2012-04-08
Day 3—-Part 3(台灣台北)買完糖村…係忠孝敦化哥頭行左陣~~行到有d攰攰地…..於是諗….不如提早去食飯~…..係去台灣之前兩個禮拜打電話黎訂既….叫胡同烤肉…..佢有幾間既…胡同係一號店….古月同係二號店….壺同係三號店….總其有5間~我地訂左一號店—-胡同….地址：台北市大安區敦化南路一段161巷17號…..網址：http://www.hutong.com.tw/……..係皮皮食過話好味介紹俾我既~~~上網睇過食評都唔錯~所以諗住同媽媽試下~
雖然係日式吧台燒肉…但裝修就有濃濃既中國風~
一眼望哂得咁多位架咋唔係好大…….左手邊仲有兩張可以坐到六人既台……無喇~所以…..爆………係有理由的~
而且有locker俾你擺隨身物品…等你食得舒服d~
我地訂七點半…不過太攰六點半到左….無有位佢安排我地坐係度等(最好啦~)….期間不停有無訂位既人入黎….得到既答覆係：要大約十點半到十一點先有位…….華…使唔使咁爆呀…好彩有訂位~期間佢不停同我地講：不好意思要再等一下下呀~(超kawaii聲)….勁有禮貌~仲俾定餐牌我地睇~可以俾大家參考一下下~~~其實你望落又唔算太貴既…d雞呀…豬呀………係牛就貴少少啦~
終於都有位坐喇~唔好講咁多~~黎杯梅酒同紫蘇酒先~~~超愛佢舊冰係一個圓球體~
梅酒好好味呀~~~
呢個真係不得不食呀….個名堂叫：蟹膏生干貝(NT220=59hkd)….即係帆立貝?帶子?上有生蟹膏…….華……….超好味呀~~~~~~~舊干貝超鮮甜~~~蟹膏食完有回甘….正到呀…個價錢唔貴丫~~~~於是食完之後…媽媽：麻煩再來一個~……真係好食得過份~
椒鹽霜降松阪豬(NT200=53.6hkd)….唔錯喎~唔怕鞋~
椒鹽杏鮑菇(NT120=32hkd)…..烤既秘訣係：唔使反面烤…只要你烤到佢一面有水出就食得~~~好味喎~~~~
澳洲和牛菲力(NT580=155.5hkd)….其實唔係咁少架…食咁幾粒先記起要影相~~~好有牛味呢~~~~
草蝦六隻(NT220=59hkd)…..正到癲囉~~真係好好味喎~~媽媽都忍唔住再來一客~
食第三客蝦既時候我自己唔小心係炭爐夾起佢時跌左落佢地張檯度…..我超驚講不好意思….點知佢話：無關係喇…………..仲要因為我無左隻蝦免費補左碟小花枝俾我….又係好好味囉~(等我試多樣野~但明明係我唔岩囉~)
呢度既特點係….你每燒幾塊肉…………佢就會換網~原因係佢地唔想你塊網太多黑色野影響第二d肉質….而且佢地會無咁難洗~
hehe~好難得既合照~
澳洲純種和牛厚切牛舌(NT680=182.3hkd)….呢個牛舌真係有d貴….不過….真係好正呀~~~~~~~一咬落去~d牛味除著肉汁散哂出黎~
其實佢地真係好忙囉…….吧台裏面做野….有人入黎或者走都要即刻樸出黎歡迎或恭送佢地走….落單….換網…..醃肉….上菜….幫客人睇下d燒肉……執台…..甚至洗野…..都係佢地係吧台入面做哂!!
頂級法式羊小排(NT120=32hkd)….呢個羊架….麻麻…..
味噌特選豬小排(NT160=43hkd)…呢個估唔到幾正喎~
之後因為佢唔記得幫我地睇火…..其中一舊豬有d燒焦左….仲有我又唔知跌舊唔知咩細肉既情況下……佢又補多左一小碟牛五花俾我地…..癲架…碟牛五花超好味!!!!
