2012-04-06
Day 1—-Part 1(澳門->台灣台北)yoho~正式到左講台灣之旅喇~今次呢個旅程係專誠為左係四月尾生日既媽媽黎一趟生日之旅~今次係我包佢酒店+機票….食野同買野就佢自己搞掂啦~(有朝一日我搵到多d錢我會全包佢的~)….點解要同佢生日去旅行呢….因為我覺得對父母唔只淨係俾錢佢先叫好….或者淨係請佢去旅行……我既理解其實同埋佢一齊去佢仲開心(佢唔理你請佢去邊價錢平定貴~)…..最緊要可以陪下佢~今次又要我地既人生留低左少少美好既回憶~不過今次有我個樣d相可能角度有d怪或者有d手震~~哈哈~~因為媽媽ja機~~佢成日手震的~~~試過日光日香夠哂光都成張相變地震咁~~~~~
今次去旅行係用復活節既四日公眾假期去既…一日假都無請~太好了~我地4月6號哥日係搭中午1205班機係澳門飛既~哥日毛寶10點鐘黎車我地去澳門機場…..大概11點去到~多謝毛寶哥日放假都咁好車我地出機場~好感動~
我用左新書包去旅行呀~~~睇唔睇到有幾醒目呀~~~~都預左澳航有遲無早…諗住11點先check in應該無死….澳門機場得哥三四個閘口……點知…..佢又同我講delay一個鐘……要1305先飛………………..於是去OK買本雜誌入禁區坐係度睇………………..其實哥日係機場都見到好多識既人去旅行喎…我諗澳門機場好少咁繁忙!!
今次有份去既團友介紹下先：有老土姐(即係我)….老土姐個”囉jer”(Roger)….仲有老土姐個媽媽冰冰~
講下依家個匯率先….我換既時候係3.73……即係將台幣NT個價錢直接除3.73就知係港幣幾多~其實貴左喇….我之前兩年去係除4的~
今次我都係用特區護照出發….媽媽的葡國護照免簽…..如果好似我咁係澳門出世….攞特區護照入境既話….麻煩大家自己去呢個網址：https://nas.immigration.gov.tw/……上網填好表格…..列印哂入出境表…..帶埋一齊過境……咁就ok!記得係兩張…因為佢入境既時候會問你攞哂兩張吸印!!填左有效期三個月….每次入境逗留30日~再唔識既話俾埋澳門台北經濟文化中心個電話俾你：28306289….呢度係辦入台證既有咩都答到你~唔該記得護照有效期請不少於半年~
今次搭澳航呀…..係澳門航空….唔係澳洲航空…………………..我地搭中午1305(delay左1個鐘)….NX610班機….由澳門飛飛飛去台北~
大家要有心理準備….今次我地既相無乜觀光相架……全部都係……………….野食~澳航隻機真係舊到不得了~
囉jer為你介紹…澳航既飛機餐—-雞肉飯~醜樣…但唔算難食~我食哂個飯~
我地係屋企出門口既時候都有幾滴雨仔……其實睇天氣報告已經知道復活節呢幾日都會有雨….唯有希望唔好落咁大雨啦~就黎到喇~望望台灣….天色都麻麻地…………我地係1445到達台灣桃園機場……澳航既降落—-竟然係完美~我配服~落得好好~~完全唔覺已經降落~同上次搭Qatar一樣~唔似得法航咁將我地由個天拋落地降落~
一落機就入境…超多的人….好彩我排單邊隊~隔離哥兩條台灣護照隊一無人就叫人過去做~5分鐘就過左海關~攞埋行李行去搭巴士….不過台灣桃園機場裝修緊….行得有d狹逼….根據指示行去搭巴士既地方~都行左一大段路~身為台灣人既chlo仔介紹我坐大有巴士….原因係：我地住西門町….只有佢一架可以去到…..不過都唔係直達…..要轉另外既巴士…不過佢話有職員指示….唔使驚….所以我就揀佢~好似NT90=24hkd一個人~
有成兩年無黎過~萬分興奮~不過都有d緊張~因為今次係得我一個人睇地圖….之前兩次都有一大班人黎…一係就有crystal帶隊~
由機場去到台北車站轉車…..大約都搭左1小時20分鐘…….一出台北車站……….有幾滴雨….華…………………….好凍呀!!!!!!!!!!!!!!!!!!由於出發前睇天氣報告都話有21度….以為好熱……點知……….媽媽仲著短袖同件薄風褸……..輸哂……又話有人指示我地轉車既…點知原來要行一大段路去到巴士站再等巴士的….我同媽媽都凍到騰騰震…….我同媽媽講：唔好理喇…..俾錢都坐的士去啦……於是跳上的士….直衝去我地住既西門町萬事達旅店中華店……..地址：台北市萬華區中華路一段82號……..上的士連”標”都無跳就落車~
應該就唔算太新….不過都乾淨….chlo仔介紹我地住既~因為地點方便~同西門町又近~同捷運都近~又唔算雜~理想~間房大過我係日本住哥間好多喇~
放低行李~大概六點鐘可以行出街玩~~~媽媽已經唔理三七二十一………大叫：我好肚餓呀!!!!!!!!!!!!!!當我睇緊地圖既時候佢就自己買左呢個臭豆腐食………..NT50=13.4hkd…….
