2012年9月21日 星期五

化妝班---個人基本化妝(第800篇blog喇~可喜可賀~)

雖然今日起身都有頭暈暈~不過都有番工~好彩唔算特別十分多野做~~~~安安全全過左一日~多謝~星期五了~今晚既慶祝週末節目就係去葡京不夜天食自助餐為契媽預祝生日~~~又可以血吃了~~我要食好多野~~:自~(今日見到毛寶佢話我瘦左呀..好陰公~~所以要食番多d野先~~~~有好大藉口~~~~~)由於今晚出去食飯….提早出blog等大家有多d時間笑我呀~~今日哥篇blog慢慢笑我啦;[……….記住唔準笑太大聲呀;[….嬲嬲:目…今晚番黎先覆大家留言同埋去大家既blog~



好喇~以下係我學既四堂化妝班既成果…不過提醒下大家~細膽的人請勿向下看喇~因為有幾張素顏到咩都無既相……嚇親你我唔會負責的….如是者…..睇完覺得唔好睇可以笑….但唔準笑得咁大聲呀下…..我會喊架…因為我鼓起120分吃奶的勇氣才post出來的~………………今次呢個班既導師叫Ceci Lei~即係幫杯杯結婚化靚靚妝既朋友仔~本身$2000四堂……早報名有八折$1600四堂…教個人基本化妝……我都鼓起很大的勇氣才報的….你知我平時個人幾姑寒啦~本身話頭廿名報名既先有一套掃送(我地係廿名外~)……但上第一堂時Ceci話多謝大家的支持~所以就第一批上堂的都有得送~好野~齊哂架生開始了~



我另外同四個妹妹一齊上…有:貞…朗…芝…翠絲~我地哥班一共九人~依家細膽唔睇仲黎得切架~~~~~~~~



第一堂:
教基本上妝技巧~華~超素顏照…….我自己都嚇一嚇~其實我塊面都有好多缺點….包括:特大黑眼圈…大細眼(一隻內雙眼皮一隻外雙眼皮….所以睇落一大一細….超醜….我隻左眼…即係你地望既右邊眼細d架~)…眉毛淺色…暗瘡印…無數小雀班~




說來真尷尬….第一堂老師找我做model…..話化好底妝….我問:咁你幫我化左我陣間咪無得玩囉??…..Ceci:唔會~我只會幫你化一半…..另一半留番你自己玩~……………….下….就係咁…….我變左鴛鴦面………..當佢地係我右邊時…..狂話:你上左妝變得好滑溜呀~….我一望過去:真既?!?!?!:)….佢地即話:你拎番個頭去哥邊先啦…….wakakakakkaka….老師幫我化左我既右邊面~睇下係咪差好遠~wakakak~我自己都忍唔住笑~~~條唇又淨係化左下唇~~~~~~~~


唔係講笑…呢張我自己都覺得好好笑~



然後就到自己試玩喇~~~~咪睇就咁無咩野….其實都做左好多野~1.查護膚品啦…2.查Base…3.粉底…4.為眼袋調色…5.上遮瑕…6.底妝上好查碎粉定妝…7.畫眉…8.胭脂…9.打陰影(塊面真係瘦d架~~)…10.high light眼頭……………..好似化一個妝好簡單…..但做到足就已經有10個步驟~

我的右邊面就老師化既….左邊就我自己化…..咁梗係老師化得好睇d啦~第一堂就係熱鬧聲中結束~



第二堂:很有heart的戴了大眼con黎上堂~(因為今堂化smoky eye….如果唔戴con又唔帶眼鏡我應該咩都睇唔到~)




很乖的自己先上好底妝~




上好底妝跟住就聽化smoky eye既理論~聽完睇示範……跟住再黎實踐……..睇永遠比做既容易~很難才搞掂~不過開眼的時候不太明顯呢~

之後仲痴埋假睫毛呢~~~~~~~~~~~~~~~一整條的……痴在眼線上…..第一次認真地痴~痴到離哂罩~~~~~~~~~~~~~~~~~~~~~(即沒有緊貼眼線~飛哂出黎~~)…..自己都笑左超耐~~



