法國食遊記2012-10-27第十二天(狂風大驟雨)

週末總是輕輕的來…走得特別的快…….週末無做咩大事……又係學下ukulele…翻睇下d舊戲過日晨(因為現時窮~只能睇舊碟~新戲暫時免問~)….講黎都慚愧~學左咁耐ukulele~都未有一首可以作為我既表演歌….醜呀~~~~~噚晚同朗公子慶生~作反喇我~~去食泰國野呀~~~偷偷吃了一隻無點辣既生蝦(其實巢氏無叫我唔食蝦…我係從中醫角度自己戒的)….我既理論係：要逐步食回正常野..唔係既話之後好番先食….點知會唔會又黎過~~大家都挺關心我塊面~真係有心~已經無再出大暗瘡了~感恩~~但仲係有好多印…..有d瘡瘡仲未退…..我都唔知點搞好~~~~~



2012-10-27
Day 12(法國巴黎Paris->里昂Lyon)
好喇~講到之前一晚到左法國巴黎….係酒店沖好涼食埋野訓落床都成11點幾~~~~但係…我地第二朝6點幾又要趕車喇….最衰我啦….諗住係法國幾日…..由於星期六日辨手續既地方唔開….又唔想屈係巴黎無野做(因為我和媽分別同年都去左一次)……所以我就左去里昂既車飛同酒店同媽媽黎個兩日一夜之旅…..可惜咁樣太辛苦媽媽了..我唔岩;[

又黎到呢個Gare de Lyon站~就係我地酒店隔離~~~我揀哥間酒店都係呢個原因~~



晨早起身梗要食番d野落肚先~上次黎都有食Paul…不過係食芝士條~這次我要試牛角包呢~

成€1.45=14.5hkd一個牛角包….但係…我覺得上次黎哥時係我地民宿附近求其搵間都好食過佢!!!!!!不過媽媽話杯咖啡唔錯~

唔知點解今次買飛張飛無得print@station或者print@home….死都要我俾多百幾蚊港幣速遞黎我屋企囉…….咁貴好多架嘛@@….我地班車0657開……關於搵車又有一個小插曲….本身對於係呢度上車係難唔到我…因為之前都搵過…..但….自以為自己得係唔得架!!!因為我搵岩月台上車…..原來同一個月台有兩條列車….我地哥班0657會開先所以係最出….有一班後幾分鐘開….係我地班車後面……我齋睇車廂號碼跑上車(其實我搵好耐都無我地車廂號..我係求其跑一卡諗住再搵)…..上到去…都係搵唔到我地哥卡既?!?!?好彩跑番落車睇….哈哈…原來都唔係哥班車~~死傻仔~點知上到去坐左幾分鐘…有個女人話我坐左佢個位….我超驚又上錯車…點知攞張飛對一對….小姐…你張飛唔係今日架喎…@@

到左里昂(Lyon)的Lyon Part Dieu站只係早上9點多…..一上月台…..搵出口…得兩個…唔係左就右架啦…..點知…………佢淨係有地圖睇…但無講邊個出口囉….出口又淨係得出口字樣…無講咩街名……令我出錯左出口…..兜左成個圈再番入去…行第二個出口…先搵到…呢日既里昂….超凍!!!!!!!!!!!!!!!!!!!!!!!!!!!真係超凍…仲要落超大雨囉!!!!!好慘呀我….很大挫敗…..去到9點幾預左無房……諗住放低d野先…點知酒店超好人….話有房9點幾就俾房我!!!!於是我同媽媽就上房擺低野同坐下休息下先~都係住novotel~估唔到同巴黎係完全一模一樣呀間房~~~~好大~~

之前上網搵左好多次都搵唔到里昂個地鐵圖~去到酒店有得攞我仲攞左好幾張~同大家分享下~仲易過巴黎地鐵~得幾條~

本身諗左好多個地方同媽媽去架…又有好多野想同媽媽試….不過哥日天氣太凍…又落超級大雨……所以我唔想媽媽凍親…同埋搵路需時….又怕媽媽太攰……我地就係酒店附近有間超大型既商場(真係超大~)逛逛同埋食野~~凍冰冰食左中午飯先~揀左呢間食意大行野的~(係咪好怪~)

