2012-05-25
Day 7—-Part 3(法國巴黎)食飽坐一個鐘車又到下一個酒廠~到了我最喜愛的Moet & Chandon~~~~~~~
你知啦~~如果要打入大中華市場…無論點樣國際化既品牌….都要有個中文名傍一傍身~咁先親切d~所以我地幫佢改左個名：莫兒與陳當(請用普通話唸~)…..wakakka~公子真係多材多藝~改名都得~~~好似兩個熱戀情侶既故事咁~唔知Moet會唔會搞個改中文名比賽~~~我地一定會嬴~~~~
華~~成個酒店大堂咁有氣派~~~~~
Moet牌聖誕樹~~~有無人有興趣送一棵俾我呀~~~~~wakakakak~
等緊參觀期間~我地去左行佢間紀念品店~~~參觀下佢d香檳先~
華~~~~好大支呀~~點飲架~~飲幾耐架~~~最大右邊哥支€1500=15000hkd….第二支€1070=10700hkd…..第三支€725=7250hkd…..第四支€490=4900hkd…..最左哥支就係€235=2350hkd…..華~~~擺哂五支係屋企一定好有氣派~~~
普通哥d就同係澳門某d賣水貨既地方賣差唔多價…最多平幾廿蚊~就算行貨我諗都唔會貴多過100蚊….咁算啦…就咁番澳門飲啦~好重架~
等左一陣就到我地參觀喇~~~
今次換左個中國人黎做講解(講英文~)…不過佢既英文好友善~發音好港澳式英語~即刻明哂有心機聽~到d鬼佬好靜(我地懷疑今次到佢地聽唔明~好公平~一人一次~)
又黎到地下酒窘~好凍呢~
講解哥個姐姐似唔似盧覓雪呀?~:P……..行行下有另外一團全xx人….超嘈…真係超嘈…同平日星期六日係澳門見到既佢地係一樣…..大聲到我地都差d聽唔到盧覓雪姐姐講野……我地仲話：佢地邊係黎聽架……淨係黎買酒之嘛…………………..點知唔夠三分鐘唔見哂佢地….明明就跟係我地後面…………….我地仲扮佢地：不用說那麼多…給酒我買就好了…這個這個…每樣一…..箱……:P
個牌第二行好似係記低係邊一格酒窘….第三行就係有幾多支係度….第一行佢好似話呢d係釀酒師定試酒哥d人先知寫咩~
最緊張既時刻又黎喇~~~~~
好似呢d有著年份寫係個樽既香檳會貴d架~不過唔知貴幾多~~佢梗係唔係俾我呢d我地飲啦~~~最普通哥隻咋~
有人話…女人最靚既時候….就係佢飲左香檳既時候……….我唔知係咪….我淨係知四條女飲到醉醺醺先走~
好開心呀~~~~參觀到我最愛的Moet酒廠~~~呢日既行程好悠閒呀~~又唔使諗野~~又有旅遊巴坐~~又有香檳飲~
再見了~莫兒與陳當~
行到出黎見到對面棟建築物~好靚呢~呢日既天色同法國旗好襯呢~
今日落住雨…..
但兩年前既今日…..我記得係好天既..
兩年前既今日….
我地一家三口如常圍埋一齊食飯….
那天我的爸爸整了匈牙利豬扒(作名佢就最叻)…
爸爸那天吃了很多…
我地都一齊話好好味….
食飽飯….
媽媽去洗碗…
我如常地入房寫blog…
爸說：我去松山跑步喇~
我頭也不回的說了聲bye…
誰想到那天…..爸爸就在搭(車立)那刻走了
是媽媽最後一次洗一家三口的碗…
是我最後一次跟爸說bye…..但這個再見…
我竟然沒好好的看他一眼……
那天再看見他…已是急症室的床上…
一動不動的….
我都講話我地係幸運的…
本來我哥日約左朋友出去食飯…點知最後約會取消…
本身sad sad地……
點知原來係上天安排我地可以食到我地最後既一餐晚飯…..
世事往往就係咁神奇…..感恩!
眨下眼….已經兩年….
曾經也哭得死去活來……
如今已能歡笑活下去:]
除了好好的孝順媽媽….代爸爸好好照顧她(雖然佢照顧我多~)
就是用微笑生活:]
謝謝爸爸養育我25年:](尤其你當主廚那幾年真係養到我超肥的)
希望你在那邊活得玩得開心的:]
(p.s.本身我都無咩野架….點知毛寶上黎食飯….我係房打blog時佢係廳度用ukulele彈很哀怨的蘇打綠小情歌….其實首歌唔關事…係旋律有d sad…..我越打越哭了….)
報時：距離六公子出使韓國之旅仲有—-66日
沒有留言:
張貼留言