2012-04-08
Day 3—-Part 2(台灣台北)係89樓參觀完一輪之後…..我地就直衝上去戶外觀景層91樓~~~好緊張呀…我以為自己上緊美國帝國大廈好似king kong咁~~~~~(我唔知帝國大廈高定台北101高呀??)
不過你都知啦…..我post出黎既呢幾日都係陰天加大風既…一行到出去….癲架!!!!!!吹到癲呀….呢條友仔….睇下佢…..好似坐緊監咁~~仲咁開心~傻仔~
91樓望出去既景色~
可惜天陰陰~~
我地仲做now仔入錢睇望遠鏡~~個頭吹到癲哂~
其實哥日大風到戶外觀光層只係開左一半!!
睇左一陣太大風無辦法再企出面…跑番落樓算…..跑去88樓睇全球最大既風阻離器…應該係超高既建築物都有……用黎抵抗風壓…..台北101既風阻尼器係全球最大~懸掛係87至92樓….可以抵消自然力造成既擺動…降低建築物擺動幅度最高達40%….資料來源就係塊資料牌上顯示的~…..而台北101既吉祥物Damper Baby其實就係風阻尼器~有好幾隻顏色的~
風阻尼器和Damper Baby~
睇完風阻尼器….我地就落番5樓lu~幅畫同媽媽都好可愛呀~
跟住就行番去誠品信義旗艦店行街街~
地址：台北市信義區松高路11號
中午無諗食咩特別野~所以就求求其其食囉~~(其實唔求其…我其實想試agnes b既cafe好耐…只不過成日過到香港都掛住行街….哈哈~~所以咁耐都未試過~)
終於都食到喇~
甜品櫃太吸引了~~~~~件件都細細件…搞到人覺得可以試多幾款~~~~
叫左個包…烤火腿乳酪蕃茄焦糖洋蔥三文治….講簡單d就係芝士火腿治加洋蔥蕃茄……好似簡單野…但係…痴線架…..超好味囉………………..
另外叫左三款蛋糕(學人食甜品做中午飯喎…)…..1.杏仁咖啡巧克力蛋糕(媽媽話ok的~我就麻麻啦~)…..2.焦糖卡士達酥派(幾好味~類似拿破崙…不過都係我地澳門金麗華酒店哥個正d~)…3.巧克力蛋糕(完全無印象….我諗應該麻麻~)
樣就真係無敵喇…不過食落完全係另一回事~叫做終於試左啦~
飲品媽媽叫左薑汁拿鐵咖啡…媽媽話好好飲…我無從考究~因為我唔飲咖啡的~我叫了冰巧克力~好味~~
估唔到agnis b既咸品….好味過甜品!!!!!!估錯哂~~我寧願食多過三文治囉~~
食飽飽就行行呢間大到喊既書店~唔記得有六層定七層……如果唔係見媽媽無無聊聊好似無咩書岩佢睇~~我一定磨爛蓆都似!!!係度買左本書俾毛寶…我自己買左兩本雜誌同兩本旅遊書(就係法國同瑞士囉~)
跟住番酒店擺低d重野~就再出發~搭捷運南港線向南港展覽館方向….忠孝敦化站落….出8號出口…..我要去搵呢間鋪頭—-糖村~…..專誠黎買佢d牛軋糖架!!!!!佢d牛軋糖類似澳門d鳥結糖…不過軟d~香d~我買左牛奶味同埋類似拖肥味~兩隻都好味~~不過我愛牛奶味多d~~~番黎請人食個個都話食~不過幾貴~~~地址：台北市大安區敦化南路一段158號….除左牛軋糖之外佢仲有朱古力呀..蛋糕之類…不過我無試過~另外媽媽買左杏仁脆條…好好味架都~~~
今日繼續歌頌Mr.先~
我記得我第一首聽佢地既歌叫”無謂再假”
覺得幾好聽….
同埋毛寶成日係佢架車度播佢地當時既新碟”If I am”
所以係識識地佢地既歌情況之下睇左佢地第一個演唱會….
Everyone Concert 01
由第一首黑色狂迷開始我地全部已經開始企哂起身一路睇一路唱一路叫…
企到散場……期間陳奕迅仲有做嘉賓唱”如果我是陳奕迅”
超正~~佢地第一個演唱會係出左一隻EP一隻CD一隻新歌+精選既情況下開..
唱左好多人地既歌….連encore都係唱多左次想太多~
到第二次People Sing For People
成場都係唱哂自己歌加一首暗湧同我是憤怒~High到癲~
感覺好似見證佢地既成長~
好想再睇佢地第三次演唱會~
其實我貴一貴都想坐最前第一行….不過我唔識人買~
希望你地千祈唔好係我去旅行時開呀;[
[youtube http://www.youtube.com/watch?v=nUNbbYjJ4Ts&version=3&f=videos&app=youtube_gdata]演一對啞巴 結束這戲假 讓我來相信吧
演不到戲嗎 說一個笑話 無謂再假
結束那笑話 結束那戲假 別再重覆廢話
討不夠厭嗎 口不對心 放過我吧
可惜故事劇情留下怨恨
未能毅然斷送傷痕 好夢被分化
這齣煽情舊文藝戲 無謂再上畫
由你自製真假
聽完Mr. d歌~
舒服番d~
我咁大個人仲追偶像有d唔理性..
不過佢地既歌真係可以俾到正能量我喎~
咁我繼續唔理性囉~alan po~
今日下晝唔小心聽左個電話….
我輸了…星
報時：距離法國瑞士塵世美之旅仲有—-24日~
報時：距離六公子出使韓國之旅仲有—-157日~
好接近呀…
仲係未諗野~
沒有留言:
張貼留言