2012-04-09
Day 4—-Part 1(台灣台北->澳門)
黎到最後一日~無乜安排景點…因為原定係飛夜晚八點….諗住四點幾五點就出機場…..朝早係酒店打去澳航confirm機位…佢話無問題今晚八點飛…仲留低我電話號碼…..於是好安心咁check out酒店……出發去今日最亮點節目!!上引水產~~前身係個魚市場…依家俾間日本餐廳重新打造好似變左做日本既築地市場~我本身諗住食爭鮮既….點知係出發前Diana推介我去上引水產….加上我自己咁岩係雜誌見到有介紹….覺得好吸引~於是放棄去爭鮮了~地址：台北市中山區民族東路410巷2弄18號…….平d既去法係…..搭捷運南港線向南港展覽館方向係忠孝復興站轉文湖線(or叫木柵線?)去到中山國中站…之後一出捷運站有好多的士…你求其跳上一部同佢講你要去上引水產就ok~當然舒服d你咪直接搭的士去囉~不過咁會貴d囉~如果係有4個人岩岩好咪搭的士~
呢個時候開始有d雨仔落…
我地十點幾十一點度去到….發現已經開始有人排隊喇~~~~
上引水產有魚市場啦….都係有野食既~不過都係立食區….立食區開十點…..另外露天既燒烤區有得坐既…不過開十一點…….有上次去日本立食經驗…今次無有怕~
一路等一路研究餐牌….好彩都唔係等左好耐….大約15分鐘..
被安排企係遠離整刺身區域…….. ;[
不過企係燒烤既小伙子前面~
我叫左日本北山凍綠茶(NT30=8hkd)…不過我覺得綠茶都係熱飲為佳…因為Diana有推介要飲清酒…所以我叫媽媽要左吉乃川嚴選辛口清酒…熱飲(NT160=42.9hkd)價錢ok喎~….又真係幾好飲喎~~我之前都有飲過清酒…不過覺得麻麻…今次再飲~又幾好喎~
我地叫左兩個套餐兩份食….叫左最平同最貴既試下…..平哥個係：立舟套餐(NT580=156hkd)……有海鮮沙拉->握壽司八貫->烤物->湯品…….首先黎既係海鮮沙拉：一d都唔求其架~~~~有三文魚籽….三文魚粒…..吞拿魚粒…..超好味的!!
湯品：蝦頭…魚肉魚骨麵豉湯….好鮮甜呢~
烤物：燒成條秋刀魚….由於我地攤左一陣先食..唔係熱辣辣食感覺上無咁好味~
握壽司八貫：好靚呀~~舊舊都好正呀~~~
上面得7舊咋…第8舊係呢度：油鮪魚蔥花手卷~樣子不討好~但好吃~
以156hkd一個套餐黎講….佢應該係合格之餘有突~
跟住就係最貴哥個海套餐(NT1980=530.8hkd)….又真係幾貴喎….睇下你有咩食…..應該佢會因應季節既不同而換款的~….首先黎一個魚子醬+松葉蟹…..魚子醬好正呀~~~~~~~~~~~量都算係有好多下喎~松葉蟹又係類似水煮既食法….不過不失~
湯品就同頭先個平餐一樣係魚骨味噌汁~~~~立食的人是有福的~因為平食好野~
再黎就係刺身三點喇~~牡丹蝦~~吞拿魚~~海膽~~~~三樣都好正呀~~~牡丹蝦好鮮甜~~~吞拿魚食落好rich呀~我平時麻麻吞拿魚~~但呢舊真係好正~~海膽好味新鮮無屎味架~
烤物係燒一條唔知咩魚….呢條堅好味…..我平時都唔鐘意出街食熟既魚…但呢條魚燒得岩岩好!!!加少少鹽巴調味~~好鮮嫩呀~~~
有無人話我知呢條係咩魚??
握壽司~~~好好味呀~~~~:]
仲有燒鮑魚~~~~我地好好彩呀~~抽中左隻幾大下既~~燒得火喉岩岩好~~好正~
個餐貴得黎都算係有野食~~所以我覺得都幾ok架~~又魚子醬又刺身又鮑魚喎~~
由於企係燒烤爐前覺得太吸引…媽媽忍唔住…我要食一隻燒蟹腳呀!!!!!華~~~好大隻下~~~~~仲有重點係：超級的好吃~~~~超多肉~~~烤蟹腳比起水煮的好吃多~~~~~~我記我呢個好似係百幾蚊hkd~~~
真係好大隻呀~~成餐飯超飽~~超滿足~~~食左NT3663=982hkd….罪過罪過~~~
偷偷跑去隔離哥邊影相~~
呢餐真係好正呀…多謝Diana既推介呀~~如果唔係我都唔知有個咁樣既立食地方咁鬼正呀~~~~~~
呢個禮拜同上個禮拜一樣咁難捱….
唔知搞咩…
不過算啦~
話哂番埋聽日就會放四日假~
勞動節+佛誕節補假…
其實痴痴地既話…
去轉旅行都仲得~
報時：距離法國瑞士塵世美之旅仲有—-22日~
報時：距離六公子出使韓國之旅仲有—-155日~
今日成個腦都係…
"未來在宇宙盡頭"
噚晚個夢~
好正~夢見係街撞到布志綸~
同佢終於影左張相….
開心到我~
沒有留言:
張貼留言