法國瑞士塵世美之旅2012-05-25第七天Part 4(又曬又熱)

yeah~~yeah~~yeah~~星期五既放工一刻喇~~~~~~好~開~心~呀~~~~~今朝落大雨影響生意額~~~實在係喜事~~~~~~可惜中午開始就猛做做做~~~個背部又開始痛…..不過都放工啦~~唔計得咁多囉~~~*3*~~~~~~~今晚去venetian試哥間扒房Morton~~~好緊張呀唔知好無味呢?



2012-05-25
Day 7—-Part 4(法國巴黎)係車度又訓左個幾鐘晏覺….番到去出發既哥間旅行社~其實間旅行社係羅浮宮對面咋~~~咁近同兩位公子過去影張相留個念~呢日超級藍的天氣配上羅浮宮真係特別的靚~

番民宿放低d野之後就黎左呢間叫Le Gallopin既餐廳食晚飯~因為上網查過佢有我地想食既野~地址：40, rue N’dame des victoires 75002 Paris~~環境都幾好的~

睇個款就覺得佢唔係平野~其實呢個時候已經七點幾八點~但係仲係咁光猛~



前菜~橄欖~有黑的有青的~兩種好唔同味~其實我並不特別喜歡吃~但我又覺得幾味~少女們嫌臭臭~於是我可以獨享佢~

見到d餐具估唔估到我地將會食咩???

我地四個人叫左一個呢個餐…..€38=380hkd….有前菜…主菜…甜品~

唔講個餐住~~開估先~~頭先問大家知唔知食咩~~~就係要黎食法式香草牛油焗蝸牛呢~~~~~呢個Large Burgundy snails with garlic butter(6 snails)….價值€12.8=128hkd~~絕不便宜~~~~不過真係好大隻~~~~聞落好香~不過食入口唔係好夠香濃~但係蝸牛的質地唔錯~肥美~我地叫左兩份~

我好鐘意夾住蝸牛哥個夾(右二)…..同埋用細叉(右一)吉佢出黎食~~超鐘意呢套餐具~我又有情意結喇~~~~成份咁擺係度好似好靚好高貴咁呀~我叫左杯酒飲~因為我見平過叫杯果汁….鮮榨果汁€6.5=65hkd…..一杯酒€5.5=55hkd….咁梗係叫酒飲抵d啦~….可樂就€4.9=49hkd….水€4.5=45hkd……….

好喇~講番個€38既餐先~前菜我地揀左湯….Fish soup,croutons and “rouille”……係囉…點解會叫魚湯飲既呢????????呢個魚湯味道同開一罐茄汁沙甸魚搞碎加水煲熱無兩樣~隻味奇奇怪怪~我都係鐘意飲中湯多d~

主菜點了Beef rib steak,Saint Marcellin cheese sauce…..今次叫左五成熟~好好吃呀~~~後面電薯仔超越超級超級的好吃~~~~~~個芝士汁點牛扒都好正~救命~

餐以外我地仲叫左個Penne “all arrabiata”(tomato sauce,olive oil and chili pepper)……ok啦~又未算得上好好吃~中等~€12.5=125hkd~

跟住叫埋個餐既甜品~我地叫左Bourbon vanillia “Creme Brulee”~~法式焦糖燉蛋?~~~~~呢個甜品整得超級的好吃~~~~~真係好好味~~唔使兩分鐘俾公子們食哂~~~~~

你地都見啦…本身天光架…..一上甜品天色就好似熄燈咁樣黑哂…仲要話熄就熄~



呢餐唔係叫左好多野~一個餐一個意粉兩個蝸牛四杯野飲~不過真係夠飽~講你都唔信~一共食左€97.5=975hkd…….唔係好多野食但真飽~神奇~

我記得呢日食完飯行番民宿個頭痛到炸開!!!!一路行一路頭暈….番到去即刻食藥~仲要暈住咁執行李~點解~因為我地第二日就去瑞士喇~





不過今晚出去食飯無得睇護花危情大結局添~
唔知大家知唔知邊度有得上網睇番呢????
可唔可以話俾我知??
連今晚既深夜劇怒火街頭都兩小時大結局喇….
一連兩套喜歡既劇大結局……我驚我下個禮拜唔慣呢~
不過下個禮拜就做怒火街頭2~開心~
bosco同杏兒散左添….
我以為佢地會結婚架………



好開心呀~~~
多謝diana既提醒~
下個禮拜布志綸又黎澳門喇~~
我要為佢搖旗納喊~~
希望見我個樣咁醒目會博得一張合照啦~~~
布~~~~~~~~~~~~志~~~~~~~~~~~~綸~~~~~~~~~~~
(可以想像我瘋狂叫佢個名既樣~)



報時：距離六公子出使韓國之旅仲有—-65日~