傻仔~~~

每人叫杯野飲爽爽先~~我的Mojito(€5.9=59hkd)…媽媽係Mjito Fraise(€4.9=49hkd)…兩杯都好飲~我哥杯d酒都幾勁的~

主菜叫左Carpaccio de Boeuf Pesto Verde ou Pesto Rosso(€13.9=139hkd)…仲要包前菜或甜品~都幾抵喎~~~~舊牛扒仲要好好味添~~~做到我想要既五成熟~不會過熟~比起東歐任何一餐食到既牛都正好多~~~

仲叫左另一個主菜：Tagliatelle Poulet Marsala(€11.9=119hkd)….呢個意式雲吞~真的超級好吃~~~~三種不同口味~~~~唔同濃淡芝士~~~仲有一個有煙三文魚的~超好味~

我地見每一檯都會叫pizza食…仲要係….一人一個囉…..我同媽媽笑左好耐…點食呀….本身都想試下叫個兩份…但望落真係唔細喎@@



送哥個甜品叫左Creme Brulee~~~但上次巴黎哥個好味d~~~

今餐食左€45=450hkd~唔平唔貴~但好味~

之後就係一輪既行商場…我無買野俾自己呀~就買左野俾小公子咋~~~小公子超喜歡呢件衫~~依家時時著的~

跟住媽媽喊攰大家一齊番酒店訓下午覺~~~訓醒又去行左陣超市~~早早地又去食晚飯啦~又係哥間商場既~今晚試呢間~

高哥杯係媽媽既~矮哥杯係我既~

兩母女都話要食菜~

呢間野係食扒既~~~所以我地兩個都叫左扒食~~媽媽就自己揀好左…我就叫哥個野推介….媽媽哥塊好味呀~肉質又好~又有牛味~我哥舊牛味都唔錯…可惜過熟….但配的芝士醬超好吃~~(上圖是媽媽的…下圖是我的~)

兩塊扒每塊都係€16個幾…160hkd左右一塊~呢餐食左€50.4=504hkd~

使唔使俾貼士呀…其實俾唔俾都得…不過如果真係覺得佢服務唔錯多數都俾€1 or €2..唔好俾碎濕濕哥d呀…幾毫真係唔俾好過俾~~俾人啤的~食飽就番酒店~法國由呢日開始較慢一個鐘變冬令時間~呢晚訓左成十個鐘~休息夠~




hehe~hehe~
我想同大家分享一個我幾開心既消息~
hehe~人地今日開始升職了~
雖然升的原因不是因為我特別的好或特別的叻~
但也是我辛勤工作的成果~
開心的是和我同期的一批同事也一起升職~
那是最開心的~
遲下送份禮物俾自己先~唔知今個星期六送唔送到俾自己呢:]



我想講…由於上年年中開始..
不停的寫遊記….
令我堆左超級勁爆多的相….
大約依家先post到去舊年4月的…..
但我又唔想跳post喎….
哈哈…..

倒數：距離台北喪食之旅仲有—-37天唔到我唔認屎認屁的~
我地週末時大概商量左個行程~
我噚晚經過一輪艱辛…..
打左過台灣訂左一間舊年先開既”吃到飽”火鍋~
好叻呀我~~~~~~~~~~有得試新野~
點解我要認屎認屁…..事緣個電話係(02)xxxx xxxx
咁台灣區號886嘛….加上打長途…打050有優惠
咁咪05088602xxxxxxxx既….
點知打黎打去都話無登記….
嬲得我呀…
後來我醒呀…..望下本旅遊書….佢有個電話
係886-9xxxxxxxx…我望完…
咦…點解9之後得8個位既…從而諗到…
(02)…….係唔使打0字囉!!!!!!!!!!!!!!!!!!!!!!!!!!!!!!!!!!!!
我今朝問周小姐…佢話：係呀..唔使打0架..做咩唔問我呀
我心諗….咁佢何苦印個電話出黎係….
(02)xxxx xxxx呢?
直接寫(2)xxxx xxxx咁咪得囉………….
令海外旅客受苦了…………………..