法國瑞士塵世美之旅2012-05-21第三天Part 2(超級凍超級大風大雨)

噚日仲係頭痛….blog都無心機打…..噚晚諗住早早地訓…..點知訓下醒下訓下醒下…..頂唔順….見天光…上山頂睇醫生……今次算快….一個鐘都無就睇完…..今日躲在家休息…..依家仲係有d頭赤+呆呆地+頭暈……..



2012-05-21
Day 3—-Part 2(法國巴黎)食飽都仲係咁大雨……行一條直路就會到達雨果紀念館(Maison de Victor Hugo)….地址：Hotel de Rohan-Guemenee 6, place des Vosges…….網址：www.paris.fr/musees…..最開心既係~免費入場~v*..*v

不過我地睇漏一樣野……佢逢星期一係休息架~~~~~~~~~~~~~點解我地會咁失策架????各位plan行程時記得睇睇各大博物館美術館展覽館既休息日同開放時間!!!!!!

扁哂咀既小朋友;[



附近都有好多呢d拱廊~好靚呀毛寶影得~好有氣質~

跟住我地就一路係下雨天之下…朝住自由民街(Rue des France-Bourgeois)既方向行~

自由民街有好多賣手飾既小店同埋休閒服既鋪頭~不過哥日落雨~個心情梅梅地無咩心機睇~毛寶就係Loft design by度買左個布袋~仲有好多既藝術畫廊~

途經一間外牆鋪滿植物既民居~幾鬼靚~(我話我~~~~~~~~~~)

行到自由民街既尾尾~就見到下一站：龐畢度中心(Centre Georges Pompidou)個屁屁~

行過少少行到佢個正門~有印象呀有印象呀~以前媽媽成日帶我行過呢棟古怪既野架~地址：Centre Georges Pompidou……網址：www.cnac-gp.fr……佢係一個多功能既文化中心~成日有唔同既當代藝術展覽~Museum pass可以免費入場~

呢個時候都係好鬼大風大雨~



成功入內~呢日都唔算好多人~可能係星期一既關係卦~

大風中的巴黎;]…(死都話好鬼浪漫呀…..)

不過唔係全棟都可以俾Museum pass入架…就好似我地哥日黎到5樓同6樓都係要再俾錢先可以入…咁我地又唔係藝術狂熱份子…梗係唔俾錢睇啦!!!!

不過呢個文化中心真係超大….我地求求其其無乜深入咁睇…..都睇左成兩三個鐘…..

不過….藝術呢d野….又點會係我呢種平凡人所理解呢????雖然我藝術既認知好低…..但呢一幅…….我真係好難聯想到…..藝術……………..可能係個意境…..我望住呢幅黑色既畫…發左一陣呆…………………….定還是淨係得我一個睇到全黑色???

跟住就求其參觀下咁囉~帶大家一齊進入…藝術既空間~好似係唔俾影相….但全部人都係度影喎~

通常我病既時候我就會好想食某樣野…
以前小學發燒時我會好想食燒肉!!
今次頭痛我好想好想食雲吞麵…..仲要有紅醋點麵食~
仲有鹽酥雞….
噚日中午番屋企食飯時就好想飲雀巢檸檬茶…
因為無咩胃口貪佢酸酸地開下胃..
點知一番到公司..
sasa：我等緊你番黎同你一齊分享雀巢檸檬茶呀~
我認為真係有心有靈犀呢回事~(我同我阿媽成日都係咁~)



媽媽不在家我也要好好的照顧自己呀~
我噚日都對自己好好架..
朝早整左法式烤多士做早餐~(即係焗芝腿治~)
夜晚放工去買左海南雞飯獎自己~
係美麗街新開架…叫金好味~
如果唔係有人推介…睇個門面我係唔會入的~
38蚊一個飯…..有飯有雞有菜有湯….噚晚仲無啦啦送埋涼茶俾我~
有d新加坡或者馬來西亞feel~
三款醬料~泰式辣醬~薑蓉~黑豉油
好好味呀~~我最鐘意食海南雞飯有黑豉油的~
佢地個飯好好味~~雞又滑~~份量夠哂大~
推介推介~



毛寶噚晚都有送暖到我家~
送上佢媽媽煲的冬瓜湯~
好正呀~謝謝寶~
貞跟i也很好呀~
知道我無飯食~
都話呢個禮拜要約我;]
好簡動呀~
不過我因為身體不適所以不出動了~



報時：距離六公子出使韓國之旅仲有—-100日~
倒數一百日喇~
要開始準備心情了嗎~~~~??