台北吃吃吃之旅2012-04-08第三天Part 1(陰天)

今個週末又係做左好多好多野……星期六：去路環橋記(又去~毛寶話鐘意去喎~)->去UA睇Titanic 3D(其實3D最勁既係佢d字幕~其他一d都唔強….不過呢套野真係經典中既經典~阿”jerk”同”撈時”….簡直係絕配~當年我仲好迷戀里安納豆架~不過之前我都係屋企睇…今次係真真正正第一次係戲院睇~所以…3D強唔強都無咩所謂~)->去高士德試新開拉麵->去左sky 21飲野……星期日：晨早11點去打壁球…受到體發局職員不禮貌對待…逼到我還拖!!->去咖哩屋食飯->去八佰伴買禮物同去參加小朋友生日會->同杯去唐吉訶德食飯->再去睇Mr.主演既起勢搖滾~~~~~~~~~



2012-04-08
Day 3—-Part 1(台灣台北)第三日既第一個節目就係安排左去食牛肉麵喇~本身諗住去永康牛肉麵的~不過好似好麻煩又要轉的士…..所以揀左呢間係一出台北車站捷運站附近既良品牛肉麵….地址：台北市開封街一段10號

呢間野攞過2007年台北國際牛肉麵節—-紅燒牛肉麵第二名~夠犀利喇卦~價錢都唔算太貴~牛肉麵都係NT110=30hkd一碗~

唔算太大既環境~

同媽媽叫左一碗清燉黃牛肉麵同埋紅燒牛肉麵~兩份~呢碗係清燉黃牛肉麵….好好味喎呢個~類似牛(月展)咁樣~唔怕鞋~湯亦好飲~

攞過第二名既紅燒牛肉麵…..我地反而覺得佢無清燉既咁出色喎~

值得提醒既係：佢呢度你唔出聲既話全部都係俾刀切麵你(刀削麵)…超粗的…..如果要幼麵要同佢講聲………我就係個都黎到先睇到餐牌咁寫……….輸哂…..不過我媽媽好鐘意刀削麵…所以佢無問題~



食飽飽之後就搭捷運….南港線向南港展覽館方向…..去到市政府站落車2號出口…上扶手電梯後轉右轉右再轉右(其實係圍住個捷運站行咋:])…直行經過W Hotel…就會見到台北101係你面前呢~~~~~~~~~(其實我知有免費巴士接駁~不過我都係鐘意一步一步慢慢接近台北101~~~)…經過誠品信義旗艦店…..呢個仲唔係最好既影相位??媽媽…老土姐…囉jer一人影一幅先啦~~~~

地址：台北市市府路45號~都算好喇~都係陰天je…好過落雨啦可?囉jer個衰仔好難對焦呀!



行近d~又影多張~

係捷運大約行10分鐘就會行到去101喇~~~~

我地今次決定做一次now仔~~~我之前去過台灣兩次….都無上過去…第一次因為太大雨……失去上去既動力….第二次無人提~第三次黎同媽媽…..媽媽係非常非常想上的~~~而我又未上過~好啦~同你上下啦~(其實我自己都想上的~)…..觀景台同售票處都係係5樓~

睇下佢幾開心~見佢咁想上~我請佢上架~睇下佢個V字幾姣~哈哈~

全票價格NT450=120.6hkd….可以上哂88…89…91樓~

係捷運站行去台北101時呢條友已經超心急…….依家行去搭(車立)又係咁…..行得超快…我影緊相時不停催我快d…..拿~有圖為證~:P

雖然好多人等(車立)上去…不過都算快…..點知部落(車立)仲快!!!!上到去89樓….只需37秒咋!!!!!快到…大約去到60幾樓既時候先開始有耳鳴感!!同埋部(車立)係定到你唔覺得自己上緊去架!!!

全部都係上左去89樓先既~一出到黎就見到台北101既吉祥物Damper Baby~

由89樓望出去既景色!!!!係咪第一次係咁高既建築物望出去呢???(我未過香港哥個天際100呀)…..望左出面好耐~~雖然我無乜畏高~不過都有d驚~

華~呢張相幾有少女味呀….倚窗遙望家鄉~哈哈~

連囉jer都好興奮咁左望望右望望~

人地Damper Baby諗住番入去休息…佢就係人地後面一手拖一隻跟住叫我影相!!!!笑死我~~~~

我地自己影台北101一定無咁靚囉~~~要同個假景合照下先~

其實我都好想倒數黎台北101睇咁靚既煙花~~不過我又好怕逼人喎~



我仲係呢度寄左好多封信俾人架~不過好可惜最後我有一張postcard收唔到呀…;[

唔怪得部(車立)咁快啦~~~原來係全球最快速架~~~

由於呢間野有某種飲品有買一送一~於是我地就坐低一陣喇…你睇呢個人幾搞野~

其實呢種飲品都幾奇怪喎……係…….芒果雪糕….溝…………你估下係咩???係台灣啤酒囉…..係咪古怪先……見買一送一咪試下囉~~~~雪糕加啤酒咁食就幾好食既….不過相反少少溶左既雪糕係啤酒度咁飲…我又覺得…好怪…..以~~~

大家如果真係好想試好古怪既野先好試!!





今日做到癲囉….成日對住d人既心情超差….
有個阿姨申到我行哂…….以我今日既心情…
梗係還以顏色……..
好彩最後小i請我同chlo仔食左個馬鴻記既蜜桃撻將成件事變番好~
多謝小i~



hehe~
我要講下噚晚去睇既起勢搖滾~
華~~~成套都係Mr.佢地做主角架~~
正~~
不過你要我平心而論講好無睇…
我會講佢係一套粉絲戲~
粉絲如我~我覺得幾好笑幾開心~
如果唔係粉絲….er….唔….呀……哈哈~
其實故事講佢地組Mr.之前d band仔奮鬥史~
到之後佢地真係成左名可以係紅館開演唱會~
仲有播到people sing for people個演唱會d歌!!!
黑色狂迷真係正到癲……
我超希望可以係戲院睇佢地既演唱會呀~~(但我係現場都睇過囉~)
睇完套戲..超熱血….
番屋企沖完涼….即刻開Mr.演唱會睇……好high~~~~
放首超鐘意既歌俾大家~~~alan po~~~~~~~~~~~~~~~~~
[youtube http://www.youtube.com/watch?v=CQdGgj6JTGI&version=3&f=videos&app=youtube_gdata]呢首歌叫”感動”~
成首歌有哂意境~
最愛：
當天際暗淡 人越掛念退色溫柔
黎明時候 擦掉眼淚卻是你手
回憶的抽屜 終給取替
讓那前塵流逝 告別那傷勢



報時：距離法國瑞士塵世美之旅仲有—-25日~
報時：距離六公子出使韓國之旅仲有—-158日~
點算呀…
仲未plan行程呀法國….
仲有三個禮拜多少少咋…………
點解咁懶既….