2012-08-25
Part 2(香港)上到3樓LCX搵叮噹cafe……就係博洛尼亞cafe…..應該同官方合辦叮噹cafe的…呢個活動完左之後就會無…………之前好失望影唔到隨意門既~~~呢度都有一對啦~~~~~~~~~~~~唔使排隊添呀~~~~~~~有邊個唔想要一對隨意門呀…..有左隨意門…番工唔會遲到….去旅行唔使買機票…..想去邊度就去邊……岩岩放工去法國食番個海鮮盤做晚餐又得~或者週末去加勒比海曬太陽游下水渡小週末又得~我問毛寶:如果有隨意門買你想唔想買??…毛寶:想啦梗係…賣幾錢???…我:十萬!!…..毛寶:唔係呀??咁平?買呀!!!………..係啦…我係咪定價太低?我好鐘意呢張相呀~~~~毛寶影得真係好呀~~~~影得人家腿瘦瘦又白又滑溜溜咁~你地要幫我平反呀!!!!!前幾日先有人話我條腿粗到阿媽都唔認得呀!!!!!
噢~原來咁易搵到~~~點知我地十一點三去到…..佢係十二點先開……諗住走架喇….落左電梯…….我:唉…好得意呀….d套餐好靚呀…好想食呀…..嗚嗚……………….真係…咁可憐既小朋友係人都唔捨得唔俾佢食啦(其實係俾佢煩死~)….於是毛寶話陪我等佢45分鐘~~~~~(45分鐘我知香港blog友會話平時去食野都係等差唔多….但對我於我黎講好多啦~因為我極無耐性~~~)…….早45分鐘去都係排第7……..之後越黎越多人排……臨開門前已經捲左三..四個蛇餅喇….如果唔係第一批既人可以入到去…我相信第二批要再等多一個鐘…..
同cafe呢隻叮噹影相少人d喎~~~~
等左45分鐘終於入到去喇~入到去見到咁多叮噹樣都覺得開心心~
一坐低~見到張墊檯既餐紙都好靚呀~~~不過餐廳已經寫明:每人只限一張餐紙~~~搞到我地收埋張餐紙~無餐紙墊住食野~~~~
真係好想要100呢個眼鏡呀~~~~~~
俾大家睇下有咩餐食啦~~~~第一樣吸引我黎食既….其實係杯咖啡~~~因為有叮噹樣的~~~~~$45一杯~唔算太貴啦~有Cappuccino同Cafe Latte揀~我地係想揀一個叮噹一個……技安的(對!!!!!其實我地都好愛技安!!!!技安絕對係靚仔!!!!!)……點知佢話:咖啡個樣無得揀架…係隨機的!!!…………天呀…..我絕對擔心我抽中阿福搭靜宜那樣的9唔搭8……..我地叫左一凍一熱…..因為熱既影相好似靚d~
你地估下我地抽中邊個卡通人物先啦~~~~~~
我地兩個人係被安排坐哥d一字排開好多人一齊坐哥d檯~不過無所謂~~因為~~~有超靚的海景睇呢~~~~~~~cafe都有咁大個海景睇~難得~
我的來了~我的是Hot Cafe Latte~~抽中了叮噹噹~~~~~~~~~~~~~~~~~~~~~~~幸運的t~睇叮噹幾開心咁對住我笑~~~~~~~
毛寶選了Iced Cappuccino~華~~~抽中了大雄呀~~我地抽中一對活寶~~~~~~
我地兩個都抽唔到技安都幾失望的…….
我:如果隔離哥對情侶抽中技安…我會where爛塊面求佢俾我影張相!
毛寶:人地個女朋友係隔離喎…你唔驚個女仔呷醋呀?
