人摸到變色~

很人頭湧湧的~



橋上景色~

橋上留影~

呢個位就係頭先哥個聖人被倒吊入河死哥個位置

條橋有好多唔同既像同碑….全部都係有宗教色彩既~

但有好多像都係好黑色的…唔知點解…我覺得有d似哈利阿波入面哥d催狂魔~



你睇我攞住個書包幾驚~就黎行完條橋喇~

今日工作上有一件”應該”覺得開心既事…
但我又無咩呢個感覺……
到底係我太唔正常??定係太過冷靜???



今日一番到去chlo子見到我即刻話：醜婦~
仲指住自己塊面話：我呀~白白滑滑呀~
我心酸…..衰人!!!!!!!!
之後又話：我真係好掛住你呀~
一啖砂糖一啖x呀你個衰女包!!!!!!!
但大家都好開心我呢….有好多人話俾野我查~感動~