2012-03-15
Day 5(日本東京)噢~最後一日喇~~之前哥晚執野執到點幾兩點…..最尾呢一日遲少少先出門口~11點出發~已經好唔捨得日本喇~~~~~~
由於我地呢一日係最後一日….會搭六點幾機……四點要到機場…..兩點其實就要搭車出去…….所以我地只係安排左一個節目~就係要試埋慳錢雜誌上介紹既—-立喰い寿司 魚がし日本一……佢有好幾間既…我地去哥間係：渋谷センター街店…..地址：東京都渋谷区宇田川町25-6……..website：www.susinippan.co.jp…….可以自己再上網搵下想去邊區既……點解要黎呢間???因為慳錢雜誌介紹呢度有個好抵既壽司set……而賣得咁平….係因為……..佢係要立食既~立食=企係度食………仲有限你20分鐘食哂….唔係咁會咁平呀~不過雜誌上面寫既地址有d唔可靠……係google度都搵唔到既…..於是我地自己上網再搵~
立食呀~~~知道有呢樣野好耐~~~但係第一次試咋~~~~~~~~新鮮~~~~
師傅就係你面前努力的整~整~整~~~不過好彩哥日我地算早黎~唔係太多人~
好精彩呀…..我望左d刺身好耐呀~~~
大家埋黎睇呀…呢個就係特價set餐~880円=88hkd~就有呢set壽司加一個魚湯喇~~
好味係幾好味既….亦都食得出佢d刺身係幾新鮮既…..問題係：我好大食….我唔夠飽呀!!
於是再散叫壽司~海膽壽司(260円??忘了)….我覺得ok~毛寶話有屎味~不過呢個價錢…算係咁~
三文魚子壽司(同海膽一樣價…所以我忘記係咪260円~)…好好味呀~~
呢個白貝壽司~超超超好吃的~~~~而價錢亦只需150円咋~~~~
食食下…..見到有個日本人都帶個外籍人士黎食…..偷聽佢地言談間應該係日本人帶公司個出差客黎食野~~~證明呢個立食幾有特色~~~大概食左2340円~即係每人11xhkd啦~都幾好味喎~~~~後尾出門口研究佢有個貴少少既set有齊頭毛d壽司之外仲有海膽同三文魚子壽司喎….下次唔好搞事…一於叫哥個~~今次雜誌算係無介紹錯~~但我依家上網先發現…….池袋西口都有一間啦…我做咩搭車去到咁遠既涉谷食呢?
為左解渴而係JR駅內買黎飲既蘋果茶…..點知係熱既…好難飲呀…
我地搭車番池袋時發現池袋駅內有一間賣襪既小鋪頭…..d花襪超靚!!!!重點：1000円3對…..”日本製”的~~~狂掃左6對~~~~~
你睇下我地幾愛d卵~~~~~~特登係Daiso一人買一個卵盒…..每人掃8隻卵番澳門嘆~~
再見喇窩居~~~拜拜~~~
超好呀我地酒店門口直接有機場巴士去成田機場~~~爽yy呀唔使搬gip~~~只需之前預約定…..然後即日買飛就得~~不過幾貴…要3000円….不過唔使搬野…俾!!係大堂等車之際….忍唔住要食蘿蔔同飯團!!(但我岩岩先食完壽司set~)
大堂有個磅…..可以磅行李…我超驚超重….一磅….好彩….26.2磅……比西班牙同韓國都還輕~
我地搭兩點四班車….佢寫話90分-120分先到…..其實90分鐘都無就到左成田…..仲快過搭narita express~~~~~~幾舒服呀~~點知日本既ANA…..依家全部都係self check-in counter……………..排隊哥時超驚唔識用呀!!
不過好彩有中文~~都算搞得幾快~~~不過無謂呀…self check-in之後都係要排隊寄行李…
跟住去寄行李…..一上磅…我件乖行李仲輕左0.2磅….得26磅…….正想讚佢叻…..頂哥個空姐話我超重要我俾錢…..下……..我問佢本身行李可以寄幾多….佢話最多23….跟住毛寶磅……17點幾….18都唔到…..我問佢…咁我地唔可以share咩??佢話唔得喎…..點都係要俾3000円喎….搞錯呀…………要我無啦啦俾多3000円我死都唔制囉……重要唔係超好多…同我同行哥個仲咁輕……….唔忿氣我咪執野出黎囉…..執番d沐浴露潤膚膏唔要(本身諗住去台灣用埋先)…….d絲襪少少衫呀攞個行李袋入住…..再磅22.8……頂……..咁你叫人點樣去日本血拼呀?我上次去韓國27.7都無話我!!唯一對ANA既不滿!!!!!!!!!!我番到香港機場攞左行李即刻打開個gip…執番哂d野入去!!!!!毛寶真係好野….幫我執到d野郁都無郁過~~超整齊~~~~
成田機場….多野買….不過由於有3磅係我身上…無力買!!
搵到閘口就行去搵野食…..(又食~)…咁肚餓呀嘛~
我食左札幌醬油拉麵同餃子~拉麵唔錯~餃子都係之前幾日係韓國鋪頭個叔叔煎得好食~
噢….要出發離開了………………呢個夕陽既畫面令人好傷感呀……….我地搭NH911班機…..delay左15分鐘即係1840先登機……..好唔捨得日本呀……
好啦!!!要正能量!!!呢次旅程既結束…係下一個旅程既開始!!
