2012年4月20日 星期五

台北吃吃吃之旅2012-04-07第二天Part 3(陰天勁大風)

好野~~~~~~yoyoyo~~~~~星期五喇~~~本身朝早好他條~~點知一到下晝….天雨都擋唔住d人既熱情~~~~做做做~~~好努力咁做~~~終於都收工喇~~呀~~~~開開心心咁~~~過週末了~~~~希望大家都有個愉快週末啦~~~~~~




2012-04-07
Day 2—-Part 3(台灣台北)

係台北車站閒逛一輪之後…..實在唔知再行邊好….於是六點鬆d我地就出發去夜市~我地唔想去士林夜市…因為覺得d野好似唔係好好味……饒河街夜市又去過……今次揀左師大夜市~~~都係搭淡水線去到台電大樓站出3號出口…..轉右再轉右直行…..我地都係撞下彩…..係某條街再轉右~就撞左去師大夜市lu~都幾人頭湧湧~~






第一檔我就係要搵燈籠滷味!!!!!我最鐘意台灣夜市既滷味~~~~~~~~旅遊書都有介紹~





華~~好好睇呀~~我望左好耐~~好多野食呀~~超多人囉…….首先要霸個好位揀要咩野食先~~~~跟住就要排隊等佢幫你整熱d野食~~佢就係用d滷水汁黎幫你再整熱d滷味喇~~~~由於超多人我地採取分工政策…我負責揀野食..媽媽負責排定隊~~




我的選擇有王子麵~白蘿蔔~冬菇~豬耳~豬大腸~某種台灣菜~等等等等~




到媽媽排緊隊等整熱俾錢既時候~我就去後面間鋪頭霸位食野~後面係一間飲品鋪…可能佢都知d人買完滷味想搵地方坐係度食….佢於是規定每人要叫一杯NT30以上既飲品~佢非常成功~因為個個入黎都捧住一大盤滷味~~超多人入佢間鋪~有諗頭~

加左d辣~唔~~~香噴噴的~~~估唔到同滷水最襯係王子麵呀~~~好好味好索汁呀~~~~不過……我都係覺得台中既逢甲夜市某檔滷味好味d~~~今晚呢個好似食左70幾hkd



行下行下~~食少少飯後果先~芭樂~即係番石榴~




我地要左原味~~~~原味係加話梅粉~~講真~芭樂同話梅粉真係好夾囉~~~~我地真係好鐘意食~~番到黎都有自己整黎食~~不過真係台灣d芭樂爽脆清甜d架~~~好正!!




又行過~媽媽大叫:我要食炭烤地瓜(蕃薯)呀~~….仲逼我幫佢影相~





之後就開始搣皮食…點知阿伯話:連皮食架…比較好吃!!!……咁梗係試試啦~~~媽媽話台灣d地瓜好好味~~我都食左幾口呀~~黏黏軟軟的地瓜~又香甜!!又好吃!!

要了個小的…NT20=5.3hkd



點呀….黎到夜市我又點可以唔食鹽酥雞呀…..本身諗住求其搵一間….點知轉過身見到師園超多人排隊…即刻飛撲過去~~~又係好多野睇呀…望左好耐~~好好睇呀(變態…)…其實佢有好多其他野食…不過由於開始有d飽~~淨係叫左鹽酥雞~~~


NT50=13.4hkd一份…..澳門依家都要15..6蚊一份….



由於佢係你落單之後再幫你翻炸…佢又人多….所以都等左10分鐘度~~




不過都係值得架~~~因為真係……………………好好好好好好好好味呀~~~我本人係非常之愛台灣既鹽酥雞….同係天神巷食既係唔同風味…..原因之一係因為台灣既鹽酥雞佢係有落九層塔架(成日食泰菜都有既香料~)……超香超香的~加上蒜蓉…台灣既鹽酥雞簡直係神級~~~炸得脆雞肉嫩~~~所以我鐘意食呢d多過繼光香香雞~

連媽媽都忍唔住食左好幾舊~~正正正~~番到黎睇…原來呢間師園都好出名~旅遊書有介紹的~~~好彩我有轉身望多一眼咋~



我係四五年前就覺得台灣既蚵仔煎唔係咁岩我口味…….不過媽媽就話:我未食過呀….黎到台灣點都想食一次……………既情況下….陪佢食左次~

NT60=16hkd…唔係貴~



就係咁囉….又好似無咩味咁….又黏黏咁…好古怪…好似唔止淨係得雞蛋…好似有加類似d木薯粉??令佢黏黏既物體落去…我都係唔多buy…都係廣東既蠔仔煎蛋加辣醬正d~

結論係:師大好味~不過好逼………我都係最愛台中既逢甲夜市呀~~~~~~~佢超大又行得舒服~~~超多野食~~~多新奇野食~~~大開眼界~~~d野又正~~~我其實成日都好想再去呢個夜市~~~~~因為之前澳門無機去到台中….我地之前係直去台南坐高鐵去台中再係台中坐高鐵去台北再係台北番澳門……..依家好似話有機係澳門去台中喇~~~我真係想講:gogogogo啦~~~~



