2012-05-23
Day 5—-Part 5(法國巴黎)坐完教堂潔淨心靈之後….就跑去行街~~~諗住去搵著名百貨公司~沿呢條街一路行去~我記得我係呢條街某間鋪頭買左兩條好靚既手繩~
行下行下就去到春天百貨(Le Printemps)喇~聽講係全巴黎規模最大的~地址：64, Bd. Haussmann…..網址：www.printemps.com
都係行下架咋~預左無咩岩買~閒逛下囉~華華華~~~d糖使唔使咁靚呀???飲咖啡都係會溶架喎~
逛埋家品部呀….傢俬部呀….不過d野都幾貴的~
上到最頂哥層係food court咁既..有露天位…..有好多人係度畫畫架~又見到個美人兒喇~
到行第二間喇…就係最老字號既老佛爺百貨(Galeries Lafayette)喇~地址：40, Bd. Haussmann……網址：www.galerieslafayette.com
老佛爺百貨入面好出名既圓拱形天花~原來已經被列入巴黎古蹟之一~
但係我地最主要既目的係：行佢既超級市場!!!為我地今晚晚餐做好準備~~
上網搵到話老佛爺百貨入面既超級市場有好野食呀~大家睇牆上既剪影估唔估到我地係想買咩呢????
有無人答岩???答案就係我好喜歡的生蠔喇~~~~~~~~~
實在花多眼亂…我地問佢我地買走唔係度食可唔可以幫我地開埋…..佢問我地識唔識開….我話唔識….如果第一次開會唔會好難….佢諗左陣：我幫你地開埋啦~不過要一個鐘之內食呀!……………….yeah~收到~~~~於是就開始揀揀揀~~
隻龍蝦超生猛!!!!狂同人打招呼!!!!
我地揀左4隻生蠔….每樣要6隻….圖中既價錢係講緊12隻…..以第一幅圖為例….我地要6隻即係€9=90hkd~~~6隻90hkd都幾抵~~~其他就分別係€12=120hkd6隻….同€14=140hkd6隻~~~~~每人有一打食~~~~~(其實我揀緊哥時都猶豫左好耐….因為太多…..毛寶話交哂俾我揀…我行黎行去…..睇左好耐….我問個叔叔呢隻好無味…於是佢好豪爽就咁開左隻俾我試請我食~)
我地認為唔夠….仲買左1/2KG既翡翠螺同埋1/2KG既蝦~
攞左d蠔就即刻坐RER番民宿……攞住哥時真係超級重……因為d蠔殼!!!!快快趣趣砌好~食得~~~~今晚晚餐呀~~~~超豐富的~~~~~~
我地驚自己唔夠飽…..買左條Baguette做後備呢~
四款蠔~真係款款唔同味的!!!!!!有d好重海水味….有d好金屬味….只能夠講….各有各不同….款款都咁好味呀~~~~~~~~~~~~~
蝦同埋d翡翠螺都超正的!!!!!!!蝦1/2KG…€6=60hkd…….翡翠螺1/2KG….都係€6=60hkd~好抵呀有咁多~~~~~
呢餐大約買左€60=600hkd~~~~其實都算抵啦~~~600hkd兩打生蠔+1/2KG蝦+1/2KG翡翠螺~~~~~~我地睇過佢個餐牌…如果坐係佢哥度食….會貴一倍~我地都係躲在民宿食算喇~~~~其實有d仲平d架~~~好似話星期日既巴士底廣場會有跳蚤市場會有平生蠔賣…..話100hkd就有一打~~~~好吸引~可惜撞唔岩時間~~~~不過對於呢餐我地都覺得好滿足~
其實我地哥晚淨係食海鮮已經食到好飽~條包都無食過~~~~~~
今日好開心番工時可以上左去探左一陣杯杯~
睇住佢個肚已經成個波咁~~好得意~~~
我不停摸摸摸佢~~慌死蝕底~~~
點知杯話：你摸咁快~頭先佢郁左一下呀..你錯失左同佢give me five喇!!
唉呀~~~~我個小公子同我give me five呀~~~~
好叻呀~~~~
你快d健健康康出黎啦~~
等我地見下你啦~~:]
今日中午有番個半鐘食飯…
真好~:]
可以訓晏覺喇~好舒服~
報時：距離六公子出使韓國之旅仲有—-80日~
快d到聽日星期五放工哥刻啦~~~
我想休息呢~~~~~~
好似有好多新野試~~好緊張~~~
沒有留言:
張貼留言