來自北海道的帆立貝

噚晚訓覺前頭又有點痛….於是食粒藥訓…..夢裏面不停見到公司的人和事…….訓醒頭越黎越痛……嘔吐….反胃…………換衫睇醫生…..上到山頂都幾多人…..但又唔算等左太耐….大約35分鐘睇完……攞藥等左15分鐘度….一個鐘都唔使就走得….呢個時間上去都咁快算係咁~今次係女醫生睇我…..由於之前聽到太多有關急診某女醫生點衰點衰…所以佢叫我名入去時聽到係女聲…當堂嚇一嚇….好彩都無咩野…..不過佢不停問我…訓得好唔好…係咪有壓力……..話偏頭痛好難斷尾………開左d訓覺藥同埋咩咩循環藥俾我….係屋企食野訓左陣覺…..不過此刻我寫blog時仍有隱隱痛……又想作嘔作嘔狀……..



有時放工很氣餒的話~不妨吃點好吃的~獎勵獎勵自己一下下囉~~~~~~唔知幾時先再食到好似手掌咁大粒既北海道帆立貝呢~~~~~~~~~~很鮮甜~~~~很好吃~~~~~

如果我呢個禮拜放工咁氣餒都有得食就好了





今日係醫院既藥房攞藥時….
就算顯示屏顯示左自己個號碼…
都要排隊一個個攞(因為有時幾個號碼一齊出)
排到我時….我之前哥個有一堆藥…
藥劑師解答佢點用點用…要等一陣都好正常..
點知突然有個男人係我後面衝前俾個號碼俾藥劑師…
我以為佢有咩事…點知佢都係攞藥個藥劑師仲俾藥佢..
火都黎….咁擺明尖我隊je!!!
我：(超大聲)呀先生…你做咩尖我隊攞藥呀?
藥劑師：下?!乜你尖隊架?(可惜佢已經俾左d藥佢)
叔：無人你又唔行前攞藥??
我：無人????成大個人係我面前問緊野喎…咁都叫無人?
叔：我點知你排緊隊攞藥呀??
我：(望望後面)咁都叫睇唔到呀??你前面有兩個人喎…你都好無禮貌下喎…
叔：都無人攞….
之後攞完阿叔都係差唔多時間出藥房門口…
我超前佢怒啤佢…
我：尖隊仲要聲大夾惡無禮貌到死….唔!知!醜!
大佬呀…尖隊咪認左佢囉…
我係卓悅買野俾自由人尖隊…
鬧完佢都識得”堆bu似”樣衰衰走番去後面啦…
況且你認左佢都無衰…藥都攞埋..
係都要死撐….又唔係叫你讓d婦孺..
大家都規規矩矩排隊…點解你唔盡下公民義務?
真係唔好尖我隊….我係會毫不留情大聲鬧你!!!
其實唔知係咪基於我星座係天秤座….
樣樣事都希望公平….(或者有點斤斤計較?;[)
但其實呢個世界又有幾多公平既野?
有人唔使點努力做野得過且過就一天….
少做少錯….多做多錯….
我都成日做錯野…..
咁唔通我力求少d做錯就做少d野?
唯有盡力小心咁做……..
但對住厄運???難道我只可以忍受?;[;[;[;[;[
或是與你鬥賴皮??我又做唔出…..
雖然頭痛…仍然不吐不快…我知我有點固執;[



唔知大家有無留意左面的統計資料??
呢篇係第799篇blog~
明天就是第800篇blog~
為左慶祝~
聽日我會post我之前學化妝既相出黎作為慶祝~
都幾惹笑~記得黎睇~



報時：距離六公子出使韓國之旅仲有—-8日~
報時：距離東歐六國文化之旅仲有—-25日~
我要開始執行李了嗎?;]
媽媽落柯打話佢要護膚品!!遵命!!