咁就完滿咁結束我地既夜市之行~~~之後搭捷運去西門站番酒店…….之前已經問定台灣通chlo仔…問佢邊間d鳳梨酥好味….佢都係話李儀好味….有一間維格仲好味..不過貴d…同埋地點你可能有d難搵….不過好彩我上網搵到原來西門町佢依家都有門市喇~~~~址址:台北市中正區衡陽路105號….簡單d講…..其實係西門捷運站4號出口….一出…就係你左手邊咋~~~~佢d鳳梨酥真係好好味呀~~~仲有佢d麻糬都好正架~~~推介草莓巧克力同埋黑芝麻味~~~~~好好味呀~~~真係一分錢一分貨~




跟住行番酒店途中…剛夜市完的兩人…又想食野喇~呢間杯杯之前黎台北時買過番黎俾我食~~~係食飯卷架~~~即係好似我平時好鐘意食哥d便利店飯團咁~




口味依然係選擇韓式泡菜烤肉口味~~~~~紫菜同飯之間有塊膠~你食之前先攞走塊膠~~確保飯唔會破壞紫菜既脆~~~好好味呀~~~入口時d飯仲熱架~~好幸福~~~媽媽都大讚好味~~




第二日的戰利品~~~粉紅色就係維格既草莓巧克力麻糬喇~~~仲有右下角既我最喜愛的辣味蝦薯餅~~~~~~~~而森田藥粧面膜更係買一送一呢~~~我都算買得克制啦~~

基本上呢一日全部都係食….鼎太豐->淡水老街不停食->永康15食冰->師大夜市->飯卷~





最近都好鐘意呢首歌….(特別鳴謝小咪教我放Video上blog呀~)
[youtube http://www.youtube.com/watch?v=M6q67DSxeQc&version=3&f=videos&app=youtube_gdata]旭仔話唔知點解咁多女仔鐘意布志綸…
就我黎講……我鐘意佢把聲~
第一次聽佢把聲的確好似陳奕迅
不過之後聽得多已經分得出
好厚….聽落好舒服~
加上佢地創作既歌真係好好聽…有時聽到好有共鳴…
d歌詞入哂肉……布志綸又唱得絲絲入扣~
無經歷過既又會將成個人代哂入首歌度…
一個字:冧~
我無咩話最最鐘意邊首…因為我首首都鐘意~
我好少連快歌都鐘意…
係布志綸唱既…我就buy~
佢地今次簽唱會我又錯過左喇…
希望下次有機會去啦…………………
大家可以試下一路聽呢首歌一路睇我下面段野……..



噚晚睇睇下雜誌…..
見到劉松仁…同埋陳玉蓮…
諗起佢地以前做過一套無線既劇集”原來愛上賊”
話實在….我覺得呢套劇真係有d………………………
跟住諗起以前同爸爸有一次……
深夜一齊坐係爸媽床邊睇呢套電視劇既大結局重播(媽媽已經訓左)
劇集中段講劉松仁應承陳玉蓮同佢移民外國開農場..
跟住陳玉蓮攬住劉松仁講:我好心急想知我地老左之後會點呀(情深款款狀)
老豆坐係我前邊…..
聽完呢句一邊竊笑轉過頭望我…
老豆:你地兩個依家仲唔夠老呀??
講完之後我地一齊喪笑….
但又怕嘈醒媽媽….兩個攞隻手掩住個口笑到氣喘
點解我老豆咁好笑架….??;]
之後自己又係度諗傻野…
心諗….明明呢個片段仲好似噚日發生咁…
但係今日爸爸已經唔再係我身邊….
諗到呢度…..我…哭了…;[
真係覺得人生真係好無奈…
明明係你身邊既野….下一秒..
可以永遠消失….
希望大家都好好珍惜身邊既人啦~
唔好等失去左先至後悔無好好珍惜相處既時間
爸爸…我好掛住你呀…
呢兩年黎…未停過



報時:距離法國瑞士塵世美之旅仲有—-28日~
仲係咩都未諗~
經過兩日既商討之後….
決定左….今年九月尾十月頭…(國慶四日假期)
我地會再去一次韓國~~~~~~~
除左杯…..六公子齊人~(好難得呀~~~)
公子以特使身份探訪韓國~~~
機票都訂左(我知有d癲~)
所以今日開始多番個報時器~
報時:距離六公子出使韓國之旅仲有—-161日~
唔好再懷疑我喇…我有儲錢的….
我平時唔係大使既人!
我認為及時行樂真係好最要~
暫時諗將來希望做到既野係:希望做一個快樂既人
我無大志…唔會爭上位….
只希望生活得開心..
大家平平安安~咁就得喇~

沒有留言:

張貼留言