我:唔驚~我望住個女仔問女仔借咪得囉~~~(挺不要臉~)
真係好開心呢~~~好靚呢~~~~影左一千萬張相先捨得飲~~
假享受~我完全唔識欣賞咖啡~只為影張靚相咋~如果要飲咖啡…我都一定揀凍的…熱既我飲完會出汗…失眠…食慾下降(咁減肥又幾好喎~)………聞落有d反胃~(因為佢地個樣用玉桂粉整出黎…)………我又想讚自己~咁睇d睫毛又幾長喎~~~~(其實係因為查左睫毛液~~wakaka~)毛寶你真係識影相~
我地揀左個多啦A夢意粉餐$128…好靚呀~~~~~~~~要了明太子意粉……意粉味道ok~不過乾左d~
其實叫呢個餐係為左:一塊記憶麵包呢~~~~~~~~雖然知道係搵笨架喇~~~不過一句兒時回憶~我就乖乖的等了45分鐘來吃記憶麵包~~但味道是不太好吃的~
天呀!!!!!!!!!!!!!!!我偷睇到隔離對母女叫的咖啡正是技安呀!!!!!!!!!我鼓起我的勇氣提出詢問….好明顯睇到阿女俾我嚇親窒左一窒~不過見我有叮噹就即刻話交換黎影啦~~你睇下技安靚仔到~~~~~~~~~~~~~~~~~~~~~~~完全帥氣~
另外一個餐要左多啦A夢漢堡飽餐$128~呢個都不錯吃~雞蛋係流心蛋~整穿佢同漢堡一齊食好好味呢~薯條好吃~
食飽飽就見到隻碟既圖案喇~~~博洛尼亞cafe有售~不過太重~唔想拎~
兩個餐都有送既Tiramisu~但很難吃~毛寶竟然可以將佢食哂~
仲係佢個紀念品檔仔買左兩set postcard呢($60一set)~佢寫明係慈善嘛~仲唔買(自己想買又賴~)….決定左下次去日本每次幾一兩張咁寄番黎澳門~~~~
隻鞋既顏色同叮噹很配呢~
食飽飽就走喇~點幾鐘……好似多人番喎~好彩已經睇完~
之後就行左一系列既地方啦~咩the one呀之類之類~第一次行香港的forever 21~果然又大又好行喎~毛寶買個不亦樂乎~咁梗係要行下誠品啦~新開呀嘛~雖然佢都有三層~但都好似台灣大d~同埋實在實在太多人…都唔可以好好咁睇書…….諗住去睇下d旅遊書~不過好似無台灣咁多~驚喜係:佢裏面有天仁茗茶喎~…..不過超級超級的多人排隊~無買lu~有無人話我知香港的係咪同台灣的一樣好飲??但真係好多人…加上佢哥間商場有間A & F….你知啦…最近A & F有幾多半裸男先得架…..成間商場俾呢兩間野搞水泄不通~
有人問過我想唔想同排隊同半裸男影相?!?!?!我答梗係唔想啦…..佢又唔係布志綸~
去誠品最想睇既書係一堆兒童區既立體書~
行左足足十個鐘呀呢日攰到癲…..加上著住叮噹鞋….係唔適宜行街的…對腳超痛…很有想當年去日本旅行日行十個鐘那火燒腳的感覺~
夜晚只簡單的吃了碼頭的元氣壽司~(唔好笑我呀~其實我幾鐘意食元氣的~價錢平~刺身都算ok~一直唔明點解佢可以以呢個價錢有呢個質素~)兩個鄉里好似第一次食壽司~荒死蝕底~最底哥行右二哥隻唔知咩蝦簡直係我係呢間鋪既飛佛~又平又正~仲有其他野食…每人都係$150度~好滿足~
呢個乜乜冷豆腐都好好味~鐘意佢個醬~又鐘意佢夠滑~:-]
哥晚超早搭八點九船番澳門~番到去仲有巴士番屋企先夠開心~(如果過左12點要等超耐的士)…番到屋企先十點~仲早過平時星期六出街食飯~好開心呀~因為好耐無過香港行街喇~都買左少少野既~因為今年去太多旅行~所以過香港要就住就住過啦~
頭先所講既精彩下場….
其實我地都猶豫左好耐唔知去唔去好~
因為怕好怪~
同埋驚唔知個場係點…..
之後話唔會既飲野哥d je既情況下……
所以就去下….
點知一去到MGM個Lion’s bar….
擺明就係要un住入去哥d場………………………
流哂汗………….(因為我平時無去開…加上哥晚既衣著成個土佬咁…..)
不過見到三位韓籍的帥哥~就值得了~~
wakakkakakakkaka~
重點是:金毛的韓籍帥哥出生年份為………………1994年…
足足大佢十年~~~~~~~~~~~~~~~~~~~年輕可愛的弟弟
(其實唔算十分靚仔…不過佢精彩既表演同佢既才藝加埋十分頂瓜瓜~所以也可稱為帥哥~)
原來之前佢係澳門有開班教beatbox~~~
如果有得學我一定去學~~~~(如果我識都幾有型~)
話唔定有得同Mr. jam番首歌~~~~~~~~
不過番屋企哥時既扯火位為成晚美中不足既地方….
今日收到fingi個女小青蛙既生日邀請…
上面寫住:Auntie t…………….
報時:距離六公子出使韓國之旅仲有—-18日~
報時:距離東歐六國文化之旅仲有—-35日~
點算呀….我咩都未準備好咋…………..
沒有留言:
張貼留言