結果係：er….唔….呀….我覺得佢炸得唔夠乾身….同埋食入口唔夠臭~唔係我理想既臭豆腐~
星期五晚開始熱鬧既西門町~
嬲死囉….全台灣最大既UNIQLO開係西門町…不過係我走左之後四日先開…..
我要食我要食我要食阿宗麵線~除左因為呢度出名之外…..之前黎都食話~~我覺得真係好好味~~~我成日係澳門無啦啦都諗起佢架~~地址：台北市萬華區峨眉街8之1號
人龍店之一~~~~好香呀~~~我超愛佢幼幼既麵線~~好味的湯加埋大腸~仲有神來之筆既芫茜~~~~好好味呀~~~~~~你話我遊客都係咁話~
媽媽都話好味架~我地買左一碗大既兩份分享~大既NT60=16hkd….細既NT45=12hkd~
今日down個新app叫Simsimi….
係同隻雞傾計….其實好無聊架…
不過佢應你d野好鬼好笑~
我：你好悶呀
雞：對唔住我正粉腸
我：無內容既…
雞：I don’t Know how to respond. Please, teach me
我：又扮野
雞：比你發現左:(
我：悶
雞：跳舞啦你
我：食屎
雞：飲水幫你消化
我：我叫你食呀
雞：咩喎
我：蠢囉
雞：物似主人型..sor XD
我：邊個係你主人?
雞：你咪係囉…
我： I am not
雞：咁係邊個?
我：your mother
雞：she is fine
我：that’s great
佢俾我玩到癲時…我都俾佢激到癲…
有興趣down黎笑下佢…佢回應你d野都幾好笑~
今日要同大家分享下一d有關於旅行既野先….
大家去歐洲旅行…咪好鐘意買名牌袋既…
留意下呀…..
我有個fd自由行去西班牙….
買左四個名牌袋….一個係LV….一個係CHANEL…一個係Ferragamo
另外一個係PRADA
總之….佢應該係退完稅將d袋放入gip寄倉…
番到屋企開gip…..
發現…..得番d名牌既紙袋同盒…..無哂d袋囉!!!!!!!!!!!!
偷淨番一個LV……………….
好似有d仲係幫人買架….好慘!!
報左司警…
不過……..你估都估到唔係香港機場啦…
咁遠既地方……報左警都唔知有無用….
超過份…寄倉行李俾人偷野…
仲要唔係成個gip偷…
係開你個gip偷完俾番個gip你…唔該哂…
大家去歐洲買名牌真係千祈千祈唔好入gip寄倉呀…
買幾多個都好隨身帶上機呀!!!!!!
有d就去街邊飲咖啡放係地度眨下眼唔見左…
唔係講笑!!所以去歐洲幫人買名牌袋責任都好重大…
大家唔好怪我我之前已經講左我係唔會幫人買任何名牌番黎!
另外一樣係…
有人經東瀛遊訂左一個package係去泰國布吉既…
間酒店叫Patong Lodge Hotel….(大家去訂野留意下)
話一入到房….個感覺好似入左鬼屋咁..
露台無啦啦又有棵樹係度好臭既…燈光又黃黃暗暗…
於是佢地再自己出錢upgrade間deluxe room…職員態度又差….
之後4點落雨番酒店避雨時…無啦啦有個阿姨開鎖匙入黎話加零食俾佢地….
之後食完飯番酒店….發現窗簾唔係原先哥條…
露台門俾人整爛…..gip又俾人開埋…
入面無哂錢……….
之後仲要唔知係咪d警察同酒店扯貓尾……
佢地又再俾錢搬左去第二間酒店住…
好恐怖呀…
真係貴重野一定要跟身…
同埋住d有信譽既酒店真係好重要!!!!!!!!!
報時：距離法國瑞士塵世美之旅仲有—-32日~
我諗我自由行真係要小心小心呀!!!!!!!!!
好驚呀…
好彩我唔會買名牌包包咋!!!
岩岩有個同事都去法國同瑞士….
佢係fb講上少女峰有高山反應出現!
沒有留言:
張貼留言