噚晚講到食漢堡包….食完漢堡包之後我地就沿住斜路一直上~一直上~毛寶話想影下相~因為行上少少好似有d係世遺景點~點呀點呀…張相有無feel呀~~
諗黎諗去龍嵩街一直上哥度叫咩名呢????上網睇到係咪叫崗頂前地???附近仲有個聖奧斯定教堂……再行去何東圖書館~呢間圖書館成日聽人講點靚點靚~呢間圖書館仲入左世遺既添~~~我真係係度住左廿幾年…第一次去…..超葡式建築物~靚靚~~毛寶小朋友~你等媽媽臭你放學嗎?
圖書館裏面仲有個花園的~好靚~係度睇書真係人都有氣質d靚女d~(明顯我地就無睇書淨係入去搞搞震啦~)
係圖書館出黎之後仲行去毛寶媽媽以前住既地方~很有味道呢~
華~呢輯相好0靚模呀…….d可樂樽~
世遺遊記外加送新年時年初十的相片~根據澳門慣例…新年例必有煙花爆仗檔~新年期間日日都好嘈~一到夜晚就會聽到好多煙花爆仗聲….都幾應聲~每逢初十就係爆仗檔最後營業日~好似直至過埋初十既凌晨兩點~……..到差唔多夜晚十二點….檔口就會開始大傾銷!!!!!因為d貨係危險品唔可以收藏……所以到最後一定割價~由於初十咁岩線係星期五~所以我地就去臭下熱鬧(我平時既心態係：燒煙花等如燒錢!!)…..呢堆野好似買左$100蚊~d滴滴金問佢賣幾多錢….問完我地狂講話貴…佢就執多幾紮俾我地…..之後我地話俾多紮啦….佢就叫我地….自己攞啦~其實我好驚囉…根本唔敢玩……所以都係買左小火箭哥d咋!!!
其實如果你有耐心等…..真係可以買到超平貨!!!今年第一年黎!!唔知訂…早左買~如果唔係100蚊一定買得更多~以前有人話100蚊一箱任執的!!
超危險….由於大傾銷超多人係度放煙花…其實唔係好夠空間!!!!!d人又狂買勁野燒!!!搞到兒童區都好似重型軍火區!!!真係超恐怖的!!!!!!!!
少女就該玩少女可以玩的東西~*3*………(其實我挺享受唔使我錢睇人地燒重型煙花的~新年你黎到澳門~大把人燒煙花過你睇~)
今日幫個外籍人士辦好手續後….
無啦啦佢同我講：thank you so much..you speak beautiful english~
我r哂頭….我d雞腸都beautiful?
佢問我中學讀邊….我答左佢之後..
佢做左個表情係：唔怪得啦…
不過我答佢：but i am in chinese section(因為我學校有分中英文部)
之後佢竟然話我：咁即係你好有語言天份…..
點解我學外語經常學到一pat屎咁?
唔……其實我同佢同哥d對白…
日日都係咁講…講黎講去都係哥句…
都練足八年架喇……..
wakakkakakak~但都多謝佢既讚美(起碼唔係鬧我先~)
唔知大家有無睇巴不得媽媽呢?
我有睇~
平時唔太特別鐘意羅仲謙…
呢套劇佢既脂粉味仲好重…..
噚晚睇哥集…
講佢同黃智雯哥段…….覺得好鬼sweet添~
自己仲邪笑左幾下~
死喇…我一定係痴左線…………………….
準備好架喇~準備好架喇~
明天出叮噹blog喇~
敬請關注*3*~
幾唔開心都好~
媽媽買左鹵水鵝翼俾我~
幾大都嘆左先~:]
報時：距離六公子出使韓國之旅仲有—-22日~
報時：距離東歐六國文化之旅仲有—-39日~
弊了….剩番一個月多少少咋…就去東歐…即係我要快快準備係巴黎d資料喇….
驚驚~
沒有留言:
張貼留言