2012年7月6日 星期五

法國瑞士塵世美之旅2012-05-23第五天Part 1(多雲後轉大晴天)

哈哈~懶左兩日無寫blog~有無人掛住我呢~~星期三去左打波~噚晚姑媽生日….出左去食飯~加上放工個頭爆痛!!!(好彩今日好番~)所以無咩心機開電腦…….終於黎到開心既星期五~今日如常…做到癲……做到差唔多收工….我同某位同事講:我頭先做到想嘔(唔係講笑哥d..係真係反胃…)….佢答番我:我頭先都做到想喊……………………..其實我都唔係完全唔鐘意坐counter既….有時見到d客既反應…對答….真係笑到你標眼水……..只係咁樣追籌法……真係好辛苦好大壓力…..而且太多野做我精神唔好咁好自然服務既質素都會下降…d客見到我地做得攰樣衰衰又以為我地無禮貌……然後又起勢串我地…..其實都係一個惡果….惡性循環哥類…….不過往往只會認為做得多就代表好……其實我地唔係想個樣無表情對你地….係我地真係做到好攰………….有d客仲問我地:你地咁做都幾攰喎…..有無15分鐘休息時間??………….好多謝佢既關心:]…….都係唔講咁多喇….反正今日係星期五…..開心左先~星期五晚既興奮…係星期六日都俾唔到我~星期五放工哥一剎那…我簡直覺得自己贏左全世界!!!我現在要好好享受我既世界~:]



2012-05-23
Day 5—-Part 1(法國巴黎)

一早起身天陰陰~梗係去買番個早餐食下保下暖先~我要食麵包~~呢間麵包鋪又係同我地民宿同一條街~~~我地附近真係超多的麵包鋪和cafe





花多眼亂~~~但一定要食法國既牛角包啦係咪~~~~~超級超級…超級的好吃~



仲買左超大的蝴蝶酥~不過我覺得美心哥d好味d~~~呢個唔夠脆~



今日第一個景點我地係慢慢途步去的~大約行左10分鐘度~你地見唔見到我地去邊呀???佢其實俏俏地出現左架喇~~唔好掛住望啡色呢棟野呀~



好喇~我地行過啡色哥棟建築物….知道我地要去邊未?~~~



就係羅浮宮(Musee du Louvre)喇~~~~~~天好陰呀;[….應該係早上九點幾喇…….地址:34 Quai de Louvre……網址:www.louvre.fr



好喇…排隊入場~華!!!!九點鐘已經咁多人喇???轉哂彎咁…..



好彩都算行得快~行到黎呢度都係用左10分鐘度….不過行到黎呢度…發現左….原來有paris museum pass….係排隔離隊…..隔離條隊…..係一個人都無的………………………….記得唔好好似我咁戇居居喇!!!!!!又係有fast pass無用到喇!!!paris museum pass可全日入場…不過如果佢有特展應該係唔包的~其他固有的任睇~



終於入到金字塔內了~如果無museum pass哥d又要入到黎排隊買飛~我地就直接可以入去lu~羅浮宮有三個展館:1.Denon  2.Sully  3.Richelieu……不過事前我地一d準備都無….就行入去參觀…..唯有攞佢張地圖睇下有咩介紹啦~



唔諗咁多….第一樣野要睇既一定係佢啦:蒙羅麗莎(Monna Lisa)嘛~一野衝入去Denon館度就岩架喇~~~一入去就有好多指示指你去架喇…..其他野咩都唔睇住…..睇左佢先~



好多畫呢~~~~~
行過呢條畫廊某個右面入口轉入去(有指示)就會見到佢~



出現喇~~達文西(Leonardo da Vinci)的蒙羅麗莎(Monna Lisa)…..哈哈…但聽聞呢幅都係仿製品~唔知真定假~不過係呢度見到呢幅畫就已經覺得完成任務~~哈哈~~




其實幅畫唔係好大….仲將我地同幅畫分到超遠…..心諗:假既都咁認真??



