2012-03-14
Day 4—-Part 4(日本東京)係花園神社急急腳地求左籤之後又走番去涉谷…..(又涉谷)….因為我記得某條斜路有間專係賣襪既….有好多靚襪~
放工時間超多人!!!
點知搵黎搵去都唔見哥間賣襪既鋪頭…..淨係見到超大間既Uniqlo~~都幾多野買~~買左件褸同兩條短褲~不過可惜Uniqlo x Undercover要我地走左之後先有….失望…香港都有…不過我地唔會特登過去同人搶嘛
之前諗住呢晚係食牛繁烤肉既…..點知見我地酒店附近都有間係食烤肉放題….貪佢就腳….就諗住試下~
不過都唔平架…..成2950円=295hkd架…..係香港應該食到好好既烤肉啦….
都唔係話太多野食喎…..有d仲限你叫兩次同一款既野…..搞錯呀….仲唔包飲品….
叫到成檯都係….諗住無蝕底…..
點知….佢d烤肉唔好食囉…….肉既質地勁唔得呀…..勁多根……都唔知點切肉既!!我同你講：最好味係右手邊哥碟泡菜呀!!!我叫左兩次!!
每人只可叫兩次既馬肉刺身…..唔係唔好味..不過佢加左好多調味搞到我食唔到肉味…..
呢個內臟幾特別….第一：特別在個名—-牛的第一胃袋肉(佢有中交翻譯)…….第二：就係我0趙緊呢個牛的第一胃袋肉時…………….成間餐廳左搖右擺……擺得都唔細….呢個時候我成個人硬哂……定眼望住毛寶…..我問佢：係咪地震呀………..毛寶：係呀…………………..我見有個中國女侍應超驚個樣捉住隔離個同事…..於是我都好驚……….諗左好多野咁…….諗緊媽媽….同埋其中一樣….係咪要走呀??避去安全地方?咁呢餐咁難食我咪可以唔使俾錢??點知望去隔離位叔叔….好悠閒咁飲緊啤酒…….再望左望右….都無人走…….如是者…左右搖左六七秒度……終於都停左…….好驚呀!!!因為間野係5樓…我仲諗緊走哥時我咪有排跑??好驚呀…呢次係我第一次經歷既地震….我知可能好少事……但咁岩線個人係日本….個心真係好驚…..我認我膽小…….震完之後自己心理作用得好緊要….狂問毛寶：依家有無震呀…毛寶：依家無呀………………搞到我成餐飯無哂心機……….
但係之後我同毛寶講：不如我地叫個辣麵定定驚啦……哈哈…九唔搭八~於是…我記住….係我第一次食呢個特別部位—-牛的第一胃袋肉…..我經歷了我第一次地震!(其實牛的第一胃袋肉味道無野~都ok架~)….不過千祈唔好幫襯呢間野喇…一d都唔好味….我諗起香港盛八哥d仲好味…下次都係唔好貪就近….搵番牛繁食先得!!
睇睇第四日買左d咩~~有褸有恤衫有褲有鞋有野食~算係咁啦~~好喜歡波點的Garcons呀~~熊貓就係我係吉祥寺買既DIY羊毛顫公仔喇~~好得意~~不過仲未開始整~
er…..唔…..呀……………………..係呀….呢度只係一小部份既野……其實右手邊仲有一大堆呀…….今晚最後一晚要執野喇……….不過最後順利執好~多謝毛寶寶*3*~執到我個gip可以完美合上~唔使大力都可以輕易合上~thx~
仲有一樣野好正..就係住我地間酒店sunshine city prince hotel好好架….你攞佢條鎖匙出黎……係哥個nanja town好似免費入場…..而我地樓下商場某d商鋪買野都有折架~~我好似見到ABC Mart都有折架~~~都幾好喎~我都買左3件衫同一對鞋架~
好野~~好番就可以好好咁享受去台灣啦~~
又可以食好多熱氣野~~~
報時：距離台北吃吃吃之旅仲有—-3日~
報時：距離法國瑞士塵世美之旅仲有—-46日~
後日要執gip了~~
沒有留言:
張貼留言