台北吃吃吃之旅2012-04-06第一天Part 2(陰天少雨)

今日因為天雨關係…..一度開左門20分鐘都無人黎攞籌~~超開心~~~又因為今日天氣關係……明顯人潮少左好多~~~yeah~~~~~~可以同d人講野唔使咁急~可以慢慢做~對我同對d客~都好~~~不過都係唔好落咁大雨喇…如果唔係可能有d地方會水浸;[…..其實噚晚行雷……超級大聲!!!嚇醒我幾次



2012-04-06
Day 1—-Part 2(澳門->台灣台北)
yeah~食完阿宗麵線梗係要搵野飲下解下渴啦~~~我要飲好掛住既天仁茗茶~~~~地址：台北市萬華區成都路45號….其實有好多分店~不過西門町既話就係呢間~呢間本身係賣茶葉既鋪頭當中有埋即沖飲品賣~茶味飲品當然ok囉~尤其係佢既珍珠奶茶真的讚讚讚呀~~媽媽都話好飲呢~~~~~~

飲住天仁茗茶行過去對面既西門紅樓~~~好感動呀~~媽媽今次夜景無手震呀~~~~呢個西門紅樓係1908年建立既~依家裏面不時都有展覽展出~地址：台北市萬華區成都路10號….上網睇先知原來星期六日西門紅樓外面會有市集~

依家裏面應該展覽緊昔日台北既事同物~

另外再行入少少仲有好幾間創意小商鋪~我同媽媽都有收穫~

hehe~~跟住就去左雜誌瘋睇日本雜誌~~買日本雜誌梗係為左佢送哥d袋啦~貪佢哥度有得show d袋出黎唔使估估下~~今次去仲同媽媽買到有永久九折卡~地址：台北市萬華區武昌街二段7號

攞到d野兩隻手都係~~~擺哂番酒店先~~~之後再出黎~~~去食我一個月之前訂定既馬辣頂級麻辣鴛鴦火鍋~~~~好緊張呀~~~~~~~個肚已經打緊鼓~~我地訂左八點半…好彩佢都幾準時有位俾我地je~~~~地址：台北市萬華區西寧南路62號………係屬於NT499=133.8hkd 2小時吃到飽既火鍋店~~~~~佢個麻辣鍋真係真係好好吃的~~~~~如果想就自己去其他分店既話可以上馬辣官方網站自己睇下d地址啦~http://www.mala-1.com.tw/

有好幾款肉類俾你揀~~~~除左肉類同埋手打花枝…蝦丸要搵佢落單之外(任食!!)….其他海鮮呀~~蔬菜呀~~飲品呀~~雪糕呀~~甜品呀~~都係自己係自助區任叫任攞~~如果你鐘意食牛既話…我會推介你食頂級安格斯黑牛~又夠薄又有牛味~~其他兩款都有食過….加拿大穀飼小肥牛同埋澳洲嫩肩無骨牛小排…..d牛味都好正~~不過切得厚左少少~~我嫌佢有少少鞋~而安格斯黑牛真係好正~~超有牛味肉質又好~~如果試下都ok既~~因為每盒都係幾塊~唔會食得好辛苦~~我地又有叫台灣黑毛豬梅花~~都好正~~仲有叫花枝丸~

個湯底唔可以唔叫馬辣麻辣鍋~另外我地要左蔬菜精力鍋~~~



先睇睇雪糕既種類先~~~有Haagen Dazs…..仲有MOVENPICK!!!!!!!!!!!!!!!!!!呢隻雪糕我係八佰伴買過~~~~~~~~一盒要成120蚊架~~~依家任食囉~~~~痴線架!!!!!!呢隻雪糕我好鐘意食架~~~~好滑~~~好好味~~~~~~~一定要食焦糖牛奶味呀~~~~~~每隻雪糕都有4隻味~

甜品區~~我無咩點理佢~~~飲品種類都ok多….機出既紅茶呀…可爾必思呀(乳酸味飲料)….支裝可樂雪碧呀…..台灣啤酒呀….花茶呀等等等等~

但係我唔知點解台灣d可樂有d淡口~



蔬菜….丸及海鮮區~推介食佢d蜆~~超鮮甜的~~仲有黑色既牛柏葉~真係唔錯~

黎喇黎喇~~好香呀~~~~~~~~

麻辣鍋真係好好味~~~基本上用佢黎整熟d野食後…你係唔使點其他醬料!!!!!!!就會超好味….同牛肉….仲有花皮丸超夾~~~

睇下d牛肉….靚到………………………………無野講~牛肉總共乾掉7盒~

真係真係真係好好味既MOVENPICK!!!!!!!!!!!!!!!!!!!!!!!!!我同媽媽兩個人總共食左12球!!

我地都無食足2小時~早左3個字走~我一直唔係好諗得明佢係點樣可以做到133hkd任食靚牛肉同貴雪糕…仲有海鮮….仲要個麻辣湯底超香超好味的!



第一天的戰利品:-]

仲有寄左靚靚Postcard番黎~

媽媽話今日朝早7點幾困(車立)….
嚇到佢死喎….
話搭搭下突然停係某一層黑哂唔郁…
跟住佢求其按一個樓層又行番…
跟住去到5樓又停左….
之後唔知點樣走番出黎….
究竟平時俾既管理費同維修保養費用黎做咩架??
嬲呀!!



報時：距離法國瑞士塵世美之旅仲有—-31日~
加油搵料~