2012-10-31~2012-11-01
Day 16~17(法國巴黎Paris->香港->澳門)
hehe~好開心~因為呢一日係最後一日~~可以番屋企喇~~~~起身去食野~~搭地鐵去到凱旋門附近的George V站…..過對面馬路就見到我地上次食既Chez Clement喇~~
可惜的是…佢今次無俾出面對住凱旋門既玻璃屋我地坐~~~
今天中午得我同媽媽一齊食~叫左支酒慶祝慶祝一下~IGP Pays d’Oc Chardonnay~~一支€17.9=179hkd~~抵~~正~~
Clement Royal Platter~~€39=390hkd…..好似貴過上次咁既???加左價???翻查同年五月去既紀錄……上升了€2呢~不過還是覺得很值~~~
但唯一不滿就係我認為秋天的蠔係比較肥美架嘛…點知今次哥d比起上次瘦弱~~好彩無追加~~~
但今次既灰蝦大隻了很多~~~很鮮美~~
上次食過呢個麻麻….因為佢無問我要幾成熟我亦無同佢講…..於是今次再俾多次機會佢….諾曼第牛腿扒,薯條(Normandy Beep Rum Steak,thick cut Fries)……€22.9=229hkd….比我上次食價錢上升了€1.6呢….但今次不見得比上一次好….五成熟…還是硬到像鋼筋~下次唔叫喇….(我覺得佢塊野比起我係普通cafe食到哥塊更差!~)
之後媽媽問我食唔食甜品….本身都無諗住食….你咁問我就湊合湊合一下下喇~~不過我對佢d甜品無咩特別興趣…..反而見到呢個飯後既不同做法芝士拼盤(Camembert Gourmand)有d感覺~~€7.95=79.5hkd….一黎到…賣相一般….我從右上的那舊齋芝士食起…..華~~~好正呀~~~~~係臭臭入口軟軟的那種芝士~~……到左邊哥舊….下…紹菜??上有芝士???那舊紹菜有點生生的…無煮熟…..但…幾清甜喎~~(其實佢可能唔係紹菜~)…加埋芝士幾好味喎~~~~~好了….最下面哥舊係一睇就知既炸芝士~但真的很好吃~~~一切開….芝士漿湧出~很正點~~~右邊中間哥個係最極品的!!!!!好像芝士撻般….又係臭臭芝士在面….然後下面是脆脆的蘇皮…….超級的正!!!!!!佢應該係用同一隻芝士…做出這四種唔同口味既野…….呢個簡直係喜歡臭臭芝士的同好區~~~~~~~~~~~(見我用咁多字講就知幾好食~~~)
食左咁多野~€89.85=898.5hkd……食得好開心呀~~(媽媽請的~)
食飽飽就同媽媽係凱旋門(L’Arc de Triomhpe)拍拍照啦~
期間仲見到一架以前可以坐番我地屋企既巴士…媽興奮地說要跟它合照~(挺老土的~)
上次來的時候是陰天呢~~這次還了我一個晴天的凱旋門呢~~歡呼~!
再跟媽逛逛香榭麗舍大道(Avenue des Champs Elysees)~但你知啦~我地都唔買名牌…作為不大的~
唯一收穫就係Disney Store買左兩對襪仔俾小公子啦~~~同埋買左件衫仔俾b寶~(b寶是我表姐的兒子~)
我跟媽說來到一定要吃的Macaron名牌Laduree呢~~~跟上次位置不同了~這次入了鋪….都幾易搵的~~係香榭麗舍望住凱旋門既左手邊條街就係囉~
但呢間擺明係遊客先去啦~~~我上次買哥間位置僻d架….5分鐘都唔使就買到…係呢間…我掛了差唔多25分鐘呀!!!!我最憎排隊的!!!
這間Laduree有連埋cafe的….都超多人去的
不過唯一安慰係：呢間名牌d人好有禮貌~~~~~~~
其他的甜點好像也挺不錯~~~
這是我們作戰了25分鐘的勝利~~
說實在呢隻顏色都幾吸引我~除tiffany色外..呢隻色都好吸引我眼球~
我都唔記得呢一盒八個到底幾錢…應該大約140….或150hkd啦~….見到d顏色都覺開心~~睇下我記唔記得係咩味先…由上而下呀：1.Citron(Lemon)…..天呀~好味清新~…..2.Caramel a la Fleur de Sel(Soft Caramel with Sea Salt)….這個有點甜…但這個味真係唔食唔得呢~~…..3.Orange Sanguine Gingembre(Blood Orange Ginger)….這個口味上次間鋪唔見架!!!唔通間間唔同既????我覺得呢個味好正喎~~幾特別~有回甘~…..4.Guimauve Fraise Bonbon(Strawberry Candy Guimauve)….很少女的口味~…..5.Reglisse(Liquorice)….話實在..我唔識呢個英文字…查字典係甘草…但我實在食唔出..初頭未知咩味時我以為係竹炭:]…..6.Cassis Violette(Blackcurrant violet)….好正呀~鐘意呢隻味~…..7.Pomme Verte(Green Apple)….挺不錯的清新之選~…..8.Chocolat au Lait(Milk Chocolate)…..甜呀~……….