今次飲凍綠茶+小食~
這次由日本番香港既和式飛機餐~期待已久(好變態哈哈~~)~~都幾靚~不過認真講…..我覺黎哥個好味d囉……..冷麵都係咁好味~~~鐘意呀~~仲有叮噹豆沙包做甜品~~~都係飲白酒無執輸~~~~
大約10點幾到左香港…..我仍然覺得好不可思議由外地入境香港機場過海關既運作…..百思不得其解………..點解你係有個counter分開做普通入境旅客同澳門居民…..大約有10個counter係入境旅客……兩個係澳門居民+入境旅客…..但係….我地又要同其他人一樣排同一條隊等架喎???點解???我排隊哥時你又唔知我持咩證件….咁你分哥兩個counter黎做咩???仲要排到埋去….個入境處職員就會分你埋去其中一個counter度等…..但係到我哥陣…..明明我等緊哥個counter已經係入境旅客+澳門居民counter喇喎…..但佢竟然同我講：你過隔離丫….我部機做唔到澳門身份證…………..我：我真係唔明….咁你使乜分兩個counter寫住係澳門永久居民呢???我都係要排同一條line….仲有….如果你前面個同事分我去超遠哥個普通入境旅客個counter咪一樣點番我去你哥個專係做澳門永久居民counter…我行過黎你又以為我尖隊…………某入境處職員：我都想知點解………………………點呀…呢個係咩答案?????????我唔介意同全部人一齊排入境旅客line咁好公平呀因為我唔係香港居民我理解…..但你又要特登整兩個counter係澳門居民+入境旅客…..但又要我排一大條隊….都算!!!你哥個counter既燈箱寫明做澳門永久居民+入境旅客…..又竟然做唔到我地d身份證喎……其實我真係好想投訴香港入境處…..唔知佢地搞咩….我已經有過兩次呢類型既不快經歷!!!因為香港機場係一個我其中認為好好…好有效率既機場(但出境哥時無呢個問題架喎….係入境咋..)….但俾入境處咁樣對待真係火都黎!!!…………之後超快有得攞行李…就放番我哥d超重左既行李入gip…出去搭機鐵….幸運地搭到0030既船番到澳門~番到去又有一個好好既的士司機自動波行出黎幫我搬行李入行李箱~都算好彩囉今次~
呢d係番到黎澳門影既相~番到屋企第二日已經係度嘆緊我d卵~拿~佢又唔係實心到散既蛋黃…..亦唔係流心…..係有d黏黏地咁既….正呀~
呢六對就係我係池袋駅內買既1000円3對既”日本製”襪~超靚的花~
仲記唔記得我之前買既Tokyo Banana呀??好好味既香蕉仔蛋糕同餅呀~
總結：
1.講下今次既使費先……我地個package係五日四夜2999(酒店連機票)+421(稅)+530(燃油附加費)=3950hkd~其實2999呢個價錢既房係double bed room….通常呢d雙人房只有一張大床…日本淨係俾一男一女入住….唔知點解今次又俾我地訂喎~話幫我地間房留一個名….check in唔好兩個一齊check就ok…又幾好彩喎~因為呢個價錢去五日真係超值~~我今次去既使費食+玩+買+搭車總數15900hkd….加埋機票即係呢五日使左19850hkd…..d錢倒水咁倒~要再努力儲錢!!!
2.以前鐘意去藥妝店買化妝品護膚品太陽油…..不過今次去發現佢d野全部貴過澳門……所以咩都無買…..淨係買左d日本藥….例如痱滋貼呀….龍角散呀…呢d番黎….都無乜點行藥妝店….慳番好多時間~
3.三年無黎過…日本舊年經歷左大地震之後….沉寂左一排咁….其實依家同以前一樣咁好~~日本人依然人親切…友善…多笑容~~日本呢個地方都仲係咁多野食咁多野買咁多新野睇!!我一定會再黎支持支持~~
4.以前去到邊都聽到有人講廣東話….不過我發現今次去…….無乜人講廣東話…..多左人係講：普通話~
5.其實佢d野無咩加到價…..只係匯率問題….令你覺得佢d野貴左超多!!
6.好多野食呀~
7.好想出年再去呢~
上個禮拜已經買左Mr.隻新碟—-misterdays
直到今日我先打開個包裝…..
依家一路打blog一路聽Alan唱歌：可笑…多麼可笑
好享受呀~
上個月3月好似睇左三套戲…
有桃姐….好好睇~葉德嫻做得好好呀~
LOVE愛….台灣戲~好睇~輕輕鬆鬆~似love actually~
仲有上個禮拜睇既春嬌與志明~
第一集已經有睇…..第一集真係好好笑~
第二集已經變成情意結一定要睇..
片尾既余文樂扮王馨平唱別問我是誰真係好笑到癲~
笑到胃反~
如果再有第三第四集…一定會再睇~
報時：距離台北吃吃吃之旅仲有—-2日~
報時：距離法國瑞士塵世美之旅仲有—-45日~
腦裏面已經諗緊馬辣麻辣火鍋同埋胡同既烤肉喇~
爽yy呀~
沒有留言:
張貼留言