2012-04-07
Day 2—-Part 2(台灣台北)
食完Mister Donut之後~就衝去淡水老街~發現超大風(因為近海??)…見咁大風就行下內街先~第一檔見到繼光香香雞~即買黎食~不過佢唔係我最想食既雞!!!止下口痕咋~買既時候俾佢玩一玩…..佢問我要唔要辣…..我話要…佢問我要大辣中辣小辣…我話我要大辣….佢即刻成個辣粉蓋打開問我：大辣要整個倒下去??………哈哈~癲架~
個女仔話要一路食繼光香香雞…一路飲白玉苦瓜汁喎~我鼓起勇氣試…..er…唔….呀….唔好飲囉…因為我太唔鐘意呢朕味喇~
成個大細路咁自己衝左去買炸榴槤食~仲逼我幫佢影相~
哈哈~~又聞到臭味喇~~唔係炸喎~係炭烤架喎~要試要試~乾身d~臭d~調味好味d~好味~比起噚日係西門町既食到好味得多~~~唔明點解澳門無哂臭豆腐~
行左內街一陣~又行番沿海…不過真係好大風…吹到個頭似癲雞咁~
第一次係台灣食~第二次係韓國食~第三次又去番台灣食~~~~~唔係d咩新鮮野lu~不過都仲係咁鐘意食~~~~~~~~又係食起司味~~~~~脆lok lok~
我讚我媽媽交到戲~
超超超超多人的….阿媽的酸梅湯~~~個人偏愛呢種帶d咸味既酸梅湯~好味~媽媽話麻麻地
轉入內街行多陣~就走lu~其實岩岩先食完鼎太豐~又食左咁多野~拜拜淡水~
淡水有我最愛吃的辣味蝦薯餅~~我真係好鐘意食架~~真係淡水先有得買;[….我今次都係買左兩包咋…因為我驚易碎…..不過已經俾我消滅哂喇…….. ;[….唔知幾時先再有得食….
好喇~離開淡水時就最好架喇~總站….實有位坐~真係不得不讚台灣既博愛座….香港澳門都有呢d….不過有幾多人真係會讓俾人坐???但好多台灣人真係唔坐架……就算坐左都會讓俾有需要既人坐~唔錯唔錯~
之後我地又去食野喇~搭番捷運淡水線去到中正紀念堂站落車…其實我地要去永康街既…不過無咩捷運站近….如果係捷運站行去要10-15分鐘(未計我地係唔識路)…..於是我地就係最近既中正紀念堂捷運站轉的士去~好似都係無跳過錶就去到(大約NT80)………..台灣既的士大哥係咪都咁鐘意講野???呢個又係咁~狂同我地傾計…..又話我好孝順同媽媽黎旅行呀….食左d咩呀….仲同我講話之前前年冬天載過一對香港黎玩既情侶….之後舊年係唔同地方又載番同一對情侶…..我同佢講話你同哥對情侶超有緣….傾傾傾傾到落車…..最後我同佢講係：下次再見~
我地就係要黎呢度~永康15~其實之前睇旅遊書介紹呢度係叫冰館….應該俾某大集團收購左…..依家改左叫永康15……個名應該係改自佢個地址喇~地址：台北市永康街15號~
以前叫得做冰館都估到呢度係食冰啦~我地係淡水食左咁多野係時候要食d甜品喇~:P
不過價錢一d都唔平架!!!最平哥個紅豆牛奶冰先係NT90=24hkd…其他生果冰都要NT130或以上….芒果冰係呢度應該好出名的~不過芒果依家唔當造…..所以我揀左新鮮草莓牛奶冰~要NT160=43hkd架!!!一d都唔平~
不過好彩都幾大個….我同媽媽兩份~~~
感覺好少女~
唔係自戀post兩張呀~係呢張影得個冰隻色清楚d(我竟然咁失敗無淨係影個冰既相…我好蠢~)……華~~~~牛奶冰好好味呀~~~d士多啤梨應該有用野浸過….超好味~味道似以前細個爸爸攞boot酒浸士多啤梨哥種味~~~食呢個冰~令我諗起爸爸;]……上面仲有個芒果雪糕球~~~整體感覺都係超好味的~~~真係好味~~食到最後一啖冰~仍然係咁好味唔怕變淡~~正呀~~~~~我下次會再食~~
有幾個男人著短袖黎食…一路食..見佢地一路打冷震~話實在…..呢度係超級的多人!!好多都係遊客…唔止中港澳…..連日本韓國都有!!唔算坐得舒服….因為係高檯高櫈…預你食完就走哥隻…..不過咁好味~俾人話我係遊客野我都會照食~
我地坐的士番西門町既萬事達旅店….點知上左架的士個的士司機係娶左個香港人做老婆….於是大show佢既普通話不停講講講…又講邊度牛肉麵好味…..邊度鴨舌好味….邊度木瓜奶好味……最重要係話：我地台灣人點會去食永康街冰館呀……呢d生果冰係俾遊客食架….我介紹係去食台灣人先會去食既冰啦…..係你地酒店附近架又平又靚呀………………..雖然俾遊客食….但我都係要表示：但真係好好味喎~
之後番酒店擺低係淡水買既一埋野……就坐捷運去番台北車站…..諗住行下哥個台灣故事館……呢個台灣故事館係一個模仿舊台灣既博物館…….之前聽人講同埋睇相已經想去………所以今次同媽媽黎就諗住加d觀光既性質~點知我地一出台北車站搵左好耐…..都唔見….行入一間商場問個information既女仔…佢話：已經結束了……………下…………….依家我再番黎上網搵料…發現…原來佢已經執左………………………..好可惜呀….好想去架….滿心歡喜去到…點知………….執左………….只怪我攞住2008年既旅遊書做參考~又係唯一無上網確認呢間野仲有無係度….(因為我諗住博物館一定有架嘛!!!)…….無左個景點….我地係台北車站附近既商場無無聊聊咁行左陣街…………
Mr.終於可以上J2喇~~~~
噚晚Big boys club有布志綸~~~~
宣傳佢地套新戲”起勢搖滾”~~
不過覺得alan個樣….好攰咁既…….
我真係好鐘意alan po同Mr.~~
唔知有無人識放youtube d mv係blog呢??
好想放Mr d mv係度呀~~
換左新blog之後我唔識放呀!!
今朝晨早….
有個阿媽叫佢個女同我講早晨…
媽媽：叫”阿姨”早晨啦!
阿姨…….
可能我個年紀真係到左姨個年紀…
不過…..奉勸媽媽們都係教小朋友個個都叫姐姐啦…
雖然同我講早晨好有禮貌….但係我sad左成朝
當係呃下姨姨都好啦…..
"小t姨姨"
;[
我真係太貪吃..
我下巴哥兩粒充滿”龍”既暗瘡…
好痛呀…..
連牙肉都有飛滋~~~好野~~
;[
報時：距離法國瑞士塵世美之旅仲有—-29日~
我噚晚真係好乖咁睇法國旅遊書架~
不過睇睇下真係訓著左~
傻架…哈哈…
沒有留言:
張貼留言