拉麵小路

今日既狀態非常麻麻…….頭痛到發癲…..嘔到反下反下…..暈到起身既力都無….去醫院睇醫生….番屋企食左藥……又嘔……訓左陣…都係暈….又再嘔…再食藥…….講完



呢排都係又拉麵又漢堡包咁~無計…年頭哥期就係開呢d鋪頭….又黎到另一間人氣店鋪…..紅窗門行上去既哥間拉麵店….叫拉麵小路…..我地六點幾去….唔使等位…一食完門口外就已經有人龍

餐牌…就淨係得呢幾樣野咋…..都好~專注d做一樣野仲好味~

我叫左豚骨特製醬油拉麵$45…..唔………………..無咩特別je….邊個吹到咁大話好好味架…

毛寶點了豚骨蕃茄拉麵$50….唔….拉麵..同蕃茄…唔……….好似唔夾喎~叉燒….又厚又鞋……..

收我$50一碗麵蛋都無隻…要自己另叫….叫秘製醬油半熟蛋1隻$6………唔見得有醬油味….而半熟程度好一般…..好似掌握得唔係幾好喎….個黃熟熟地喇喎…

仲有叫到個自家製煎餃子(6隻)$32….一黎到個樣幾得意….點知食落……………唔好味….未食過日式餃子會唔好味…但真係食到…………………………………………………

呢度坐又坐得唔舒服….食又唔係特別好食(聽講係日本師傅整架喎)……..仲要排隊…….絕!對!無!下!次!……如果我有七折食飛我就一定去財神拉麵食…….折左70幾蚊碗好味又坐得舒服….呢度鋪頭仔又賣成50蚊碗…………咪搞我~





報時：距離六公子出使韓國之旅仲有—-3日~
報時：距離東歐六國文化之旅仲有—-20日~
我會嘗試今晚打開個gip….
打開咋…無話執野落去呀~~