法國瑞士塵世美之旅2012-05-23第五天Part 2(多雲後轉大晴天)

星期一…多野做..不過心情唔錯….不過…今朝已經知道聽日中午要開ot…情天霹靂….下午再知道….連續的二三四五也要開ot…..wth~(難得的放早)…放工再也忍不住….跑去雅明食我好耐無食既麻辣包…..做埋大款…一串麻辣包一串鮮竹卷一串香腸一串燒賣….呢堆野食淋上他的香噴噴辣汁….正呀~~~(就係咁守唔住個肚皮同荷包)…..好天氣的一個週末~令人過得特別興奮:]~星期六去學ukulele~開始學緊毛寶好想學的I’m yours~不過說實在…我對於一路唱…一路彈呢樣野….其實一d都唔在行….我只可以齋唱….或者只可以齋彈…..我完全分唔到心~所以毛寶好厲害呢~(當然布志綸都好厲害啦~:])….我仲需要下好多苦工~可能未遇到一首我超愛既歌…如果佢教Mr.既歌我諗我會日練夜練的~夜晚去左食好耐無食既唐吉訶德的藍芝士醬菲力牛扒~正~星期日中午同fingi朗仔飲茶~好驚喜的fingi帶埋小青蛙出黎~大半年無見佢又大個左~~仲好鬼得意~又肯跟人~遲d post相黎:]~跟住就去左睇有布志綸配音的冰河世紀4：玩轉新大陸(Ice Age 4：Continental Drift)…..有好多笑點喎~笑到我標哂眼水…布志綸就係配蜜桃好鐘意既哥隻長毛象帥哥依雲~你問我：你係咪好想做哥隻長毛象女呢……我當時答唔係….但其實我是挺想做呢~~~~~~~~~~~~~~~~~~~(又俾你識穿~~~~~:])



2012-05-23
Day 5—-Part 2(法國巴黎)
其實我地之前都無咩做過準備必睇d咩…..所以睇完蒙羅麗莎…..我地就跟住羅浮宮(Musee du Louvre)個地圖上面重點介紹既圖示行….好似行山咁當係check point咁行~正對住蒙羅麗莎(Monna Lisa)既…係Check Point 1—-加納婚宴(The Wedding Feast At Cana)…….由於佢d展品簡介全部都係法文一堆….呢幅畫我就係上網搵先知原來係咁….毛寶你都睇下啦…..原來呢幅畫係講耶穌同瑪利亞去加納參加婚宴…但無哂酒….耶穌將水變酒哥個故事~

華~有個姨姨自己帶哂架生入去畫畫呀….挺有氣質~唔知點解我同毛寶都估佢係日本人~

哈哈….真係好多畫睇…花多眼亂…行左一陣我就喊攰想坐~

呢個唔係Check Point~不過我同毛寶睇左超耐….原因係畫中畫~畫裏面仲有畫….畫得超靚超精細!!!!!大家一齊睇下~

Check Point 2—-拿破崙的加冕禮(The Coronation of Napoleon)?!?!?!呢幅唔係毛寶係凡爾賽宮睇到打冷震哥幅????!?!?!!?點解又係度架???邊幅先係真???!?!

又有學生參觀喇~~~呢度仲好……有埋耳機…..咁聽老師解釋就又清楚又唔怕嘈住人啦~

我超記得呢幅畫…..同叫毛寶同我搵呢幅畫睇…….但我無印象細個黎過呢度喎….到底點解呢???又唔似係上網睇過……

行番出黎見到Check Point 3—-勝利女神(Victory of Samothrace)…..我地未睇蒙羅麗莎之前經過佢係無人架……再出黎…..超多人圍住佢…..全部都係—-中國人!!

咁多人我地唯有同佢黎個遠遠的合照~

跟住再去第二度參觀……不過入黎呢度係因為某個原因….因為某樣野先跑入去睇~~~~wakakka追住想睇既野只有我同毛寶知…..哈哈哈~~~~不過入面都幾金碧輝煌的~

跟住就去參觀古埃及既展品區~真係睇門口以為自己去左埃及~

Check Point 4—-盤腿而坐的書吏(Scribe accroupi)….上羅浮宮網頁搵既譯名~有d怪怪的~

 Check Point 5—-Le roi Ramses II….無中文名搵到….不過Ramses II係咪即係拉美西斯二世既法文譯音??

