2012-10-30
Day 15(法國巴黎Paris)
Yoho~蘇州屎不見了~呢日盡情食野去玩了~中午姨姨約左我地去食越南野~
呢個就係我噚日講哥個好好味又熱食裏面有豬肉碎外皮似腸粉皮咁既….到底叫咩呢???呢間整得仲好味呀~~~~~真係好好味~~好想再食~~(有blog說是蒸粉卷?)
春卷~ok~
牛肉河~~~好正呀~~~~~~~
呢日下午就行下街…行下百貨公司咁~其實我都無咩興趣的~你都知我唔買名牌啦~我地就去左Lafayette某間cafe飲下啡食下雪糕~
好似唔使錢咁…..€3=30hkd…..咁大個仲要三隻味!!!!
亂衝亂撞一個下午~夜晚等埋叔叔放工~帶我地去食飯~我話我今次未影艾菲爾鐵塔(Tour Eiffel)~叔叔就車我地去影~謝謝~上次我大部份既相都係戰神廣場哥邊影既~今次叔叔車左我地係第二個角度影….唔~都唔錯喎~
好~靚~呀~日頭同夜晚既景真係唔同~但都一樣靚~係唔同角度睇同一樣野…原來真係可以有分別的~可以套用多角度思考係人生喎~
今晚晚餐~叔叔佢地平時食開
我叫左個€18.9=189hkd既套餐…前菜我要了蝸牛同餐前酒~不錯吃~
主菜是米蘭小牛肉…不過我覺得一般~未算特別出色~
甜品是法式焦糖布甸~
佢地d主菜睇落好味d咁~一個烤雞一個意粉~
謝謝叔叔和姨姨的幫助~感激~
當日無聊~行行下街聽講呢個全歐洲既彩票呢日彩金高達2億歐羅…唔係唔博下下嘛~~~€2=20hkd一張…..7個號碼完全自己mark…5個號碼+兩個特別號碼…其實幾難中囉~~哥晚開彩….我只中了一個字…………………
今日我去巢醫生度覆診….
我約左六點三….佢七點一先睇我囉…
今日又窒到我”行”哂!!!!!!!!!!!!!!!!
巢：李小姐…28歲(我知我28唔使講出口…)…你食左兩個禮拜藥….我諗唔使我講你自己都feel到…不如你自己講下(伸開雙手狀…..好似d護膚品sales咁問我好無用咁…)
我：er….咁事實上係好左好多既…起碼無出新既暗瘡先啦…不過…好多印呀依家
巢：呢d一步步黎…印我會幫你…不過見你有雀班喎..你父母有?
我：我媽有囉…..
巢：呢d係顯性遺傳架..如果你將來老公都有..咁將來你小朋友都會有!!最好要預防…5年級開始同佢查防曬…
我：咁我d印….
巢：要等你好番哂先可以整印架..你洗面時摸到架
我：係呀…呢次未整得呀..
巢：即係咁..好簡單….我同你同檯食飯..食一條蒸魚….蒸左出黎唔熟…..咁你話唔得喎我好肚餓喎…但係條魚真係未熟呀嘛!!你咁食咪盞肚痛
我：…………………………………….
(擺明笑我操之過急…弄巧反拙…..你好野…今次你又嬴了)
你到底有幾多絕句可以串人添……..
我好有興趣睇下你同其他病人點對話!!
今次又睇左….525大洋………………………………….
去印……無你份呀
我睇下次你又串我d咩!!!!
今日亮點並非巢醫生…..
我提前送左升職禮物俾自己喇~~
就係去睇巢醫生之前去左宣明會~~~
我會助養多一個小朋友呀~
之前講過~今次升職我就會再助養多個~
佢竟然今次問我有無咩要求??例如係咪亞洲呀…男仔定女仔之類~
不過我話無所謂~
總之幫到有需要既人就可以了~
大家有能力既話都去宣明會助養下小朋友啦~
真係好開心架~而且手續好簡單咋~支持下啦~
佢話大約一兩個星期就會有小朋友既資料寄俾我~
我依家好期待~收到再同大家分享~
倒數：距離台北喪食之旅仲有—-34天
沒有留言:
張貼留言