2012年6月28日 星期四

法國瑞士塵世美之旅2011-05-22第四天Part 2(陰天及後轉晴)

點呀點呀……肯定聽晚先打風啦…..好似話預計聽晚至星期六朝早打到黎…..點解d風專恰打工仔架……..番工哥時又唔打風….放假先黎打同橫風橫雨….唔使出去玩啦……sad呀~唔好打風啦好無??????好開心呀~~~~我媽媽番左黎喇~~~~中午哥時一見面就緊緊擁抱~~~~(仲肉緊過情侶~~~)………..希望明天能有一個安穩的星期五…..



2012-05-22
Day 4—-Part 2(法國巴黎)
繼續凡爾賽宮(Chateau de Versailles)行程….參觀完第一棟無乜料到既大樓之後….就再行去第二邊個建築物度(其實我地係跟人潮行~~~)…..見到有個皇室人員既專用教堂~~好靚呀~~~行上二樓仲可以影埋佢個頂d畫~~好靚靚~






天花上既畫真係唔知d畫家係點畫~~~我向上望已經有d攰~~~~




望下呢個廳室點解會咁多人既呢~~~~???原來係好出名既鏡廳呢~~~成日都係人地d相度見到~~~~好靚呀~~~~~


好有氣派~~~不過好難影得好~~~因為實在太多人喇~~~~~~唔知係咪因為係旺季呢???



襯d人走咁d~~再補影多張~~~(仲以為呢日係星期一會少人d添~)





連係側面既蠟燭台都好鬼靚~





又俾人迫下迫下就走左入去參觀皇帝住既房喇~




見到皇帝張床~床就高係夠高….但又唔算好闊喎…同埋間房都唔算大~





商討國家大事既??隻藍色好皇室feel~



終於見到要必睇既皇后寢室喇~~不過都係超級多人間房超級細超級難影的….




當時的皇室餐具~




原來係呢度會望到凡爾賽宮個花園架~~唔執輸影左先~




另外一條美麗的長廊~



行到另一個室毛寶話見到呢幅畫打左個冷震喎~唔知點解~



跟手梗係要行下個souvenir shop啦~~~我超buy呢套野~~~因為我覺得羽毛筆超有哈里阿波feel~~~~~仲有封住信紙d蠟~~~~不過我無任性的買下~~~~好乖~~係呢度買左兩張鏡廳既明信片~~~因為我永遠都影唔到無人既鏡廳所以一定要買~~

呢度都有賣macaron間Laduree…不過佢無得散買..一定要一盒盒咁買~太貴所以無再買黎食~



跟住行去凡爾賽宮個花園參觀參觀一下~~~~~~



我地諗住入去行下既~~~不過原來要再買飛入….連museum pass都唔包….要再俾€8=80hkd…..其實一眼望哂啦個花園….於是我地無再俾錢入lu~因為我地要趕下一個更緊要既行程~~~下回再續~~~
其實凡爾賽宮幾靚架~可惜呢日無藍天白雲啦~好似星期一有兩個宮殿無開添~如果下次黎巴黎又有買museum pass既話我都想再黎影一次好天氣下的凡爾賽宮~





唉~好彩媽媽番左黎…
如果唔係打風實擔心屎我~
原來媽媽好慘呀….
佢係法國搭國泰航空直航機番香港…
點知又上左機之後先delay一個鐘搶修……
之後照起飛….但因為電力故障…
所以成程機都無電視無燈(只有走廊燈…)
空姐派餐都要用電筒!!!!
媽媽話當時只係希望平安同快d飛番黎!!!(好慘呀嚇壞佢囉~;[)
華..大拿拿十幾鐘又無電視睇真係好攞命…
仲要無燈食飯….係咪癲架???
咁都照俾隻機飛??
事後賠番50美金國泰禮券(只能用在國泰航空)
搵笨!!!咪即係再要我搭你間公司!!
之前國泰仲話要整走椅背電視減重…從而增加利潤..
依家咁既情況發生唔使旨意我揀國泰搭!!無電視睇都唔知係咪特登!!



我想講下我噚晚食左乜….
晚餐自己煮左0麥半米…
之後撈d牛油….加少少咁多美極..
開一罐葡國老人牌辣魚…..整爛佢…
連埋d油一齊倒落d飯度撈埋一齊食….
正到~~~簡直係無飯食既懶人之選~
夜少少就自己開party~
用電飯煲烤熱烤熟韓國買哥d雞泡魚乾…佐以貞媽梅酒伴吃~
好一個有型既宵夜~(好可惜伴我開party既係心戰….當堂無癮…)
(但最後食得太多我胃痛~~~~~~~~~)



報時:距離六公子出使韓國之旅仲有—-93日~

沒有留言:

張貼留言