食左咁多隻味今次~開心哂~~~~~~~~下次我再食我會再揀Blood Orange Ginger口味…太出色~~~~
我地兩個買完就坐係香榭麗舍大道幹掉一整盒…..實力挺強~而且覺得自己挺有品味~
就係咁閒逛了一個下午~再番酒店攞行李等叔叔黎車我地去食飯~
叔叔夜晚帶左我地去酒店附近的一間餐廳食晚飯….一入去我地就見到….好大個魚缸…
Orangina真係我係法國最愛飲料~~~~~
哈哈~~一入黎見到既大魚缸…..有d驚…估唔到…..今晚都係食海鮮盤呀….wakakakaka~~~呢一日…我地兩母女…食左兩個海鮮盤~~~~~~~~~~~~~呢個比我地中午食哥個貴d…好似400幾hkd…多d野食……仲埋有青口呢~估唔到生既青口係咁好味~~~~~~仲有蜆既物體….由於都係生…食落有點螄蚶feel..幾正~~其他就同中午的差唔多~
這是五人share的份量~
跟住我仲叫左個牛肉他他食~挺不錯吃~但我下次還是寧願食牛扒~~~~
跟住叔叔就車我地出機場lu~感謝佢同姨姨既幫忙~無論係蘇州屎上~定呢幾日既照顧~之後去到機場…我地呢d窮鬼邊有野退稅….我淨係等法航check-in…..都等左個幾鐘囉!!!!用慣香港機場的高效率….淨係想講如果呢度係香港….已經俾人鬧左九世!!!!….無退稅都咁耐…要退稅我諗要早4-5個鐘出機場先得喇…因為我聽講退稅條隊…勁恐佈的!!!!!!
哈~成功上機回程中~晚餐要了中式辣味雞肉麵~味道不錯但麵很硬!!!!!!其中有一個講廣東話既空姐超勁有禮貌…我從未遇過~~!!問我地食咩我地揀雞肉麵時仲提我地係有辣味…勁細心~~~~難以想像係服務業之中咁有禮貌..我自問難以做到~~~~難怪空姐那麼吸引~~有禮的空服員更吸引~~~致敬~~!!我呢餐挺有品味的餐飲：蘋果汁和香檳~~
簡單早餐~~~~~好開心呀~~~可以番澳門了~~~任我多愛旅遊~~但離家17天~~我真的想回家了~;]
總結：
1.今次去左17日其實又唔算用左好多錢既….我地跟捷旅Jetour團費係22960hkd全包團(團費+導遊費+機場稅+燃油附加費)…..自費節目都幾多下…但我地認為唔係個個都值得參加….淨係參加左遊多瑙河船河(€20=200hkd)…..同埋去小瑞士(€20=200hkd)….至於買野….由於天氣太凍…無乜feel買手信(太凍唔想攞錢)…買最多係postcard同郵票呢~~根本無咩錢使過….去到法國我賴皮….梗係大人俾錢啦~~~又係無咩錢使過~加埋船飛之類~我諗我用左25000hkd度啦~~(但其實我都係想跟勝景遊~)
2.華~救命…去東歐旅行覺得東歐d人勁無禮貌勁粗魯….上至酒店職員下至油站收銀…..個個面口都……同西歐人無得揮~~~其實法國人都算門面地幾有禮貌~
3.你跟團去東歐……我建議你直接同旅行社講你係唔食牛既人算喇…食過咁多餐牛…..無一餐好食….全部係煲湯質地既牛肉…無味….唔好味…..反面我見唔食牛既團友….d餐好似正好多~~~
4.反而….第一次我跟團覺得中餐好味~東歐中餐有保證~
5.凍……東歐10月已經好凍….哥種凍….好似d風直攝入骨哥隻凍~我絕唔會12月至2月去~~
6.大家睇完12日既東歐遊都覺得….東歐遊記雖然建築物挺美~但都有d平淡~……對於我來說更甚…….上年去了兩次歐洲(不是炫耀)…..雖然是東歐和西歐….但睇既野實在太似…強烈建議一年不要去兩次歐洲………………………………挺沒新鮮感
7.不過我好想再去捷克的布拉格~~~仲有德國~~~因為太少時間係哥兩度~~將來想以自由行的方式再玩一次深入的~~(我覺得柏林好似挺有趣~而布拉格就好美好美~)
~~~The End~~~
華~
終於又寫完一個遊記了~
下個禮拜要迫大家睇番我之前d生活記事lu~
其實我想剪頭髮好耐喇..
因為之前塊面咁敏感…我唔敢去剪..
怕d頭髮碎刺激到佢~但d蔭又超長喎(毛寶話我d蔭長得好老土喎)
唯有等去旅行之前去剪下啦~
我表姐同我講話佢噚晚夢到我老豆喎…
仲話夢見佢拉住個gip…笑笑口咁同佢講：我番黎喇~
喂…好喇喎…我先係你個囡喎..
你做咩唔報夢俾我呀???唔抵得呀!!!!
我有成好幾個月無夢見過你喇喎…想點先?!?!?!!?
澳門近黎開左好多新既日本餐呀…cafe呀…
我好多都未食過呀!!
好想試哂佢地呀~~~~
倒數：距離台北喪食之旅仲有—-33天
今年既第二個旅行仲未開始plan…
有d擔憂添~
由於我打算10月跟團去歐洲, 今日重溫妳個歐洲遊記發現好多相都load唔到....
回覆刪除10月已經咁凍啦.....驚驚喎....我都係打算帶媽媽去