今日唔知交上咩好運~平日睇人地個blog都超逼人的~今日竟俾我行到去正面影番幅相~咁睇睇正面同頭先的側面比較下係咪佢都係望住你笑??:}……………….不過我地影完一走開…..又有一堆堆既人圍住佢逼都逼唔入~我認為我地一入黎咩都唔睇唔影首先衝入黎呢到是大對的~
:]





我頭先去左上最後一堂既手捏班….
為作品上哂色lu~
好快就會有新作品~
不過初班既作品我都未post出黎添~
上完堂我地就去飲燉湯..飲哂成個湯同食哂d湯渣
我仲去麥當勞鯨吞左個麥樂雞餐….
其實我係想試下新哥個焦糖布甸味麥旋風…
點都覺得好味啦….焦糖我又愛~布甸我又愛~
我點q知原來咁難食!!!!!
難為我為左唔好浪費堅持地吃了兩口…..
平時為左唔浪費我都會食哂佢…今次真係吞唔落
但哥隻味好難形容……食完只有想嘔既感覺….
嘔嘔!!!!我唔會再食…假布甸味!!
番屋企仲食左個芒果黎清清個口d味~
(痴線架我食咁多野….唔怪得又俾人話我肥番!!)



我噚晚用我媽媽之前部電話送哥個耳塞聽歌….
你知嘛…佢之前買哥部htc送既耳塞係monster囉!!!!
最平都哥隻都要一千蚊!!!!!
試用之下……密封耳仔既情況理想~
聲靚!!!用黎聽布志綸….
就好似佢係我隔離唱咁!!!
正!!!搞到我好想有一個monster耳塞!!!!



夜晚播緊新劇呀….
有鍾嘉欣同bosco….
講保護證人組…..我超愛呢類題材~
所以幾晚都有追…..
話時話…邊度有bosco呢d咁靚仔既保護證人組先得架~~
我都有少少鐘意bosco….正~
不過戲名唔係好得…咩護花危情…..有點兒那個….
下個星期做點到三國我都好想睇~
好似尋秦記哥d~現代人回到古代~
正囉咪~~實笑料百出…笑屎我~~~~
仲係好男人馬明做~~~必睇~~~~~~
好似好少見佢搞笑~~~期待呀~~
依家每晚都有睇怒火街頭重播!!堅正!!!



今日叫籌時咁岩線叫中左一個我識既人….
兩母女~以前成日去我舅父開哥間茶餐廳食野…
最恐怖係:相隔十年仲可以認得出我!!!!!!!!!!
原來佢本身唔係認得我個樣….係認得我把聲…
仲恐怖~~~~哈哈~~~我仲問佢我係咪好老牛聲~
佢話我把聲好易認~~~
想當年我見佢地時仲係著校服…少女時代….佢個女仲讀緊幼稚園…
依家佢已經讀高中~
我係counter不停怪叫:好恐怖呀~~~大得咁快..
有邊個體諒到我當時有幾悕虛呀…..原來咁就過左10年….好想嘔
於是我就諗起呢首歌……
[youtube http://www.youtube.com/watch?v=lYxfBG1ADbc&version=3&f=videos&app=youtube_gdata]那年 那天 那地 陣風飄過
那時 不知道 為誰流眼淚?
這年 這天 這地 日子飛過
往年 如幻覺

嘆一句 世事難料 回家一再苦笑 苦水流盡了 全家福看一秒
笑著流淚 躺在客廳裡 每滴淚如字句
(佢地走左之後我行去後面隻窗…遠望對面街一棵樹…
講左一句:歲月不饒人…..
我就番埋位做野………………
重點係:佢媽媽同我講話
佢有睇過我個blog~~~~~~~~)



報時:距離六公子出使韓國之旅仲有—-86日~
幾時先有得去韓國呀??
我想下個月過去香港走番轉!!!!

沒有留言:

張貼留言