2012年6月29日 星期五

法國瑞士塵世美之旅2012-05-22第四天Part 3(陰天及後轉晴)

今日公司多人去到癲狂狀態~好正……下晝簡直就係痴左線咁……..最後…..我決定放棄自我~~~靈魂出竅一番~~思想放空做野…………………..今日最後一堂手捏班…..放工拿拿聲食飽野就去牛房上堂…..點知一轉入去上堂既課室….無開既??!?!?!坐係office個阿姐先講:今堂暫停呀…..我:你地無通知既???……阿姐:我有打電話俾你地架…不過成班八個同學一係無人聽一係留言……毛寶:我無收到你地電話喎……..阿姐:我有打架我就係用呢個電話打………………………………………..阿姐呀…..無人聽你唔識打多次俾人既咩??4點幾打黎係人都番緊工啦…..明知打風無人聽你都好應該打多次俾人卦……搞到人打風都白行一趟!!!!!!!!一來一回用左我個幾鐘大佬呀你好多野做咩….得個坐字…..叫你打8個唔係80個電話…咁都做唔好….咪有下一次…唔係我實開火!!!(其實我今日好有火架!!!!!)…..如果一早知我就放工番屋企即刻沖涼!!!然後fing fing腳咁開始玩!!!



2012-05-22
Day 4—-Part 3(法國巴黎)
行完凡爾賽宮之後我地就搭番RER C線去到Invalides站轉Metro 13號線的Champs-Elysees Clemenceau站落車~鐘意巴黎shopping既人都估到….Champs Elysees就係香榭麗榭囉~





不過識我既人都知我黎呢度唔係為左shopping啦~~~依家一點多d係時間食左中午飯醫肚先喇~~~~~今日導遊毛寶安排左特色餐俾團友~~~黎到香榭麗榭大道(Avenue des Champs Elysees)上的Chez Clement~~~諗起都開心~地址:123 Avenue des Champs Elysees 75008 Paris….網址:www.chezclement.com



都幾多人架~~~超忙….等左一陣侍應先黎接待我地~



佢安排我地坐落地玻璃位~~大愛~~~因為我個位對正凱旋門(L’Arc de Triomphe)食飯呢~~~~~~~



今日既特色餐係食法國海鮮盤呢~~~~~~~~好緊張呢~~~





位於香榭麗榭大道上面…一定係好多遊客黎架喇~~~佢連中文餐牌都有囉~~~~唔使驚唔識叫野食喇~~~~~~~~(雖然有d譯得怪怪地~不過好過無啦~)



因為今日要食海鮮….所以我地叫左支白酒飲喇~~~~~~~係1/2支既Muscadet…..€12.15=121.5hkd….(因為我見到飲其他野都超貴….見到飲白酒兩個人飲都係€12……所以….哈哈~~~我仲揀左最平哥支~所以係因為姑寒囉~)….都幾好飲架~~~最重要係我覺得佢地好認真….我地支酒細支到咁又叫最平哥隻都有個冰桶雪住~~夠哂凍~




傾左陣計…食左陣麵包(麵包唔好味!!可惜)…..個主角出黎喇~~~~~~~~好大個呀~~~~呢個係克雷蒙皇家拼盤(Clement Royal Platter)…..咁大個只係賣€37=370hkd!!!!個價好震撼!!!!!!澳門唔會有d咁平既海鮮盤呀~~~~~大high中~~~~~~狂影~~~



來來來~介紹下有咩野食先~~~~2號不列塔尼凹殼生蠔3隻(3 No.2 Breton Cupped Oysters)~~~我只能說…超新鮮…超好味……..!!!!!!!!!!!!!!!!!!



4號不列塔尼生蠔6隻(6 No.4 Breton Cupped Oysters)~~~~~又真係唔同味架喎!!!!!!我只能說…超新鮮…超好味……..!!!!!!!!!!!!!!!!!!



海螫蝦2隻(2 Iangoustines)~似瀨尿蝦咁剝殼~都幾好味~第一次試~



蛾螺(Whelks)和濱螺(Winkles)~青色d哥隻超好吃的~深色d哥隻就超細粒~



灰蝦(Shrimps)~好似蝦米咁細粒的~又估唔到幾鮮味的~毛寶也大讚~仲有馬達加斯加熟紅蝦三隻(3 Organic Madagascan prawns)無影~~~超好味肉質好爽呢~



還有半隻麵包蟹(1/2 Crabs)~不過我對麵包蟹都無咩好感~唔鐘意食佢d膏…肉還勉強可以….好彩得半隻~~我都係鐘意食中國的肉蟹呢~:]

超級超級的滿足!!!



又驚自己唔夠飽~黎到巴黎點可以唔食牛扒呢(我法文阿sir講架~)…..於是叫多個諾曼第牛腿扒,薯條(Normandy Beef Rump steak,thick cut fries)….€21.3=213hkd…..可惜的是…佢無問我要幾成熟…我亦無講….結果佢應該煎到八九成…..有d鞋…失望!!

薯條是挺好吃的~



最後毛寶說:食得咁開心~豪埋佢……再叫多個士多啤梨芭菲(Fraises Melba)…..€8.9=89hkd….個甜品真係有d貴….但又真係…..幾好味……..哈哈~兩個超快的解決左甜品lu~




呢餐可以話係超級大滿足囉~~~~食左€79.35=793.5hkd……中午食800蚊好似誇左d!!不過於我黎講呢個價錢係好合理架~咁大個海鮮盤又飲酒又鋸扒又甜品…..仲要有個凱旋門景!!!!下次我都要黎再食海鮮盤呀!!!!!下次個牛扒我要五成熟的就好~






唉~
打風呀嘛~
一放工….跑左去入貨~
花多眼亂~索性買哂佢~
俾錢時撞到貞媽~
佢望一望我個購物籃…..成堆薯片….
貞媽:搞咩呀你??!?
我:打風呀~要入定d貨呀~會無野食呀~
貞媽:你買米買麵先有用架嘛…你d野都唔等使唔飽肚既!
我:wakakakkaa~~~
原來我買左一包熱浪一包卡樂B兩包韓國零食一包蝦條一個雪糕糯米糍一罐野飲~
係牛房運吉完番屋企時媽媽好驚咁問我…
媽媽:頭先哥兩袋野食都係你架??!?!
我:係呀~打風呀嘛~
媽媽:你有哂藉口去買野食啦!!
哈哈~~~乜你地打風唔係咁既咩????
你地屋企有無打風特色餐食呀??
以前細個係唐樓住….其中樓下有另外兩個單位都係我另外兩個親戚…
大伯和姑媽….
細個小學時打風好鬼熱鬧…
唔使番學….就會落去姑媽屋企玩~(其實無野玩…我係最細哥個)
大人就會打麻雀….如果爸爸唔使番工仲熱鬧..因為我實俾佢玩的~
中午一定有颱風指定美食!!
就係炒薑飯同煎午餐肉!!
炒薑飯好好味的~~~食飽又再玩~~又睇電視又食零食..
所以細個好鐘意打風!!!
好懷念那個時候….就係咁樣一個颱風夜..我又在想當年~;]



不過依家越黎越大…
就越唔鐘意打風….
成日將人地d plan打亂哂…
有d人又好慘颱風都要番工!!好危險架嘛…..
仲要話我聽我今日做得咁辛苦聽日無得出街玩!!!
好殘忍!!!好衰架!!;[



報時:距離六公子出使韓國之旅仲有—-92日~

沒有留言:

張貼留言