2012年6月5日 星期二

旗艦綜合日本料理

星期二又過得幾快喎~~雖然都係好多野做….不過就係因為咁時間先過得快~~食左少少瑞士同法國買番黎既朱古力~都幾好味喎~法國哥d好似重朱古力味d~瑞士哥d就充滿少女味~~~尤其係哥條特別版既三角朱古力~~果仁得黎回甘時仲有少少鹹味~~吹佢唔漲~~~好過癮呀~~~~



之前成日問人澳門除左鮨味亭禾花亭鮪之外仲有咩好味既日本餐…..同事同fb上既人都講呢間—-旗艦…..地址:氹仔埃武拉街太子花城地下F鋪..電話:28995555






哥日本身約左朗仔睇戲…睇完戲問佢一唔一齊食飯…佢打番屋企先知原來佢哥日無飯食…同埋哥日係佢舊曆生日喎~咁你話係咪要賀一賀佢啦~


大家都話呢間好味~~~就去試下啦~


華~~~大大塊三文魚呢~~而墨魚加紫蘇呢個配搭又幾好味喎~~~




我地叫呢個壽司係咪好now仔呀??哈哈~~其實我都好鐘意食黃蘿蔔卷的~




火灸三文魚壽司朗仔叫的~而海膽壽司同加州卷都唔錯~





鹽燒秋刀魚~d魚皮燒到好好味呀~




但係個拉麵好差囉……差到無朋友…




諗住叫甜品….有芒果刨冰同花生刨冰揀…諗左好耐落唔到決定諗住叫哂兩個…個服務員話:下…好大個架喎怕唔怕食唔哂????……諗落芒果成日有得食…花生真係未食話…..於是叫了花生~又真係幾高喎~~~~好好味呀~~~~好香花生味呀~~~好想食多碗呢~~




食完之後覺得….唔…ok啦…..又無大家講到好好好好咁好味….d刺身都幾好味既~不過熟食好似無咩驚喜….拉麵就簡直唔好味…..甜品又有少少驚喜咁囉~睇佢餐牌有d火鍋餐….不過睇覺得好似會俾人搵笨….又唔係食d咩….咁就要好幾百咪搞……不過算啦….呢餐每人都係百幾蚊~就食飽~不過你叫我再去…我又無咩衝動咁囉…好~下次去試另外一間人地推介既~






我發現我去完旅行之後…
隻手掌滑溜到不得了~~~
好似d青春少艾咁滑~~又軟熟(好變態的形容詞~xP)
唔知點解會咁呢???
依家我好迷戀自己既手掌~~不停摸~
雖然我既手背依然係被曬到又黑又醜~
唔知少女手可以滑到幾時呢??好好玩呀~~



我今日番工見到…
平時公司外牆有兩塊很巨型既廣告板~~
其中一執係:Mr.~~~~~~~~~~~~~
呢半個月我都可以同布志綸講聲早安先番工~
一見到Mr.又令我今日內心狂播佢地d歌一邊做野~~~~~~~~~~



我噚晚執相執到12點幾仲未執完…
我…暈…喇…
我好乖架喇~~~~~~~



報時:距離六公子出使韓國之旅仲有—-116日~
依家超級期待去韓國呀~~
因為有兩個韓國通一齊去~~
咩都唔使諗~~~懶懶熊的輕鬆之旅~~

沒有留言:

張貼留言