法國瑞士塵世美之旅2012-05-22第四天Part 4(陰天及後轉晴)

華~天都很愛我們~星期五仲唔開心緊打風~點知澳門凌晨三點掛八號…..六點就走左~到左朝早9點就全部風球除下~夠哂神奇~~~星期六中午去左食好耐無食既永安~新寵係匈牙利牛肉米粉~~正呀~~~仲有最愛既煎蛋多……跟住學ukulele~學完就去左venetian行街…….好唔乖咁係pull & bear買左650蚊減價衫(見減價先買咋~)…….連LINKS都減價…唔小心咁買左兩個減價charm………720拜拜~~~行一行咁就唔見錢……下次小心d先得~夜晚係UA終於睇左車手~好睇~星期日終於食到聯記~雞腳墨魚丸撈米…仲有佢d辣油~正~跟住訓左成個下晝晏覺….正到~(諗起星期五買左五包零食唔知做咩~)……….過左個開心週末..就係為左迎接死亡的7月2日來臨~~~~~~因為香港補假…預左多野做…..今日中午ot….只可以食半個鐘…..可惜好遲籌….飯食到一半….就被老細急call出去開機….由九點十番工到六點半收工….食飯只係休息左20分鐘……真係攰死人囉~



2012-05-22
Day 4—-Part 4(法國巴黎)食飽飽一行出黎~就會見到凱旋門(L’Arc de Triomphe)囉~~~~由於好難影到佢既正面….於是我地就用一個好危險既方法….就係一個個馬路燈位等….等d車停紅綠燈…我地就企係馬路正中間影喇~~~~~可惜在無藍天…..呢個時候放少少咁多陽光…..一陣又陰天過~好想影到藍天的凱旋門呀!!!!!

話實在…我地大大話話都係條馬路度等車停影相都等左6…7次….不過好危險架~小心d呀要~~不過個角度真係唔錯的~

跟住我地就行近d…..凱旋門其實係一個迴旋處超級多車行…所以做唔到我地頭先企係馬路正中影的效果喇~不過近d睇又覺得靚d~

我地見到有香港既旅行團….佢叫我地幫佢地影相….我相信毛寶幫佢地影得好靚的…到佢地幫我地影時….就係咁………………………

又斜…又遮哂大半個凱旋門….應該唔關我肥事卦…



都係自拍算了~

無得過馬路行過去….要行一條隨道過去的~

上面刻有跟住拿破崙打仗哥d將軍既名…

仲有歌頌拿破崙既雕刻

仲有一個長年不滅…紀念大戰中死難士兵既火炬

原來Paris Museum Pass係可以包埋上凱旋門架~~~~太興奮了~~~~~~當時天真的我以為係好似巴黎鐵塔咁會有(車立)搭…..點知………………………………………行樓梯都唔緊要….係要行一d超窄轉超多彎既小梯級…不停轉不停轉….頭都暈埋….出哂汗…..停左好多次要抖下…..我都唔知係行左幾多層樓….我淨係知上到去….超口渴!!!!一直心諗….上到應該有鋪頭賣好冰凍既水既~~~~~點知….係完全無….如果我係凱旋門頂擺檔賣水…..應該幾好搵….

網址：www.monum.fr/m_arc/indexa.dml

不過上到黎~又真係幾靚既~有少少大風~

華華華~仲見到個美人兒呀~~哈哈~咁就見到佢一面~

見到頭先食飯既香榭麗榭大道(Avenue des Champs Elysees)~如果係晴天影一定爆靚~

臨走再望佢一眼…..心裏暗暗希望：如果去巴黎鐵塔哥日係晴天就好喇….

凱旋門的小模型~kawaii~(我講緊我地兩個~:])

上面有間official既souvenir shop~裏面既野幾過癮的~可以睇下~~~仲有d凱旋門既吊墜….好靚架….其實又唔係話好貴…不過我驚使哂錢去瑞士無錢使….所以就無買…..如果有機會再去我會買…..因為我幾鐘意~~~好可愛的~

落番黎終於頂唔順……見到有間cafe…有沙冰賣…即刻衝過去坐低飲……

真係超口渴囉…..忍唔住…….買左杯青蘋果味沙冰同一支水降降溫……….呢杯野好勁….飲極都飲唔哂…..飲到最底仲係好有味~(以前細個飲哥d成日未飲到底就已經無乜味…)…..點解呀….點解你自己整左個咁可愛既熊仔咀我無架?

可能我已經夠哂可愛啦~~~~~~~~~~~呢度又係可以對住凱旋門飲野的~:]





今日已經7月2日…
即係2012已經過左一半…
係咪要做下中期檢討??
到底做左d咩又無做d咩??
只係知道上半年過得開開心心~
足夠~



華……
噚晚我的起心肝…
要入Mr.的狂迷會~
不過…..遇到好多的挫折….
搞左好耐(其實係一d電腦上既問題…)
表就遞左喇(仲要係搵人幫我遞..無面..)….幾時先正式入會呢?



估唔到入個歌迷會都會咁煩….
煩完之後好放心行去食薯片睇電視…
一路食一路睇J2(星期日晚11點半)既深夜食堂….
之前睇漫畫睇到停唔到手….
真人版電視劇都好好睇充滿人情味~
噚晚哥集係講牛油飯….平民化美食!!
值得再追睇!!!我都好想有呢類型既深夜食堂開係澳門呀~



報時：距離六公子出使韓國之旅仲有—-89日~
好想快一點去旅行~
暑假太累人了…..