離開埃及展品區~去第二個廳睇…..華…一入去…..好似由埃及五分鐘到達第二個歐洲國家咁~神奇~

Check Point 6—-米羅的維納斯(Venus of Milo)….唔睇其他人個blog唔知~原來呢個同蒙羅麗莎一樣係大熱~好難迫入去的~我霸到第一排影~證明我都是利害的中國人~

Check Point 7—-因邱比特的吻而復活的普塞克(Psyche Revived by Cupid’s Kiss)……好長呀個名…..台灣好似係譯”愛神吻醒芙賽姬”……..人氣雕塑…..外國人狂影~

Check Point 8—-垂死的奴隸(Dying Slave)

其實呢個部份既展品大多是米開朗基羅(Michelangelo)的作品嗎??



當然我地無可能行哂咁多個Check Point啦……羅浮宮真係大到喊….我睇其他blog友d相先知有好多好多既地方我地都未行過….完全經過都無!!!不過都睇左羅浮宮三寶(米羅的維納斯…勝利女神…同埋蒙羅麗莎)….而且我地哥日都好好彩~好多人係blog度都講話呢三樣野都係迫爆~我地都叫影到幾張靚相~~~~~好攰呀行左成三個幾鐘~~~~~~下次有機會其實可以再慢慢睇的~總之就值得一黎啦~

行到出黎臨走時見到….有audioguide租….其實好多皇宮呀…..博物館呀都有….租個自己岩聽既語言……每個展品隔離都有d數字….輸入之後就有得聽哥樣展品既介紹….但係羅浮宮呢度既audioguide………..係Nintendo 3DS?!?!!??!!?好有趣呀~~~仲有幅畫出現係部野度~~~~不過望過無中文呢~~~~~好想租左佢由佢帶我行羅浮宮~希望下次有機會~

噚晚屁屁痕走左去睇草猛新哥個綜藝節目..
個名叫….xxxx明星賽..(真係唔記得個名~)
今次以環遊世界做主題~
天呀~有邊個知道我有幾想環遊世界~~~
但睇完呢個節目…俾佢首歌洗左腦…
狂唱：放假啦喂~
我有少少返回以前中學放暑假既感覺~~
哥隻番完夏令八月無野做日日可以係屋企行黎行去哥種feel..
wakakaka~好正~
我都好想放一個月暑假呀~



華….我本身噚晚諗住好早訓架…
點知係youtube聽完Mr.之後…
無啦啦有梁詠琪喎….
咁咪開黎聽囉….
點知一發不可收拾….
記起我以前初一開始超鐘意佢d國語歌…
超好聽的~一首接一首咁開黎聽….
聽到痴左線咁…..梁詠琪可以話係我哥代唱出少女心聲既表表者~
我以前仲覺得佢好靚女~~狂儲佢d yes card架~~
咩磨沙~夜光~幾錢都買~
男又鐘意佢~女又鐘意佢既可愛同歌~
哥個年代我認為陳曉東先襯得佢起~~(大家仲記得初戀無限touch嗎?)
佢d苦情歌都唔差過容祖兒架!!!!
我的少女時代就係梁詠琪臭大我~~
超多大道理係d歌詞度~
佢好多隻碟我成隻碟都背到!!
到依家都仲係啷啷上口~
就係咁…唱到成點先訓…
(我坐係書房自己開住youtube mark大喉嚨唱)[youtube http://www.youtube.com/watch?v=zyrM2SrEMrA&version=3&f=videos&app=youtube_gdata]

當情人那麼沉重 當朋友反而輕鬆
有時候孤獨可以寂寞 也可以是自由
能安慰自己的人 比較容易快樂
(你話佢d歌詞係咪有大道理先~
我相信我d普通話就係呢個時候練出來的
謝謝你~梁詠琪:])

講樣好爛又好笑既野你地聽…
笑點很高的人不要看咯~
今日有個媽媽同小朋友一齊黎我個counter..
媽媽：可唔可以幫我同小朋友一齊做呀?
我：可以呀…小朋友你俾哂兩個籌我
點知個小朋友將佢雙手遞入黎俾我….
我：呀小朋友…..我叫你俾個籌我呀…你俾對手我做咩呀??
跟住我同佢阿媽一齊喪笑佢~~~
(就好似張家輝哥個年代既笑話：我叫你俾”錢”我唔係俾條”鏈”我呀哥類笑話..)
話實在….
我笑左好耐…仲周圍同同事講….
我笑點其實低到無朋友~:]
我頭先同毛寶講：你覺得好無笑呀?
佢應酬我：一般啦~


報時：距離六公子出使韓國之旅仲有—-83日~