貞貞生日會2012

今天的天氣又有點乾乾的~幾好~左邊腳唔怕痛喇今日…..不過又有少少頭痛~很醒目地訓醒晏教食左藥先番工~番工時精神番少少~不過胃口有點反下反下~今日我地counter既爛gag王係北區番左黎一日~增添了一點點歡樂~也沾到佢一點點的喜悅~因為佢就快做爸爸囉~好鄧佢開心~;D

為了慶祝我地的貞公子大壽~我地一齊去食MGM酒店的盛事自助餐~(其實係貞貞自己話想食的~)

環境都幾唔錯的~話哂五星級酒店嘛~本身俾左長方形檯我地…係我地要求下換了圓形檯~因為可以方便公子吟詩作對~可惜呢次生日聚會杯杯無出席~因為佢哥時岩岩有了BB~潛緊水~我諗我今年生日會杯杯都出席唔到~因為小公子就黎出世喇~~~~~~~

MGM都有d不錯吃的生蠔~~~~~因為太多人攞所以其行到埋去攞都係等個廚師開~都算係即開生蠔~真係幾好味~~超鮮甜~個人黎講好憎食大大隻哥d美國生蠔~反而超喜歡食細細隻哥d法國呀澳洲呀哥d生蠔~呢次…..(咳咳)….我食左”33”隻………………………..

我當時仲講：其實仲可以食…不過想留番d進步空間俾下一次~…….不過食過呢次之後就無再超越喇….因為之前睇新聞話有個野食生蠔食得太多引致急性腎衰竭~~好驚!!



最喜歡佢個火腿檔~~~吸引~~~佢d風乾火腿真係唔錯的~~次次都食好多~

刺身一般~未見特別大驚喜~開業初期聽小i講話有帆立貝刺身架!!!不過無左好耐~

發癲的~呢日發現有龍蝦添呀!!!!!!!!!!!!!!!!!!!!!!!不過有d鞋~

我挺喜歡吃這個叫churros西班牙油炸鬼既物體~呢度竟然有得吃~以往係試過係美國或者去日本樂園玩既時候先有得食~~~好開心~(其實係樂園食會增加歡樂的氣氛~仲有焦糖爆谷~)

其他甜品一般般啦~



除左生蠔之外呢度最不錯吃仲最吸引既就係佢地既雪糕櫃~~~~~~~~款又多~~味又夠新鮮~~~~~仲要好好味添~~唔係牛奶雪糕~~~應該係gelato哥隻~~~~所以食得多唔漏呢~~~襯雪糕既配料都一大堆~~~~小朋友實開心~~~佢d咁不錯吃既雪糕唔知係咪自家制呢????我地每人都食左好幾個呢~~~~~雪糕櫃賣相靚到咁~~好似行左入雪糕鋪頭~

呢日我猛吃薑味綠茶味同乳酸味~~~~其實我好老餅…我幾鐘意食薑味既野…呢度既薑味雪糕真係一級棒!!!



我地本身諗住買生日蛋糕的…不過諗諗下…..唔係呀…呢度咪有無窮無盡既蛋糕甜品囉…使咩買呀???於是我負責引開貞公子……毛寶整左個咁靚既生日蛋糕~~~都幾獨一無二架~

六公子帥氣大合照~~



保佑乖乖許的願要實現呢:-]

飲勝~~~~生日快樂呀~~~~~~

mina仔好乖呢~專登買左生日禮物拜託我食飯時送給貞~很窩心~

公子們放的Marc Jacobs耳環很可愛呢~

由於毛寶和我都資金不足….於是也是手製生日禮物~~用紙黏土整左個兜兜~仲有個可愛鎖匙扣~~~~~~~

我既就係前一日講既手製生日卡啦~希望你喜歡啦~

好似加埋一每人差唔多$300~如果問我星際好味d定MGM好味d….各有各好~星際平d….200幾蚊…生蠔好吃….但其他熟食不值一提…係齋食生蠔既好去處~MGM就多d野食..但貴d啦~睇你想食d咩~



MGM有一個有好多植物同不定期裝飾既廣場~係少女們影相既熱點~

希望貞貞和家人身體健康~永遠都幸福快樂*3*

今日收到小禮物呢~~~

毛寶豬親手雕左我個樣既卡通圖章呢~~~
很可愛~~~~~
你對藝術真係好有天份~令我甘拜下風~
你弄的小手工….就是帥~(你二姊都係~)
你地整既野全是有型或可愛風~
基本上你兩個一出手…..少女實冧~
如果我如此有材….我會去開鋪頭~
或者網上賣手工藝~
毛寶唔做有關藝術既工作…真係有d浪費了你~
預告：遲下post我地上雕印章堂時既實況+毛寶豬送我的小手工~
但不知何年何月何日~(這不知是什麼屁預告:P)



報時：距離六公子出使韓國之旅仲有—-1日~
報時：距離東歐六國文化之旅仲有—-18日~
番埋聽日工咋~~~~好緊張呀~~~~~~~~要加油~
仲開心既係：10月2日去完旅行….
番到黎好夜……第朝仲要番工…
仲要番早…..
點知噚日政府出埋公報….
因為中秋節同國慶重疊……
所以……10月3日補假一天~~~~~~~~~~~~~~~~
好開心呀~~~澳門要放五天連假喇~~~~~~~
特首萬歲~~~~~~~~~~~~~~~~~~~~~