我諗真係一餐飯換左10幾次網都有~
就係呢個姐姐俾左好多野我地食~佢好好人~同我傾左好耐計~
呢兩碟就係送既牛五花同花枝喇~
胡同真係好好味呀~~~~~~~有機會我一定會再黎架~~不過價錢唔係平價烤肉黎架…..因為我地兩個人食都食左差唔多成1000hkd….不過我地真係食到好癲….又無睇價錢…好多野都係x2咁食~連酒都係x2~同埋胡同既烤肉係無醬料你點…..佢會幫你食之前輕輕醃一醃…..佢都係落d簡單調味…鹽呀胡椒之類~只會有d鹽巴同青檸俾你自己調味~係食d肉既原味~但你真係好正!!!而且全部人禮貌都好好~~印象非常之好~
食飽跟住就番左西門町….今日最後一個任務係：我要去買老天祿辣滷水鴨舌…..估唔到我地六點行過又係咁多人排隊……佢地臨收工之前又係咁多人排隊!!地址：台北市武昌街二段55號~~
痴線架我倆….食左咁多野….仲話要去食甜品!!!因為我地話去試下哥間噚日的士司機話台灣人唔食冰館d生果冰…係食楊記呢d古早味既冰!!地址：台北市萬華區漢口街二段38號……….就係我地住哥間萬事達旅店同一條街~
我叫左古早味既粟米花生冰……話實在粟米味係唔錯的…..毛寶一定鐘意食~花生就麻麻啦…..成個盤咁大!!!不過佢d冰你無味架…你食左一半又無哂料既情況下….就會無哂味~
媽媽超貪心….叫左紅豆粟米花生冰……真係超大個…..其實好多人都係叫一個兩個人分黎食…我地太貪心喇……….不過食左兩個咁大個加埋先40hkd~
同冰館兩種唔同既口味喎!!冰館(即依家既永康15)係少女味….牛奶生果冰….食到最底都有味……而楊記就古早味…….粟米味真係幾唔錯~但d冰就係淨冰囉……..味道黎講永康15嬴!!份量同價錢就古早味既楊記嬴~
最尾一日既戰利品~其實都唔係好多~飲冰室茶集個個都話好味…..我都無飲過~買番黎請公子飲咋~最叻買左兩本旅遊書囉~仲有粉紅粉藍色哥兩個糖村牛軋糖真係好好味呢~~
我要我既正能量~Mr.出場~想太多~(未睇過呢個版本~佢地個樣好搞笑~好舊呀~)
[youtube http://www.youtube.com/watch?v=erHDSEhnm4A&version=3&f=videos&app=youtube_gdata]承受過荒謬與幼稚藉口
沉默過之後 仍然繼續獨奏
像木偶 我總開不了口
想得太多 想得太多
可知我瑟縮在被窩
想得太多 失去了知覺 捉不到最初
若然忘掉我 用盡力去把你略過
若然情是錯 願從未愛過
若然懷念我 現在別再說當初
流星可信麼 怎相信因果
可知我偏偏想太多
自己在惹禍 避開你是折磨
好好記住我
噚日都唔記得講…
噚日朝早媽媽好早番左大陸….
朝早7點45分度無啦啦有人打黎屋企…
打第一次我唔理佢….佢響得超耐…
打第二次時我成個彈起….唔係媽媽有咩事下嘛..
於是即刻衝出去聽…
我：喂?
對方：……
我：喂!!!!!!!(喂得超大聲)
對方：呀…你係咪xxxx呀??
我：你講咩話?
對方：係咪得勝安記呀
我：(即時火起)….得!!!!!勝!!!!!安!!!!!記!!!!!!….唔係呀!!!!!!!!!!!妖!!!!!!!!!!!!!!!!
即刻吸佢線衝番上床再訓…….
我諗哥個野晨早俾我鬧到一面屁應該好不爽..
不過鬼叫你嘈醒我呀~
今日收到麥公子去台灣既手信呀~
有飯團有鳳梨酥有溫泉蛋~~
個飯團好好味呀~~
多謝呀~~~
今朝為了送薯餅給你…
我放棄了我最愛的早晨全餐~
你感動了嗎?
報時：距離法國瑞士塵世美之旅仲有—-23日~
報時：距離六公子出使韓國之旅仲有—-156日~
我可憐的星期三要過去了~
大家的星期三又是怎樣的呢?
沒有留言:
張貼留言