假睫毛離罩~所以要離遠影呢~~~一直都想知自己痴左假睫毛同化濃妝係咩樣……原來就係咁既樣~(個髮型超衰搵野吸吸佢~)…..就係呢張相俾人話我似某女星~(我唔會開估的~)

好似幾白白淨喎~靚女~



貞和翠絲~睇到佢地隻眼我覺得好似化得唔係好夠明顯呢~


講真…..條假睫毛痴係度真係好”銀”眼…好唔舒服…好怪….



第三堂:唔俾素顏相嚇你地喇~上好底妝~




今次係教化長眼尾呢~可見我的眼尾有少少眼影~同埋畫了眼線呢~~~~~~




今次沒有痴整條假睫毛~只痴半條在眼尾~咁樣易d痴喎~同埋今次我幫條假睫毛修剪過好睇d自然d~~~點呀~人家隻眼仔有無大到呀~

今堂沒戴con….無帶眼鏡影相隻眼有d離罩~



跟平時的廁所自拍照個樣有d不同吧




第四堂:好喇~~~最後一堂~無新野教~係將自己之前學過既野自己化一次….老師再個別指點~乖乖先上好底妝~很白很滑呢小姐~




heheheh~朗~識佢同識我既人應該估到呢張相佢哥日發生咩事~~~~我都唔算出賣你呀可~




老師說我比較適合化第三堂化長眼尾哥隻妝~於是上好底妝後就主力畫眼尾的眼影今次我有落重料化深色左架喇~~~

之後痴埋半條假眼睫毛~執四正d~



完成~~好看嗎????有進步嗎??????我已經用眼影將我隻左眼眼窩位畫高….等佢睇起黎同我右眼平衡d……不過我的左眼還是有看到比較小…




各位女仔的完成品~(好可惜朗有事走先~睇唔到佢既終極完成品~)




大家都很美~~~



最後來一張全班大合照~Ceci就係著黑色蘇蘇衫哥個女仔喇~(可惜無朗在~)




最後最後….老師針對我的大細眼…..幫埋我痴雙眼皮膠紙~(淨痴一隻眼)…..痴左之後係咪立即唔怕大細眼呀???好神奇呀~我的左眼….終於跟我的右眼一樣大了~不過化哂成個妝之後…..我都有d覺得同原來既自己有d唔似樣喎~




總結:1.化妝真係一門唔簡單既學問…..其實最尾一堂….我地由七點半上堂….直至十一點半……..2.真心佩服痴兩三條假睫毛的女生….因為痴一條既我已經覺得頂唔順…..3.唔怪得d明星要化咁濃既妝上鏡~因為我現場睇以為好濃….影出黎又唔夠濃喎~神奇~……4.就算男生說女生化濃妝欺騙你…….其實…..都要花好多心思架~~哈哈~……我自問….無力氣….每次出街都搞咁多~……所以…..望多幾眼…呢個樣…..應該暫時都好難再出現~唯有落妝前影多幾張相留念~

要和這個女孩說再見了~bye~





今日係第800篇blog了~
對於我呢d三分鐘熱度又懶既人黎講~
800篇真不簡單~
包含左我呢四年多發生既事~
有喜有怒有傷心~
這也是我的成長過程~
多謝路上也有大家的支持和參與*3*



喂喂喂….
聽晚有一億金多寶六合彩呀~~~
星期一我無寫blog就知咩事喇~~~
wakakkkaka~
中左既話好想去環遊世界呀~~~~
玩玩玩~



報時:距離六公子出使韓國之旅仲有—-7日~
報時:距離東歐六國文化之旅仲有—-24日~
原來韓國都放中秋節假架…
仲要中秋節前一日…中秋節正日…中秋節後一日都放..
咁點算呀????休哂息我點買野呀?????help~

沒有留言:

張貼留言