2012年4月27日 星期五

台北吃吃吃之旅2012-04-09第四天Part 2(雨天)

星期五喇終於都….今日番工仍然係一d都唔好受~~~放工時我成個人做到直頭有想嘔既感覺…我無誇大呀!!真係想嘔…………………………..同埋終於完成歷史性任務~~~食完餐唔想食既飯…….雖然面對大量美食….但係我…..都係無咩點食(係咪唔似我呢~)….但求快快走人就好啦~還好可以趕得切番屋企睇拳王~(睇下我個願望幾細~~)….查實….我幾鐘意拳王個吉仔喎~~超生性~可愛~如果依家大部份既小朋友都好似佢咁你話幾好~



2012-04-09
Day 4—-Part 2(台灣台北->澳門)
食飽飽就行下上引水產既其他地方啦~都有好多靚生果買~~





台灣盛產蓮霧呢隻生果~~~我都好鐘意食架~~~超級清甜~~~雪凍黎食一流呀~~睇下左邊哥盒d蓮霧超大個超靚~其實媽媽好想食…不過俾我一句打沉:點拎番去呀…





行過另一邊….原來仲有一個係專食刺身的!!!仲有得坐~~~不過唔知有無哥d咁抵既套餐食~~~~但有太多人圍觀同影相..我估唔會坐得太舒服~





行過少少仲有即開生蠔~~~早知留肚啦~~~依家無位食喇個肚~~~~可惜~~下次再食~




再行過少少….就係魚市場~~超大隻的皇帝蟹~~~~





還有各式各樣的~





佢仲有類似超級市場咁樣既~有刺身賣~唔貴喎~~~見佢靚靚地咁~NT580=155.5hkd一盒..有三文魚有吞拿魚有甜蝦有海膽….hehe~我依家好想食呀~~





離遠都聞到既超香菠蘿~仲寫明不吃後悔~~


行完之後出番去咁岩有的士係門口…於是即刻衝上車(因為開始大雨)…….搭去捷運站再轉捷運番西門町….就係呢個時候澳航打黎話叫我地遲兩個鐘先好出機場…..班機delay兩個鐘…即係本身飛2005…依家係2205…..因為今日人多喎….唔知關咩事…..佢又唔係開加班機!!於是我地搭捷運去番忠孝復興間SOGO坐係cafe度飲杯野….跟住行下…..但呢間野都無咩好行….悶到…..再去番西門町時澳航send sms黎講話要再delay多一個鐘…即係飛2300……我超絕望………………………..



於是係西門町行行行…死行爛行….都行哂無野好行…..媽媽覺得好攰….我提議去睇套戲打發時間…..我從來未試過去旅行睇戲黎打發時間…..癲架…..距離睇戲仲有一個鐘….所以搵間m記俾媽媽坐低訓一陣……..其實西門町都有好多間戲院




揀左呢套戲睇….其實我係想睇饑餓遊戲架…不過媽媽話好驚(唔係鬼片喎….)….想睇Titanic……諗起約左毛寶睇…..於睇呢套合家歡電影:魔鏡魔鏡….即係白雪公主~
戲院好舊囉…仲舊過大會堂…….本身唔知幾錢….跟住賣飛哥個話有人上網訂左平飛無要個額可以俾我地….NT220=59hkd…..UA價錢…..永樂級數…..算啦…..志在俾媽媽坐下有得睇下戲~好無好睇呀…………..er….唔…呀…你都預左呢d片得啖笑囉…..



睇完出番黎怒食番碗阿宗麵線補番….真係真係好好味呢~下次再食~





六點幾我地就截的士出機場….因為唔想搭巴士出去….又要轉車…行李又重….chlo仔教落同司機講話NT1000=268hkd出機場係最低價~見唔係太貴….我真係唔想行…….係酒店攞好行李就出機場….點知去到check in佢同我講:班機飛2345…………唔係下話…..我超嬲….狂話澳航唔掂……個地勤話唔好意思…..不過我同佢講:我不是說你….但是你們澳航的飛機真的沒有一次準時….也太過份吧???你告訴我會不會再delay!!!我明天還要上班的!!!……………..澳航賠左兩張burger king既餐劵俾我地…..於是係機場呆等超耐…..兩點幾終於番到屋企………………….痴線架…..原來個地勤話係因為內地哥班機排唔到隊起飛…..於是去唔到澳門……班機到左澳門先可以去台灣接我地…咁都得??咁都唔關多人事啦….係你地自己無人俾位你起飛je….又唔係平過人…下次我俾貴d都搭長榮囉!!



臨上機之前買既~~~~好多個~~~~好好味~~~好多口味~~~龍蝦沙律超正~有當年日本蝦沙律飯團既影子~




唯一在夜市買的東西~怕媽媽攰所以無咩點行~




總結:
1.今次使費:無計得咁準因為張收據唔見左…..大約記得係計哂機票+酒店+燃油附加費+機場稅=3300hkd…….使費唔係用左好多…..大約4000hkd….所以大約使左7300hkd啦~
2.牛肉麵唔夠好味…我下次要試下大家話好好味既永康牛肉麵先~
3.馬辣真係勁好味~未食過既一定要食~但係我食過兩次依家諗緊下次或者去試下同事勁推介既無老鍋~
4.上引水產~值得推介同再去
5.我要再食永康15既少女冰~
6.我寫哂d地址係度方便大家方便我自己再搵~因為台灣google好清楚~一打地址就好容易搵到~地圖又詳細~我今次去都係google搵完再將佢print出黎帶過台灣用~有時連書都唔使帶好爽~跟住佢搵未錯過~反而跟旅遊書搵有幾次都衰!!強烈建議去台灣用google~
7.台灣的士唔貴~如果搵唔到路或者條路同捷運相距遠既話…不妨搵架的士跳上去~加上佢d的士多得驚人~~
~The End~





yoyoyoo~~
終於番埋今日工~~
一連放4日公眾假期~~
真係好喇~~~有得唔使攞假放4日~
感覺真爽y~



今晚其實去左食葡京個不夜天自助餐~
其實都唔錯喎~
百幾蚊一個人….加埋一先二百鬆….
都有四款刺身食:墨魚..三文魚..吞拿魚..劍魚
佢d點心都ok架~咩懷舊鳳尾蝦…蝦多士…蝦餃~都幾正~
有埋怡情卡有九五折添~
絕對食得過~
只不過….今日中午同小i..chlo仔去禾花亭食得太飽…
同埋放工好攰+有d人唔係咁想見到….
搞到我食左超少野~



今晚食飯撞到曲奇~
我:乜咁岩既~
曲奇:我見到你媽媽呀~
我:下??你見過我媽媽既??
曲奇:我有睇你個blog架嘛~
華~~~~以~~~~好衰架~~~~~~~
我成日係度講人壞話~~
唔準爆人地大獲架下~



報時:距離法國瑞士塵世美之旅仲有—-21日~
報時:距離六公子出使韓國之旅仲有—-154日~
得番三個禮拜咋~~~
點算呀~~~~救命呀~~~

沒有留言:

張貼留言