2012-05-24
Day 6—-Part 1(法國巴黎)仲記唔記得我地之前哥晚食蠔咪買左條長棍包飽得滯無食既~食得唔好浪費~仲有d藍芝士淨…於是我就整左焗藍芝士包喇~~~好香好好味~
我個口係咪好大呢~
好喇~第六天第一站就係去聖心堂(Basilique du Sacre-Coeur)又名白教堂~我地搭Metro 2號線去到Anvers站落車~看來今天是大晴天呢~
就係治住呢條小斜路上~
經過一間超靚的朱古力店~
還有一個用全朱古力整的巴黎鐵塔~~~靚~
繼續向上行~終於見到聖心堂呢個可人兒呢~~~地址：35 rue du Chevalier de la Barre…..網址：www.sacre-coeur-montmartre.com…..入教堂免費~佢有纜車登教堂~€5=50hkd…或者用一張地鐵車飛代替都得~不過….其實慢慢行上去都唔錯~唔太辛苦的~
法國人最愛的~~~旋轉木馬呢~~~~我都好鐘意架~~~白教堂對我地屋企人真係充滿回憶~~~~我地以前星期日最鐘意去唐人街飲完茶就會去白教堂當散步行下~~~好舒服的~又有好多地攤賣野~~~而黎呢度既時候我都成日求爸媽俾我玩的~我記得表姐佢地黎探我地哥時都有黎呢度玩過~:]
好鐘意呢個旋轉木馬~真係好靚~:]
就算全世界有靚過佢好多既旋轉木馬….但巴黎既旋轉木馬我認為是最靚的~因為我覺得旋轉木馬好襯巴黎呢個地方….一樣咁夢幻~
呀~有一點唔知係邊度睇到千叮萬囑的~話呢度行過有好多黑人同你講野….然後幫你帶d唔知咩手繩….然後叫你俾錢…..於是我地一路行一路唔敢週圍望~~頭向下不停行~哈哈~
原來白教堂有一種物質~一遇雨水就會分泌一種白色物質~所以經過風吹雨打~仲係咁潔白~~~~真係好靚呢~~~~~~
哈哈~由地鐵站開始就見到呢對父子~佢地超冧的~爸爸又鍚仔仔~個仔又好黏爸爸~實在太溫馨~忍唔住狂望佢地~~~~~呢個小朋友好可愛~
woho~又見到呢個噴水池~~真係令我充滿回憶~~~講個小秘密大家知：當年我黎呢度哥時見到好多好多法國人係度浸腳浸到一臉陶醉~於是某次我忍唔住跟浸(哥時我仲係一個孩童~~小學一年級)…..一浸之下~果然係超級的舒服呢~~超清涼~~~~~可惜……..浸完之後…我隻腳超痕…………好似有皮膚病咁痕左成個月……………………跟住就以後唔敢喇~:]…今次梗係無咁做啦~~我係淑女黎架嘛~~wakakkakkaa~~
你話d噴泉水d色咁靚係咪呃得下人喇~不過今次黎到竟然無人浸~~~
行到上去~回望番巴黎市景色~:]
拿~又有課外活動喇~~~就係同佢地黎畫白教堂~~~~~班小朋友好得意呀~~~
毛寶話佢最鐘意下圖哥個著紅色衫既小朋友~成程d小朋友不停同人玩同人傾計….唯獨佢超認真超專心無傾過計係度畫畫~~~~有可能係新生代畫家呢~~~~~(佢幾靚仔的~)
wowowowow~行得越來越近美人兒喇~
仲有人表演豎琴呢~好好聽呀~令呢個地方好舒服好有文化氣息呢~:]~身處巴黎呢個地方~令人咁舒服既音樂~當堂覺得自己都唔同d~
離遠影相既時候…..毛寶覺得個雕像咁奇怪咁既……認真d望…..原來係真人扮架囉….真係超似!!!!!!佢唔郁我完全當佢係石像!!!!!!!!!佢件衫d摺位都超認真的!!!!d人就係覺得佢似俾錢同佢影相……..利害呀~~~
佢d動作仲要超逗趣~~~我地企係度睇左佢超耐~~~
教堂內部~開彌撒中~不過可以照入去參觀~氣氛莊嚴~
呢度寫左全世界好多種文字….係講希望大家捐款為白教堂維修……..對於呢個令我充滿回憶既地方~我將我d零錢放哂入箱~不過唔係好多~
於是我地又整銀仔喇~
唉呀….
今晚出左去食飯…
去左榮江食上海野….
係唯一一次…我覺得超唔好食…
唔知搞咩…佢個小籠包蒸到個包穿哂….
無哂汁之餘舊肉仲好老…
難食呀!!!
噚日毛寶send蘋果新聞我睇….
話我個四眼男神原來之前同阿sa拍過拖…
連阿sa佢都食埋……..
個心簡直係晴天落雨咁款…(唔知想講乜…)
wakkakkaakak~
終於都星期五喇….
好不容易地…
呢個時刻……..係最安靜同舒服架~
我要播番首歌好好同自己打下氣先~
[youtube http://www.youtube.com/watch?v=raQlZUa3H8c&version=3&f=videos&app=youtube_gdata]"前進就算集結風暴
後退亦已沒有出路
來紀念這段青春 似樂譜”
回看就算落泊虛度
衝不破那白透的霧
在歲月變遷共你夜闌 細數
就算心跳現已停止
這一秒 自信心永沒遏止
像昨天 曾瘋過 也都哭過
再不好過 已不枉過:]
(我真係Mr.係澳門最佳宣傳者~其實佢地可以考慮下搵我做佢地既澳門區宣傳大使~~:])
報時：距離六公子出使韓國之旅仲有—-79日~
很想去散散心~
沒有留言:
張貼留言