杯杯的結婚禮物

今日清明節….媽媽御準我唔使番大陸拜山~(怕我去旅行前再病)……今日訓到十點幾起身….無無聊聊咁坐係廳度睇電視…..睇我細個最鐘意既叮噹(我係老一輩既人…所以我係唔會叫佢多啦A夢架!!)大長篇卡通……煮蝦子麵食…好叻咁撈蠔油XO醬加包小泡菜~又一餐….一路食一路睇掌上明珠大結局……之後….好乖好乖咁開始執gip….因為我怕聽日放工太攰唔想執….又一路執一路睇皆大歡喜….你話….我無左電視點得?!大家將焦點放係清明節度….咁我反其道而行….我祝大家：兒童節快樂:P

我都未講….之前杯杯結婚….我地份禮物係去完新加坡番黎先送~

因為我地驚攞埋去新加坡會整爛~




大家落足眼力呀….呢個俾人情既利是封…..係由毛寶…….自己整架!!!包括由一張紙摺成呢個封….界個囍字出黎….上色…..打窿….絲帶…….好靚囉~~~點解你咁有做勞作既細胞架~~~~~好鐘意呢隻tiffany色呀(即係我囉~)

仲有我地裝禮物哥個盒呀…都係佢自己整架…好叻呀~

無花無假架~整左超好多日架~

好緊張呀~哥日特登約佢地出黎送俾佢地架~~~

估唔估到送咩俾佢地???



開估喇~~~我地係送：一對杯~送一對杯~俾杯杯~

對杯特別在於：係我同毛寶親手造架~~~~有相為證~又係無花無假~記唔記得我之前去學手捏型呀??我地專登去miss個工作室上一堂整架~

個設計係毛寶諗架~~~呢個係初完成品~~~我地一人做一隻~我做健仔哥隻~毛寶做杯哥隻~~~我地好俾心機架~~~

風乾好幾個禮拜~miss幫我地上埋色~好靚呀~

裏面仲有佢地既結婚日期~

雖然呢份禮物唔係d咩貴重野~不過係我地既心意黎架…寓意係：希望你倆…幸福一杯(輩)子~我們愛你….杯杯~

今晚得我一個老人家食飯….
餐單係：白飯一煲…梗唔會咁齋…
再另加一少匙牛油…..
開一罐葡國老人牌辣魚…..
將辣魚整碎加入辣油和牛油….
連白飯撈勻佢~
超正~
搞掂~
今晚既葡國老人牌辣魚老人餐~
老人家趁無人係屋企就係食d咁無益既野架喇~哈哈~



報時：距離台北吃吃吃之旅仲有—-1日~
報時：距離法國瑞士塵世美之旅仲有—-44日~
行李就快執好架喇~
淨係等緊聽日既工作日快d完(希望聽日順利放工~~)
好快…..就淨低一個報時器咯~
又開心又傷心~