2012-10-26
Day 11—-Part 3(德國德累斯頓Dresden->柏林Berlin->法國巴黎Paris)
好喇~之後就去參觀一下查理檢查站(Checkpoint Charlie)….係以前通過東西德既檢查站…..依家就做左旅遊景點……佢地仲有d人著哂制服企係度同你影相似模似樣~咁當然要收錢啦~所以我只會遠遠的影~
仲有個賣postcard既檔口仲有個長官幫你吸visa stamp~唔好攞個真護照去吸呀~~~wakakakaka~
之後就去到勃蘭登堡城門(Brandenburg Gate)
呢個廣場上面有一間酒店係之前MJ住過…..係三樓其中一間…..仲記唔記得佢係間酒店窗口遞個仔出黎俾記者影相??就係呢間~
跟住經過呢個公園行去第二個地方參觀~我覺得呢個公園幾靚喎~仲有個藝術表演者表演中~佢真係好似棵樹呀~~
我唔知呢度係咪好凍呀…….凍到….你睇下毛寶個頭~~~~~~~超多靜電呀!!!!!好好笑呀~~~~~好醜呀~~~我笑左佢超耐~~~~~~~(我點會咁夠膽放上黎呀~~佢授權左我可以放上黎架~~不過我覺得你個頭都幾似布志綸喎~)
再去參觀新國會大樓(Parliament Building)~
跟住路經呢個歐洲被害猶太人紀念碑(Holocaust Denkmal)
很淒清的感覺!!!!
成個團最後一個行程：勝利紀念碑…………….
成個12天團咁就完左喇………但我和媽媽的故事還沒有完結…………………
佢地就番香港先….我同媽媽就繼續飛去法國巴黎搞埋我地d蘇州屎!!!!!同佢地係同一個機場搭機……但就唔同terminal……..跟毛寶豬說再見時超不捨…..仲用上擁抱…好似移民咁;[…..同埋都驚驚地…因為…由呢一刻開始….由我帶路……咪話唔驚呀!!!
我地呢程機係搭德國漢莎航空(Lufthansa Airlines)…..話實在….都幾服務好喎….我之前都搭過一次國際線既…..不過係好耐之前….只係記得佢d位好窄唔好坐…….今次坐歐洲線…服務好到呀………..由於坐個幾鐘關係無d正式飛機餐…淨係派簡餐….但都有個野飲車推黎問你飲咩…..由於當時無咩mood…我求其要杯茶就算….點知佢竟然追問我：any alcoholic drink???….我話唔使唔該….點知佢再追問：any cold drink??…華平時d空姐一話唔使就飛走左啦…仲得閒問你飲唔飲其他野咩…….估唔到咁短機程都有紅白啤酒飲~仲有呀….我仲見到佢地送禮物俾後面哥對兄妹…..仲要男仔女仔都唔同玩具架~~仲要又公仔又填色筆咁~~~(雖然d航空公司都有得送~不過又係估唔到佢咁短機程都會送~)….今次呢間航空公司給我很的印象呀~~~
到左巴黎之後….諗住搭TGV出市區…唔知點解唔使買飛入到閘…..(後尾先知原來係罷工)架車行得超慢…行行下又熄咁d燈都咪過唔驚…..但出閘時就愁…我無飛出唔到….就好似逃票d人咁…..跟人出閘(但唔好唔記得我推住舊超大行李…)….加上第一次住呢個車站：Gare de Lyon…..呢個站有連埋火車站的….超級大….雖然同年之前去既哥次旅行都有黎過…..但……就係太大…..我又唔知出邊個出口先去到酒店….咁又搞左一陣….我有係地鐵站內問人….但唔識英文多……仲有起碼三個不同黑人係地鐵站內行埋我身邊狂叫babybaby….超恐怖!!!!!(真係唔好太夜落地鐵站呢!!)幸好憑我機智既頭腦我終於去到酒店~今次我地住係Novotel~間房都幾大既~但個廁所就唔係幾掂囉~夜晚接到幫我地搞蘇州屎既阿姨既電話…本身我地約左大後日搞既….點知….佢話可能搞唔到…………當堂成個人sad哂….咁我跟團去完旅行………特登飛過黎做咩呀………………..sad到夜晚飯都唔想食….媽說：hey~做咩唔食jei~搞唔搞得成都要食野架~食啦~…….我like佢!!過份樂天的性格…
我地係巴黎無咩觀光~因為有幾日要搞正經野~好喇~下篇開始有我地係法國既食遊記~有空請再收看~(預計下個禮拜應該會係整個東歐之旅大結局囉~又搞掂一個遊記~)
今日坐counter時…幫個婆婆辦好野之後…
佢無啦啦同我講….
婆婆：姐姐…你生哥d暗瘡呢…等我教你…買犀牛皮…生地..熟地…瘦肉..同兩片薑…..煲左佢黎飲…..好快會好番!!
我：係~咁勁~等我試下先~
婆婆：係啦…試下啦..我個女都係咁架..飲幾日就好番喇….記得煲黎飲呀!!
我生瘡咁耐以黎….
一直都有諗….會唔會有個客係做中醫既…
見我塊面咁樣衰…會提議下我煲d咩咁呢…
估唔到…呢個人今日終於出現~~~~~~~
今日放工後聽到一個好唔開心的消息..
一個好朋友既其中一位親人唔係度….
希望佢地節哀啦;[
倒數：距離台北喪食之旅仲有—-40天
沒有留言:
張貼留言